విశాఖ జిల్లాలో షెడ్యూల్డ్ కులాలు షెడ్యూల్డ్ జాతులపై జరిగే దాడులు అత్యాచార కేసులను వేగంగా పరిష్కరించాలని జిల్లా కలెక్టర్ డా.ఏ. మల్లికార్జున అధికారులను ఆదేశించారు. గురువారం కలెక్టరేట్ సమావేశ మందిరంలో నిర్వహించిన ఎస్సీ ఎస్టీ యాక్ట్  జిల్లా విజిలెన్స్ మానిటరింగ్ కమిటీ ఈ సమావేశంలో ఆయన మాట్లాడుతూ ఇటువంటి నేరాలలో నిందితులకు కఠిన శిక్ష విధించేలా తగు ఆధారాలను సేకరించి కోర్టులో ప్రవేశ పెట్టాలన్నారు. పెండింగ్ కేసులపై ఆయన స్పందిస్తూ సాంకేతిక పరమైన కారణాలను రెవెన్యూ, పోలీస్, సంక్షేమ శాఖ అధికారులు సమన్వయంతో పరిష్కరించాలని ఆదేశించారు. ఎస్సీ ఎస్టీలపై జరిగిన అత్యాచార కేసులో వివిధ కేటగిరీల కింద  నమోదు చేసిన కేసులను వాటి పురోగతిని విశాఖ అర్బన్ రూరల్ జిల్లా పోలీసులు కలెక్టర్ కువివరించారు. కేసులపై పటిష్టమైన సాక్ష్యాధారాలు సేకరించాలని, అధికారులు పబ్లిక్ ప్రాసిక్యూటర్ సలహాలను అనుసరించి నేరస్తులకు తగిన శిక్ష పడే విధంగా చర్యలు చేపట్టాలన్నారు.  విశాఖ కమిషనరేట్ పరిధిలో యుఐ కేసులు 123 ఉండగా పిటి కేసులు 578 వరకు పెండింగ్ ఉన్నాయని, అయితే వీటిలో ఎక్కువగా దీర్ఘకాలంగా ఇతర రాష్ట్రాలకు ఇతర జిల్లాలకు చెందిన కేసులు విచారణ పూర్తయితే క్లోజింగ్ దశలో వున్నాయిని పోలీస్ అధికారులు తెలియజేశారు. రూరల్ జిల్లా పరిధిలో 67 యుఐ కేసులు 229 పిటీ కేసులు ఉన్నట్లు తెలిపారు

జిల్లాలో  పౌర హక్కుల దినోత్సవాలను తరచుగా నిర్వహించి ఎస్.సి. ఎస్.టి. పౌరులకు వారి హక్కులను గురించి తెలియజేయాలని సూచించగా జిల్లాలో సివిల్ రైట్స్ డే లను నిర్వహిస్తున్నట్లు కమిటీ సభ్యులు కలెక్టరుకు తెలిపారు.  దీనిపై కలెక్టరు వారిని అభినందించారు. సాంఘిక సంక్షేమ శాఖ జాయింట్ డైరెక్టర్ డి వి రమణ మూర్తి మాట్లాడుతూ 169 కేసులలో  208 మంది ఎస్సీ ఎస్టీ బాధితుల కు రూ. 2 కోట్ల 96 లక్షల 20 వేలు నష్ట పరిహారం అందజేసినట్లు చెప్పారు.  సంఘ సభ్యులు  పెందుర్తి మండలంలో నరవ గ్రామ పరిధిలో ఎస్.టి.లకు కేటాయించిన ఇండ్ల స్థలాలుకొన్ని ఇతరుల ఆక్రమణలో వున్నాయని సూచించగా దీనిపై జాయింట్ యాక్షన్ కమిటీని వేస్తామని తెలిపారు.  ఆనందపురం మండలంలో కొంత మంది ఎస్.సి. రైతులకు  రైతు భరోసా అందడం లేదని తెలుపగా దీనిపై ఆర్డీవో, వ్యవసాయ శాఖ జెడి లను విచారణ చేయవలసినదిగా ఆదేశించారు. ఈ సమావేశంలో జిల్లా ఎస్.పి.  బి.కృష్ణారావు, జె.సి.లు యం. వేణు గోపాలరావు, పి.అరుణ్ బాబు, డి.సి.పి. ఎస్. గౌతమి, డిఆర్వో శ్రీనివాసమూర్తి,  ఎ.ఎస్.పి.లు, జిల్లా అధికారులు తదితరులు పాల్గొన్నారు. 

తూర్పుగోదావరి జిల్లాలోని రైతుబజార్లలో ఎల్ఈడీ బోర్డులు, కేంటీన్లు ఏర్పాటు చేస్తున్నట్టు మార్కెటింగ్ శాఖ సహాయం సంచాలకులు సూర్యప్రకాశరెడ్డి తెలియజేశారు. ఈ మేరకు ఆయన బుధవారం కాకినాడ రూరల్ లోని తన కార్యాలయంలో మీడియాతో మాట్లాడారు. జిల్లాలోని  ఆలమూరు, అమలాపురం, అంగర, క్యాంటీన్లతోపాటు అన్ని రైతు బజార్లలో ఎల్ ఈడీ డిస్ప్లే బోర్డులు ఏర్పాటు చేస్తున్నామన్నారు. దీనికోసం టెండరు ప్రక్రియ మొదలైందన్నారు. అది పూర్తయితే వినియోగారుల సౌకర్యార్ధం ఈ రెండు సేవలు అందుబాటులోకి వస్తాయన్నారు. ఎల్ఈడీ బోర్డులు ద్వారా కూరగాయల ధరలు ఎప్పటికప్పుడు తెలుసుకో వచ్చునన్నారు. కేంటిన్ ద్వారా రైతు బజార్లకు వచ్చే వారికి రిఫ్రెష్ మెంట్ కలగుతుందని చెప్పారు. ఈ మేరకు రాష్ట్ర అధికారులు చర్యలు చేపట్టినట్టు మార్కెటింగ్ శాఖ ఏడీ సూర్యప్రకాశరెడ్డి మీడియాకి వివరించారు.

దేశ వ్యాప్తంగా జర్నలిస్టులకు సంబంధించిన నాలుగు కార్మిక చట్టాలను కేంద్ర ప్రభుత్వం రద్దు చేయడం జరిగిందని, అయితే వాటిని తక్షణమే తిరిగి పునరుద్దరించాలని కోరుతున్నామని ఏపీ వర్కింగ్‌ .జర్నలిస్టుల ఫెడరేషన్‌ రాష్ట్ర ప్రధాన కార్యదర్శి జి. అంజనేయులు, జాతీయ జర్నలిస్టుల సంఘం కార్యదర్శి గంట్ల శ్రీనుబాబులు డిమాండ్‌ చేశారు. సోమవారం డాబాగార్డెన్స్‌ విజెఎఫ్‌ ప్రెస్‌క్లబ్‌లో ఏర్పాటు చేసిన పాత్రికేయుల సమావేశంలో దేశ, రాష్ట్ర వ్యాప్తంగా జర్నలిస్టులకు సంబంధించిన అనేక అంశాలను వీరు వెల్లడించారు. కేంద్రం రద్దు చేసిన నాలుగు కార్మిక చట్టాల పునరుద్దరణ కోసం జాతీయ స్ధాయిలో అనేక ప్రాంతాల ప్రెస్‌క్లబ్‌లతో కలసి కృషి చేస్తున్నామన్నారు. పార్లమెంటరీ కమిటీ నివేదిక రాగానే ఆయా చట్టాలకు సంబంధించి స్ఫష్టత రాకపోతే గతంలో సుప్రీం కోర్టు ఇచ్చిన మార్గదర్శకాల ప్రకారం న్యాయ పోరాటం చేసే అంశాన్ని తమ యూనియన్‌లు పరిశీలిస్తున్నట్లు చెప్పారు. రాష్ట్రంలో జర్నలిస్టుల ఇళ్ల స్థలాలకు సంబంధించి ప్రభుత్వం విధానపరమైన ప్రకటన చేస్తామని ఇప్పటికే హామీ ఇచ్చి ఉన్నందున దాని కోసం తాము ఎదురుచూస్తున్నట్లు చెప్పారు. త్వరలోనే సానుకూలంగా  ప్రకటన వెలువడుతుందని తాము భావిస్తున్నామన్నారు. అక్రిడేషన్లుకు సంబంధించి దశల వారీగా జారీ చేస్తున్నారని, చిన్న పత్రికలకు, కేబుల్‌టీవీలకు సైతం అక్రిడేషన్లు జారీ అవుతున్నాయని,ఈ ప్రక్రియలో ఎప్పటికప్పుడు అధికారులతో సమన్వయం చేసుకుంటూ ముందుకు సాగుతున్నామన్నారు. దేశంలో, రాష్ట్రంలో మీడియా కమిషన్‌లు ఏర్పాటు చేస్తే జర్నలిస్టులకు సంబంధించిన విధివిధానాల ప్రకారం అందరూ ఒకే రీతిన పనిచేయడానికి అవకాశం కలుగుతుందన్నారు. దీంతో పాటు శరవేగంగా పెరుగుతున్న డిజిటల్‌ మీడియాకు సంబంధించి కూడా కేంద్ర,రాష్ట్ర ప్రభుత్వాలు అవసరమైన మేర మార్గదర్శకాలు జారీ చేయాలని వీరు కోరారు. కేంద్రం విధివిధానాల బట్టి రాష్ట్రం నిర్ణయం తీసుకునే అవకాశం ఉందన్నారు. రాష్ట్ర వ్యాప్తంగా ఫెడరేషన్‌,బ్రాడ్‌కాస్ట్‌ యూనియన్లును మరింత బలోపేతం చేస్తామన్నారు. ఇప్పటికే ఈ రెండు యూనియన్లుకు ఏపీ ప్రభుత్వం నుంచి అధికారికంగా గుర్తింపు లభించిందని వివరించారు. జర్నలిస్టుల సంక్షేమానికి సంబంధించి తమ పరిధి మేరకు ఎప్పటికప్పుడు ప్రభుత్వ పెద్దలతో చర్చించి ఆయా సమస్యల పరిష్కారానికి తమవంతు కృషి చేస్తున్నట్లు చెప్పారు. విశాఖ అర్భన్‌ యూనిట్‌ అధ్యక్షుడు పి. నారాయణ్ మాట్లాడుతూ జిల్లా వ్యాప్తంగా జర్నలిస్టులకు సంబంధించిన సమస్యలను ఎప్పటికప్పుడు జాతీయ, రాష్ట్ర ప్రభుత్వం దృష్టికి తీసుకువెళ్తున్నట్లు చెప్పారు. ఈ నెల 23న రాష్ట్రస్ధాయి సమావేశం జరగనుందని, అందులో పలు అంశాలను చర్చించేందుకు నివేదిక అందజేస్తామన్నారు. ఈ సమావేశంలో ఫెడరేషన్‌ జాతీయ సభ్యుడు జి.శ్రీనివాసరావు, అర్భన్‌ యూనిట్‌ కార్యదర్శి అనురాధ, బ్రాడ్‌కాస్ట్‌ సంఘం ప్రతినిధులు రామకృష్ణ, ఎంఎస్‌ఆర్‌ ప్రసాద్‌, పాల్గొన్నారు. 

జ‌గ‌న‌న్న సంపూర్ణ గృహ హ‌క్కు ప‌థ‌కాన్ని ఇప్ప‌టివ‌ర‌కు విజ‌య‌న‌గ‌రం జిల్లాలో  9,600 మంది వినియోగించుకున్నార‌ని జిల్లా క‌లెక్ట‌ర్  ఎ.సూర్య‌కుమారి తెలిపారు. ఈ ప‌థ‌కం క్రింద సుమారు రూ.10కోట్లు వ‌సూల‌య్యింద‌ని అన్నారు. వీరంద‌రికి రెండు రోజుల్లో రిజిష్ట్రేష‌న్లు పూర్తి చేయాల‌ని క‌లెక్ట‌ర్ ఆదేశించారు. జ‌గ‌న‌న్న సంపూర్ణ గృహ హ‌క్కు ప‌థ‌కంపై టెలీకాన్ఫ‌రెన్స్ ద్వారా క‌లెక్ట‌ర్ స‌మీక్షించారు. ప్ర‌తీ ల‌బ్దిదారుడికి రిజిష్ట్రేష‌న్ చేసేందుకు మూడు సెట్ల రిజిష్ట్రేష‌న్ ప‌త్రాలు వ‌స్తాయ‌ని, ఇలా ఇప్ప‌టివ‌ర‌కు జిల్లాకు 2,800 సెట్లు వ‌చ్చాయ‌ని తెలిపారు. జిల్లాలో ఇంత‌వ‌ర‌కు 130 రిజిష్ట్రేష‌న్లు జ‌రిగాయ‌ని, మిగిలిన‌వారికి కూడా రెండు రోజుల్లో రిజిష్ట్రేష‌న్ పూర్తి చేయాల‌ని ఆదేశించారు. మూడు సెట్ల‌లో ఒక‌టి ల‌బ్దిదారునికి ఇస్తార‌ని, ఒక‌టి స‌చివాల‌యంలో, మ‌రొక‌టి స‌బ్ రిజిష్ట్రార్ వ‌ద్దా ఉంటుంద‌ని తెలిపారు. తాశీల్దార్ విక్ర‌య‌దారునిగా, ల‌బ్దిదారుడు కొనుగోలుదారుడిగా ఈ రిజిష్ట్రేష‌న్ ప్ర‌క్రియ జ‌రుగుతుంద‌ని వివ‌రించారు.

2000-2004 సంవ‌త్స‌రాల మ‌ధ్య అప్ప‌టి ప్ర‌భుత్వం ప్ర‌క‌టించిన ఒన్‌టైమ్ సెటిల్ మెంట్ ప‌థ‌కాన్ని వినియోగించుకున్న‌వారికి, ప్ర‌స్తుతం కేవ‌లం రూ.10కే రిజిష్ట్రేష‌న్ చేయ‌డం జ‌రుగుతుంద‌ని క‌లెక్ట‌ర్ చెప్పారు. అప్ప‌ట్లో డ‌బ్బు చెల్లించిన‌వారికి, నో డ్యూస్ స‌ర్టిఫికేట్‌ను మాత్ర‌మే అంద‌జేయ‌డం జ‌రిగింద‌న్నారు.  అటువంటి వారికి కూడా ఇప్పుడు రిజిష్ట్రేష‌న్ల‌ను జ‌ర‌పాల‌ని ఆదేశించారు. దీనికోసం ల‌బ్దిదారులు త‌మ పాసుపుస్త‌కం లేదా నో డ్యూస్ స‌ర్టిఫికేట్ల‌ను తీసుకురావాల్సి ఉంటుంద‌ని క‌లెక్ట‌ర్ సూచించారు.ఈ టెలీకాన్ఫ‌రెన్స్‌లో జాయింట్ క‌లెక్ట‌ర్ (హౌసింగ్) మ‌యూర్ అశోక్‌, హౌసింగ్ పిడి కూర్మినాయుడు, జిల్లా రిజిష్ట్రార్‌, తాశీల్దార్లు, ఎంపిడిఓలు పాల్గొన్నారు.