జ‌గ‌న‌న్న సంపూర్ణ గృహ హ‌క్కు ప‌థ‌కాన్ని ఇప్ప‌టివ‌ర‌కు విజ‌య‌న‌గ‌రం జిల్లాలో  9,600 మంది వినియోగించుకున్నార‌ని జిల్లా క‌లెక్ట‌ర్  ఎ.సూర్య‌కుమారి తెలిపారు. ఈ ప‌థ‌కం క్రింద సుమారు రూ.10కోట్లు వ‌సూల‌య్యింద‌ని అన్నారు. వీరంద‌రికి రెండు రోజుల్లో రిజిష్ట్రేష‌న్లు పూర్తి చేయాల‌ని క‌లెక్ట‌ర్ ఆదేశించారు. జ‌గ‌న‌న్న సంపూర్ణ గృహ హ‌క్కు ప‌థ‌కంపై టెలీకాన్ఫ‌రెన్స్ ద్వారా క‌లెక్ట‌ర్ స‌మీక్షించారు. ప్ర‌తీ ల‌బ్దిదారుడికి రిజిష్ట్రేష‌న్ చేసేందుకు మూడు సెట్ల రిజిష్ట్రేష‌న్ ప‌త్రాలు వ‌స్తాయ‌ని, ఇలా ఇప్ప‌టివ‌ర‌కు జిల్లాకు 2,800 సెట్లు వ‌చ్చాయ‌ని తెలిపారు. జిల్లాలో ఇంత‌వ‌ర‌కు 130 రిజిష్ట్రేష‌న్లు జ‌రిగాయ‌ని, మిగిలిన‌వారికి కూడా రెండు రోజుల్లో రిజిష్ట్రేష‌న్ పూర్తి చేయాల‌ని ఆదేశించారు. మూడు సెట్ల‌లో ఒక‌టి ల‌బ్దిదారునికి ఇస్తార‌ని, ఒక‌టి స‌చివాల‌యంలో, మ‌రొక‌టి స‌బ్ రిజిష్ట్రార్ వ‌ద్దా ఉంటుంద‌ని తెలిపారు. తాశీల్దార్ విక్ర‌య‌దారునిగా, ల‌బ్దిదారుడు కొనుగోలుదారుడిగా ఈ రిజిష్ట్రేష‌న్ ప్ర‌క్రియ జ‌రుగుతుంద‌ని వివ‌రించారు.

2000-2004 సంవ‌త్స‌రాల మ‌ధ్య అప్ప‌టి ప్ర‌భుత్వం ప్ర‌క‌టించిన ఒన్‌టైమ్ సెటిల్ మెంట్ ప‌థ‌కాన్ని వినియోగించుకున్న‌వారికి, ప్ర‌స్తుతం కేవ‌లం రూ.10కే రిజిష్ట్రేష‌న్ చేయ‌డం జ‌రుగుతుంద‌ని క‌లెక్ట‌ర్ చెప్పారు. అప్ప‌ట్లో డ‌బ్బు చెల్లించిన‌వారికి, నో డ్యూస్ స‌ర్టిఫికేట్‌ను మాత్ర‌మే అంద‌జేయ‌డం జ‌రిగింద‌న్నారు.  అటువంటి వారికి కూడా ఇప్పుడు రిజిష్ట్రేష‌న్ల‌ను జ‌ర‌పాల‌ని ఆదేశించారు. దీనికోసం ల‌బ్దిదారులు త‌మ పాసుపుస్త‌కం లేదా నో డ్యూస్ స‌ర్టిఫికేట్ల‌ను తీసుకురావాల్సి ఉంటుంద‌ని క‌లెక్ట‌ర్ సూచించారు.ఈ టెలీకాన్ఫ‌రెన్స్‌లో జాయింట్ క‌లెక్ట‌ర్ (హౌసింగ్) మ‌యూర్ అశోక్‌, హౌసింగ్ పిడి కూర్మినాయుడు, జిల్లా రిజిష్ట్రార్‌, తాశీల్దార్లు, ఎంపిడిఓలు పాల్గొన్నారు.

జగనన్న సంపూర్ణ గృహ హక్కు పథకంలో లబ్ధిదారులకు శాశ్వత గృహ హక్కు కల్పించే రిజిస్ట్రేషన్లను వేగవంతం చేయాలని జిల్లా కలెక్టర్  డా. ఏ.మల్లికార్జున అధికారులను ఆదేశించారు. సోమవారం జిల్లాలోని అన్ని మండలాల, తాహసిల్దార్ లు, ఎంపీడీవోలు, జీవీఎంసీ జోనల్ కమిషనర్ లతో ఈ విషయమై ఆయన వీడియో కాన్ఫరెన్స్ నిర్వహించారు. సంపూర్ణ గృహ హక్కు పట్టాలను కలిగి ఉన్నట్లయితే చేకూరే లాభాలను లబ్ధిదారులకు తెలియజేసి పూర్తి అవగాహన కల్పించాలన్నారు.  రిజిస్ట్రేషన్ చేయించుకునేందుకు ముందుకు వచ్చిన వారికి వెంటనే రిజిస్ట్రేషన్ చేయాలన్నారు. ముఖ్యమంత్రి జగన్మోహన్ రెడ్డి ఇచ్చిన   అవకాశం వినియోగించుకో 

వాలన్నారు.  రిజిస్ట్రేషన్ చేసే  విధివిధానాలను గూర్చి జిల్లా రిజిస్ట్రార్ అధికారులకు వివరించారు. ఈ వీడియో కాన్ఫరెన్స్ లో జిల్లా కలెక్టర్ క్యాంపు కార్యాలయం నుంచి పాల్గొనగా కలెక్టర్ కార్యాలయం నుండి జెసి  ఎం.వేణుగోపాల్ రెడ్డి, హౌసింగ్ జెసి కల్పనా కుమారి, గృహ నిర్మాణ శాఖ పి డి శ్రీనివాస్, ఇన్ఛార్జ్ డిఆర్ఓ రంగయ్య, జడ్పీ సీఈఓ నాగార్జునసాగర్, వివిధ మండలాల గృహనిర్మాణ శాఖ ఇంజనీర్లు తదితరులు పాల్గొన్నారు.

దేశ రక్షణలో అమరులైన, క్షతగాత్రులైన సైనిక మరియు మాజీ సైనిక కుటుంబాల సంక్షేమం కోసం సాయుధ దళాల పతాక దినోత్సవ నిధికి విరివిగా విరాళాలు అందించాలని పౌరులను, వ్యాపారవేత్తలను, పారిశ్రామిక వేత్తలకు జిల్లా కలెక్టర్ శ్రీకేశ్ లాఠకర్ విజ్ఞప్తి చేసారు. సాయుధ దళాల పతాక దినోత్సవ సందర్భంగా మంగళవారం కలెక్టరు క్యాంపు కార్యాలయంలో  జిల్లా కలెక్టర్ తమ తొలి విరాళాన్ని అందించి సాయుధ దళాల పతాక దినోత్స వేడుకలను లాంఛనంగా ప్రారంబించారు. ఈ సందర్భంగా కలెక్టర్ జిల్లాలోని సైనికులు, మాజీ సైనికులు వారి కుటుంబ సభ్యులకు పతాక దినోత్సవ శుభాకాంక్షలు తెలిపారు. దేశ రక్షణ కొరకు అహర్నిషలు శ్రమించి ప్రాణాలు కోల్పోయిన వారికి, వారి కుటుంబాలను ఆదుకునే బాధ్యత ప్రతి ఒక్కరి పైన ఉందని అన్నారు. దానికొరకు పతాక నిధికి విరివిగా విరాళాలు అందించాలని జిల్లా ప్రజలను, పారిశ్రామిక, వ్యాపారవేత్తలను కోరారు. కరోనా నేపధ్యంలో గత రెండేళ్లుగా సైనిక కుటుంబాల సంక్షేమానికి విరాళాలు అందలేదని, ఈ ఏడాదిలో అందరూ విరివిగా విరాళాలు అందించి సైనిక కుటుంబాల సంక్షేమానికి కృషిచేయాలని కలెక్టర్ ఆకాంక్షించారు. పతాక నిధికి విరాళాలు అందించేవారు డైరెక్టరు, సైనిక సంక్షేమ శాఖ, విజయవాడ వారి అకౌంట్ నెం.33881128795కు నేరుగా జమ చేయాలని లేదా జిల్లా సైనిక సంక్షేమాధికారి, శ్రీకాకుళం పేరున చెక్కు డ్రాఫ్టును తీసి జిల్లా సైనిక సంక్షేమ కార్యాలయము, పెద్ద రెల్లి వీధి, శ్రీకాకుళం వారికి పంపవలసినదిగా కోరారు.  పతాక నిధికి మీరు అందిచే విరాళాలకు  ఆదాయపు పన్ను రాయితీ లభిస్తుందని తెలిపారు. అనంతరం స్థానిక పెద్ద రెల్లి వీధిలోని జిల్లా సైనిక సంక్షేమ కార్యాలయములో పతాక దినోత్సవ వేడుకలను జిల్లా సైనిక సంక్షేమాధికారి జి. సత్యానందం ప్రారంబించారు. ఈ కార్యక్రమములో మాజీ సైనిక సంఘం సభ్యులు, గ్రూప్ కెప్టెన్ ఈశ్వరరావు, సుబేధర్ సూర్యనారాయణ, హవల్దార్ రవికుమార్ మరియు యన్.సి.సి. ఇన్ఫ్రాస్ట్రక్టర్ ఆదినాయణ మరియు జిల్లా సైనిక సంక్షేమ కార్యలయ సిబ్బంది తదితరులు పాల్గొన్నారు. 

కార్తీక మాసం మొదలుకొని 45 రోజులపాటు అయ్యప్పలు ఎన్నో నియమాలతో స్వామీ దీక్ష పూర్తిచేస్తారని ఆ సమయంలో ఒక్కసారైనా అయ్యప్పలు అంబలం పూజనిర్వహించుకొని స్వామి కటాక్షాలు పొందుతారని సింహాచలం దేవస్ధానం ప్రత్యేక ఆహ్వానితులు గంట్ల శ్రీనుబాబు అన్నారు. సోమవారం అన్నారు. ఎంతో దీక్షతో ఎన్నో నియమాలతో విశాఖలోని కంచరపాలెం ధర్మానగర్‌ ప్రాంతంలో మళ్ల కిరణ్‌స్వామి ఆధ్వర్యంలో నిర్వహించిన అంబలం పూజలో గంట్ల శ్రీనుబాబు పాల్గొని అయ్యప్పస్వామికి ప్రత్యేక పూజలు చేశారు. ఈ  సందర్భంగా ఆయన మాట్లాడుతూ, మాల ధారణలో అయ్యప్పమాలకు విశేష గౌరవం వున్నదన్నారు. అలాంటి స్వాముల సమూహంలో జరుగుతున్న అంబలం పూజలో పాల్గొనడం ఆ అయ్యప్ప కరుణగా భావిస్తున్నానని చెప్పారు. ఈ కార్యక్రమంలో గురు స్వాములు అప్పలనాయుడు, సత్తిబాబు, అప్పలరాజు తదితరులు పాల్గొన్నారు.

భారత రాజ్యంగ నిర్మాత డాక్టర్‌ బిఆర్‌ అంబేద్కర్‌ సేవలను జాతి ఎప్పుడూ మరిచి పోదని,  జాతీయ జర్నలిస్టుల సంఘం కార్యదర్శి, వైజాగ్‌ జర్నలిస్టుల ఫోరం అధ్యక్షుడు గంట్ల శ్రీనుబాబు కొనియాడారు. సోమవారం డా.బీఆర్ అంబేత్కర్ వర్ధంతి సందర్భంగా డాబాగార్డెన్స్‌ అంబేద్కర్‌ విగ్రహం వద్ద అంబేద్కర్‌ విగ్రహానికి పూలమాల వేసి ఘనంగా నివాళ్లిర్పించారు. ఈ సందర్భంగా గంట్ల మాట్లాడుతూ, అంబేత్కర్ రచించిన భారత రాజ్యంగం  బడుగు,బలహీన వర్గాల అభ్యున్నతికి మార్గదర్శకం అయ్యిందన్నారు. భారత దేశానికి అంబేద్కర్‌ అందించిన సేవలు మరపు రానివని అన్నారు. అంభేత్కర్ ఆశయాలను నేటి యువత స్పూర్తిగా తీసుకోవాలని గంట్లశ్రీనుబాబు సూచించారు.

సాయుధ‌ దళాల పతాక నిధికి ప్ర‌జ‌లంతా పెద్ద ఎత్తున విరాళాలు ఇవ్వాల‌ని జిల్లా క‌లెక్ట‌ర్ శ్రీ‌మ‌తి ఎ.సూర్య‌కుమారి పిలుపునిచ్చారు. ఈ నెల 7వ తేదీన సాయుధ ద‌ళాల ప‌తాక దినోత్స‌వం సంద‌ర్భంగా,  మన జిల్లాలోని సైనికులకు, మాజీ సైనికులకు, వారి కుటుంబ సభ్యులకు క‌లెక్ట‌ర్ శుభాకాంక్షలు తెలిపారు. భారత సైనిక దళాలు మొక్కవోని దీక్షతో చూపిన దేశభక్తి, సాహసం, త్యాగాలను దేశం ఎన్న‌డూ విస్మ‌రించ‌జాల‌ద‌ని ఈ సంద‌ర్భంగా క‌లెక్ట‌ర్ పేర్కొన్నారు.  పాకిస్తాన్, చైనా  యుద్ద సమయాలలోను, కార్గిల్ పోరాటంలో, ముంబాయి తాజ్ హోటల్ దురాక్రమణ సమయంలోను, ప్రకృతి వైపరీత్యాల సమయంలోను మన సైనికుల ధైర్య సాహసాలు, తెగువకు, జాతి యావత్తు గర్విస్తోంద‌ని తెలిపారు. ఎంతో మంది సైనిక సహోదరులు దేశ రక్షణ కోసం తమ ప్రాణాలు అర్పించార‌ని, వారికి మనమందరం ఎంతగానో ఋణపడి ఉన్నామని పేర్కొన్నారు. ఆ సాహసోపేత వీర జవాన్ల‌కు వందనం సమర్పించేందుకు, వారి కుటుంబాలకు చేయూతనిచ్చేందుకు, సాయుద దళాల పతాక దినోత్సవాన్ని జరుపుకుంటున్నామని తెలిపారు.

         ఈ ప‌ర్వ‌దినం సందర్భంగా పతాక నిధికి విరివిగా విరాళాలను అందించాల‌ని, జిల్లాలోని పౌరులకు, వ్యాపారస్తుల‌కు, పారిశ్రామిక వేత్త‌ల‌కు విజ్జప్తి చేశారు. విరాళాలను జిల్లా సైనిక సంక్షేమ అధికారి, విజయనగరం వారి పేరుమీద‌, స్టేట్ బ్యాంకు ఆఫ్ ఇండియా అకౌంట్ నెంబరు 52065221666, IFSC CODE; SBIN0020931, MICR NO.535002017 నందు గాని డైరెక్టర్, సైనిక వెల్ఫేర్, విజయవాడ పేరున చెక్కు / డ్రాఫ్ట్ తీసి జిల్లా సైనిక సంక్షేమ  కార్యాలయం, విజయనగరం వారికి పంపించాల‌ని సూచించారు.  సాయుధ ద‌ళాల ప‌తాక దినోత్స‌వం సంద‌ర్భంగా ఈనెల 7వ తేదీన‌, యన్‌.సి.సి. విద్యార్థులు వివిధ ప్రాంతాలకు వచ్చి విరాళాలు సేకరిస్తార‌ని, వారికి  విరాళాలను విరివిగా అందించి మాజీ సైనికుల సంక్షేమానికి త‌మవంతుగా స‌హ‌కారాన్ని అందించాల‌ని కోరారు.  పతాక నిధికి అందించే విరాళాలకు ఆదాయ పన్నురాయితీ లభిస్తుంద‌ని క‌లెక్ట‌ర్ తెలిపారు.

శ్రీకాకుళం జిల్లాలో  మండలాలకు సంబంధించి తహసిల్థార్లు నుండి పూర్తి స్థాయి సమాచారం సేకరించాలని జిల్లా కలెక్టర్ శ్రీకేష్ లాఠకర్ ఆదేశించారు.  జవాద్ తుఫాన్ కు సంబంధించి మండలాల్లో పరిస్థి ఏ విధంగా ఉన్నదని కలెక్టర్ కార్యాలయంలో ఏర్పాటు చేసిన కంట్రోల్ రూంలో విధులు నిర్వహిస్తున్న సిబ్బందితో ఆయన శనివారం జిల్లా జాయింట్ కలెక్టర్ ఎం. విజయ సునీతతో సమీక్షించారు.   ఈ సందర్భంగా ఆయన మాట్లాడుతూ మండలాల్లో పునరావాస కేంద్రాలు ఎన్ని ఏర్పాటు చేశారు, అక్కడ ఎంత మంది ప్రజలు ఉన్నారు, వారికి ఆహారం సరఫరా చేస్తున్నది లేనిది తెలుసుకోవాలన్నారు.  ప్రస్తుత పరిస్థితి మండలాల్లో ఏ విధంగా ఉన్నదీ తెలుసుకోవాలని పేర్కొన్నారు.  వర్షపాతం నమోదు, గాలులు వేగం, తదితర అంశాలపై మండలాల నుండి సమాచారం సేకరించాలని ఆదేశించారు.  ఈ సమావేశంలో ఆయా విభాగలకు సంబంధించిన పర్యవేక్షకులు, కంట్రోల్ రూరం సిబ్బంది, తదితరులు పాల్గొన్నారు.

శ్రీ వరాహ లక్ష్మీనరసింహస్వామి దేవస్థానం అభివృద్ధికి తమ వంతు పూర్తి సహకారం అందిస్తామని అప్పన్న ధర్మకర్తల మండలి ప్రత్యేక ఆహ్వానితులు బృందం పేర్కొంది. ఈమేరకు శుక్రవారం దేవస్థానం ప్రత్యేక ఆహ్వానితులు గంట్ల  శ్రీను బాబు, మేడిద మురళీ కృష్ణ, దశమంతుల మాణిక్యాలరావు, యండమూరి వెంకట్రావు తదితరులు వరాహ పుష్కరిణి ప్రాంతంతోపాటు కొండ దిగువన శ్రీవెంకటేశ్వర ఆలయం ప్రాంతాలను వీరు సందర్శించారు. వరహా పుష్కరనీ ప్రాంతాన్ని ఉద్యానవనంగా తీర్చిదిద్దాలని తాము ఇప్పటికే ట్రస్ట్ బోర్డు సమావేశంలో ప్రతిపాదించినట్లు శ్రీనుబాబు చెప్పారు. వరాహ పుష్కరిణి ప్రాంతం  అభివృద్ధి చేస్తే భక్తులుకి ఆహ్లాద కరమైన వాతా వరణం కలుగుతుందని , ఇక్కడ సేద తీరే అవకాశం కలుగుతుందన్నారు. అంతేకాకుండా సాయంత్రం పూట గ్రామ ప్రజలు కూడా ఆహ్లాదంగా గడిపేందుకు అవకాశం కలుగుతుందని  శ్రీనుబాబు  పేర్కొన్నారు. ఇక అడవివరం స్మశానానికి వెళ్లే రహదారిని కూడా మెరుగు పరచవలసిన అవసరం ఉందని, నాలుగు వైపులా రహదారులు అభివృద్ధి చేస్తే ఈ ప్రాంతం సుందరముగా  విరాజిల్లుతోంది అన్నారు.

ఆదివారం నాటి పోలి పాడ్యమి సందర్భంగా సింహాచలం దేవస్థానం ఆధ్వర్యంలో చేసిన ఏర్పాట్లు  ప్రశంసనీయంగా ఉన్నాయని వీరు కొనియాడారు. పుష్కరిణిలో నాచు పట్టిన పలు ప్రాంతాలను  పరిశీలించారు. అనంతరం ఇక్కడ పేరుకుపోయిన కొంత చెత్తాచెదారాన్ని వీరు క్లీన్ అండ్ గ్రీన్ ద్వారా తొలగించారు. తదుపరి వెంకటేశ్వర స్వామి ఆలయాన్ని సందర్శించి అక్కడ భక్తులను  లోటుపాట్లు అడిగి తెలుసుకున్నారు.  అక్కడ కైంకర్య పరుడికి సక్రమంగా జీతం చెల్లిస్తున్నందుకు  ఈవో సూర్య కళ కి  ధన్యవాదాలు తెలియజేశారు. గతములో జీతం లేకపోవడం వల్ల తాము ఈ విషయాన్ని ఈఓ దృష్టికి తీసుకు వెళ్ళడంతో సానుకూలంగా స్పందించినట్లు చెప్పారు. దాతల సహకారంతో సుమారు 3 లక్షల రూపాయలు వెచ్చించి ధనుర్మాసం నాటికి వేంకటేశ్వర స్వామి ఆలయం లో భక్తులకు మెరుగైన సదుపాయాలు కల్పించేందుకు కృషి చేస్తామన్నారు. అనంతరం అక్కడ చెక్ డామ్ పరిశీలించారు.

బంగాళాఖాతంలో ఏర్పడిన తుఫాను కారణంగా  రానున్న 3 రోజుల్లో జిల్లా వ్యాప్తంగా పెనుగాలులతో కూడిన భారీ వర్షాలు కురియనున్నాయని వాతావరణ శాఖ జారీ చేసిన హెచ్చరిక నేపద్యంలో  జిల్లా యంత్రాంగం, ప్రజలు ముందు జాగ్రత్తలతో అప్రమత్తం కావాలని జిల్లా కలెక్టర్ సి.హరికిరణ్ కోరారు.  మధ్య అండమాన్ సముద్రంలో ఏర్పడిన అల్పపీడనం గురువారం నాటికి ఆగ్నేయ బంగాళాఖాతంలో తుఫానుగా బలపడి వాయువ్య దిశలో కదులుతూ ఈ నెల 4వ తేదీ ఉదయానికి ఉత్తరాంధ్ర-ఒడిస్సా తీరాన్ని తాకనుందని, దీని ప్రభావం వల్ల డిశంబరు 3 నుండి 5వ తేదీ వరకూ తూర్పు గోదావరి జిల్లాలో బలమైన గాలులతో భారీ వర్షపాతం నమోదు కానుందని వాతావరణ  హెచ్చరిక జారీ అయిందని ఆయన తెలిపారు.                                    తుఫాను హెచ్చరిక నేపద్యంలో మత్స్యకారులు ఎవ్వరూ సముద్రంలో వేటకు వెళ్లవద్దని హెచ్చరించాలని, ఇప్పటికే సముద్రంలో ఉన్న వారిని వెంటనే తీరానికి చేరుకునేలా చర్యలు చేపట్టాలని మత్య్సశాఖ అధికారులను ఆదేశించారు.  పెనుగాలుల వల్ల ప్రమాదాలు సంభవించకుండా  పూరిళ్లు, తాటాకు, పెంకుటిల్లలో నివశిస్తున్నవారు సురక్షిత ప్రాంతాలకు తరలివెళ్లాలని ఆయన కోరారు. అలాగే వర్షాల సమయంలో పిడుగులు పడే అవకాశం ఉన్నందున చెట్ల క్రింద ఉండవద్దని హెచ్చరించారు. రానున్న 2,3 రోజులలో భారీ వర్షాల వల్ల ఏజెన్సీ ప్రాంతంలోని వాగులు, వంకలు పొంగి పొర్లే ప్రమాదం ఉందని, కావున ప్రసవ తేదీకి దగ్గరలో ఉన్న గర్భవతులందరినీ సమీప ప్రభుత్వ ఆసుపత్రులలోని ప్రసవ నిరీక్షణ గదులకు తరలించాలన్నారు. గంటకు 80 కి.మీ. వేగంతో తుఫాను ఈదురు గాలులు వీచే అవకాశం ఉన్నందున, చెట్లు విద్యుత్ స్థంబాలు కూలి రహదార్లకు అంతరాయం ఏర్పడే అవకాశం దృష్ట్యా ప్రజలు ప్రయాణాలను వాయిదా వేసుకోవాలని సూచించారు.            రవాణా అవరోధాలను తొలగించేందుకు అవసరమైన జెసిబిలు, పవర్ కట్టర్లు, రంపాలు, ట్రాక్టర్లను సిద్దంగా ఉంచాలని ఆయన అధికారులకు సూచించారు. విద్యుత్ అంతరాయాల వల్ల త్రాగునీటి సరఫరాకు ఆటంకం కలుగకుండా జనరేటర్లు అందుబాటులో ఉంచాలని ఆదేశించారు. కమ్యూనికేషన్ వ్యవస్థలు అన్ని ఎటువంటి  అంతరాయం లేకుండా సక్రమంగా పనిచేసేలా చూడాలన్నారు.   రెవెన్యూ, అగ్నిమాపక, గ్రామీణ నీటి సరఫరా, విద్యుత్, పంచాయితీరాజ్, రోడ్లు భవనాలు, పోలీస్ తదితర రక్షణ,సహాయ శాఖలకు సెలవులు రద్దు చేసి, అధికారులు, సిబ్బంది అత్యవసర విధులకు అందుబాటులో ఉండాలని ఆదేశించారు. తుఫాను హెచ్చరికలను మీడియా, వలంటీర్ల వ్యవస్థ, టాంటాం ద్వారా ప్రజలకు ఎప్పటి కప్పుడూ తెలియజేయాలని, మండల ప్రత్యేక అధికారులు తమతమ మండల కేంద్రాలలో ఉండి ముందస్తు జాగ్రత్తలను, సహాయక చర్యలను పర్యవేక్షించాలని ఆదేశించారు. ముందు జాగ్రత్తగా జిల్లాలోని అన్ని ప్రభుత్వ, ప్రయివేట్ పాఠశాలలకు ఈ నెల 4వ తేదీన స్థానిక శెలవు దినం ప్రకటిస్తూ ఉత్తర్వులు జారీ చేశారు.  కలెక్టరేటులోను, అన్ని డివిజన్ కేంద్రాలలోనూ కంట్రోల్ రూమ్ లు ఏర్పాటు చేయాలని తుఫాను పరిస్థితులపై ఎప్పటికప్పుడు తనకు, కంట్రోల్ రూమ్ కు సమాచారం తెలియజేయాలన్నారు. ప్రాణ, ఆస్తి నష్టాలను నివారించేందకు  ప్రమాణిక విపత్తు నియంత్రణ కార్యాచరణలను పటిష్టంగా అమలు చేయాలని జిల్లా కలెక్టర్ అధికారులను ఆదేశించారు. కంట్రోల్ రూమ్ నంబర్లుః

1. జిల్లా కలెక్టరు కార్యాలయం, కాకినాడ 1800-425-3077

2. ఆర్డిఓ, కాకినాడ కార్యాలయం 0884-2368100

3. ఆర్డిఓ, అమలాపురం కార్యాలయం 08856-233208

4. ఆర్డిఓ, రామచంద్రపురం కార్యాలయం 08857-245166

5. ఆర్డిఓ, పెద్దాపురం కార్యాలయం 9603663227

6. పిఓ.ఐటిడిఏ, రంపచోడవరం కార్యాలయం 1800-425-2123

7. సబ్ కలెక్టర్, రంపచోడవరం కార్యాలయం 08864-243561

8. సబ్ కలెక్టర్, రాజమండ్రి కార్యాలయం 0883-2442344

9. ఆర్డిఓ, ఎటపాక కార్యాలయం 08864-285999, 7331179044