ఇసుక కొరత రానివ్వకుండా కొత్త ఓపెన్ రీచ్ ల గుర్తింపు పై అధికారులు ప్రత్యేక దృష్టి పెట్టాలని జిల్లా కలెక్టర్ సి.హరికిరణ్ అధికారులను ఆదేశించారు. శుక్రవారం కాకినాడ కలెక్టర్ కార్యాలయంలో కలెక్టర్ సి.హరికిరణ్ జిల్లా స్థాయి ఇసుక కమిటీ సమావేశాన్ని జాయింట్ కలెక్టర్ (రెవెన్యూ) డా.జి.లక్ష్మీశ, రాజమహేంద్రవరం సబ్ కలెక్టర్ ఇలాక్కియా తో కలిసి నిర్వహించారు. ఈ సందర్భంగా కలెక్టర్ హరికిరణ్ జిల్లాలో ఇసుక లభ్యత, ఇతర అంశాలపై మైన్స్, రెవెన్యూ, పంచాయితీ రాజ్, ఇరిగేషన్, గ్రౌండ్ వాటర్, ఆర్ డబ్ల్యూఎస్, ఇతర ఇంజనీరింగ్ అధికారులతో క్షుణ్ణంగా చర్చించారు. ఈ సందర్భంగా కలెక్టర్ మాట్లాడుతూ జిల్లాలో ఇప్పటి వరకు ఉన్న 31 ఇసుక ఓపెన్ రీచ్ లను 2021, నవంబర్ 30 నాటికి పర్యావరణ అనుమతులు గడువు పూర్తవుతున్నందున కొత్త  రీచ్ ల గుర్తింపు పై అధికారులు దృష్టి పెట్టాలన్నారు. కొత్త రీచ్ గుర్తింపునకు సంబంధించి మైన్స్, గ్రౌండ్ వాటర్, ఇరిగేషన్, ఆర్డబ్ల్యూఎస్ అధికారులు సంయుక్తంగా తనిఖీలు  చేయాలని  కలెక్టర్ అధికారులను ఆదేశించారు. 31 ఓపెన్ రీచ్ లలో ఇసుక ఉన్నప్పటికీ వరదల కారణంగా ప్రస్తుతానికి ప్రజలు, ప్రభుత్వ నిర్మాణ పనులకు అవసరమైన ఇసుకను జిల్లాలో ఉన్న వివిధ స్టాక్ యార్డుల నుంచే ఇసుక  సరఫరా జరుగుతుందన్నారు. జిల్లాలో 6 లక్షల 20 వేల మెట్రిక్ టన్నుల ఇసుక నిల్వ ఉందన్నారు. బేథమేట్రీక్ సర్వే ద్వారా 91లక్షల 56వేల 621 క్యూబిక్ మీటర్ల ఇసుక ఉన్నట్లు గుర్తించడం జరిగిందన్నారు. గ్రామ సచివాలయం, రైతు భరోసా కేంద్రం, హెల్త్ క్లినిక్, ఇతర ప్రభుత్వ భవన నిర్మాణ పనులకు ఇసుక కొరత రానివ్వకుండా మంగళవారం, శుక్రవారం రెండు రోజులపాటు ఇసుక సరఫరా చేయాలని జయప్రకాశ్ పవర్ వెంచర్స్ ప్రైవేట్ లిమిటెడ్ అధికారులను కలెక్టర్ ఆదేశించారు.

      ఈ సమావేశంలో ట్రైనీ కలెక్టర్ గీతాంజలి శర్మ, కాకినాడ, అమలాపురం ఆర్డీవోలు ఎజీ చిన్ని కృష్ణ,వసంతరాయుడు, డీపీవో ఎస్ వి నాగేశ్వరనాయక్, ఇంచార్జ్ మైన్స్ డీడీ ఈ. నరసింహారెడ్డి,ఏడీ  రాజమహేంద్రవరం డివిఆర్.కుమార్ , ధవలేశ్వరం ఈఈ జి.శ్రీనివాసరావు, పొల్యూషన్ కంట్రోల్ బోర్డు ఈఈ రామ్మోహన్ నాయుడు, ఇంచార్జి ఆర్టీవో జివివికే. రాజు, గ్రౌండ్ వాటర్,ఆర్డబ్ల్యూఎస్ ఇంజనీరింగ్ అధికారులు, జేపీ పవర్ వెంచర్స్ ప్రతినిధులు, తదితరులు పాల్గొన్నారు.

శ్రీకాకుళం జిల్లాలో జాతీయ, అంతర్జాతీయ స్థాయిలో ఉత్తమ ప్రతిభ కనబరచిన క్రీడాకారుల వివరాలను జిల్లా క్రీడా ప్రాధికార సంస్థ కార్యాలయానికి అందజేయాలని ఆ సంస్థ జిల్లా ముఖ్య క్రీడా శిక్షణాధికారి బి.శ్రీనివాస కుమార్ పేర్కొన్నారు. ఈ మేరకు శుక్రవారం ఒక ప్రకటన జారీచేసారు. ఆంధ్రప్రదేశ్ రాష్ట్ర క్రీడా ప్రాధికార సంస్థ వారి ఆదేశాల మేరకు 2020-21 మరియు 2021-22 సం.లలో దారిద్ర్యరేఖకు దిగువన ఉండి జాతీయ, అంతర్జాతీయ స్థాయిలో ఉత్తమ ప్రతిభ కనబరచిన వారు మరియు అర్హత పొందిన క్రీడాకారులు తమ వివరాలను వీలైనంత త్వరగా జిల్లా క్రీడాప్రాధికార సంస్థ, సెట్ శ్రీ కార్యాలయం, కలెక్టర్ కార్యాలయ ప్రాంగణం, శ్రీకాకుళం వారికి అందజేయాలని కోరారు. ఇతర వివరాల కొరకు జిల్లా క్రీడా ప్రాధికార సంస్థ కార్యాలయ పనివేళల్లో 98660 98642 లేదా 92488 07249 మొబైల్ నెంబర్లకు సంప్రదించవచ్చని ఆయన ఆ ప్రకటనలో స్పష్టం చేసారు.

ఔత్సాహిక  పారిశ్రామిక వేత్తలు  పరిశ్రమల స్థాపనకు  ముందుకువచ్చి పరిశ్రమలను స్థాపించాలని  జిల్లా కలెక్టర్ శ్రీమతి ఎ. సూర్య కుమారి పిలుపునిచ్చారు.   శుక్రవారం  తాడేపల్లి నుండి ముఖ్యమంత్రి వై.ఎస్.జగన్ మోహన్ రెడ్డి  సూక్ష్మ, చిన్న మధ్య  తరహ పరిశ్రమలకు 2 వ విడత  రాయితీ ని  రాష్ట్ర వ్యాప్తంగా వారి ఖాతాల్లో  వీడియో కాన్ఫరెన్స్ ద్వారా బటన్ నొక్కి  జమ చేసారు.  ఈ వీడియో కాన్ఫరెన్స్ కు జిల్లా నుండి కలెక్టర్ తో పాటు శాసన సభ్యులు బడ్డుకొండ అప్పలనాయుడు పాల్గొన్నారు.  వీడియో కాన్ఫరెన్స్ అనంతరం లబ్ది దారులకు మెగా చెక్కును అందజేశారు.  ఈ సందర్భంగా కలెక్టర్ మాట్లాడుతూ  జిల్లా లో 2 వ విడత క్రింద 25 ఎం.ఎస్.ఎం.ఈ  లకు  3.4 కోట్ల రూపాయలను వారి ఖాతాల్లో జమ చేయడం జరిగిందన్నారు.  ఈ అర్ధిక సహాయాన్ని పరిశ్రమల అభివృద్ధికి వినియోగించుకోవాలని అన్నారు.  వచ్చే  సోమవారం పరిశ్రమల అభివృద్ధి పై సమావేశం నిర్వహిస్తున్నామని, ఔత్సాహికులంతా ఈ సమావేశానికి హాజరు కావాలని కోరారు.  

ఈ కార్యక్రమం లో వరల్డ్  విజన్ సంస్థ , సెట్విజ్  ఆధ్వర్యం లో నవరత్నాల పై ముద్రించిన నవరత్న మాలిక పుస్తకాన్ని ఆవిష్కరించారు.

కరోనా లో కూడా సహాయం :  నెల్లిమర్ల శాసన సభ్యులు బడ్డుకొండ 

పరిశ్రమల  స్థాపనకు ముందుకు వచ్చే యువతీ యువకులకు  ప్రస్తుత ప్రభుత్వం  అనేక అవకాశాలను అందిస్తూ ప్రోత్సహిస్తుందని  నెల్లిమర్ల శాసన సభ్యులు బడ్డుకొండ తెలిపారు. వీడియో కాన్ఫరెన్స్ అనంతరం ఆయన  మీడియా తో మాట్లాడుతూ  రాష్ట్రం లో అన్ని జిల్లాల కంటే విజయనగరం లో తక్కువ పరిశ్రమలు ఉన్నాయని,  ప్రభుత్వం పరిశ్రమలకు అందించే రాయితీల పై ప్రచారం ఎక్కువగా జరగాలని అన్నారు. ఎస్.సి. ఎస్.టి. బి.సి.,మైనారిటీ , మహిళల, విద్యార్ధుల  సంక్షేమానికి   పధకాలను, రాయితీలను అందించడానికి ప్రభుత్వం ఒక క్యాలెండర్ ను రూపొందించి,  ప్రకటించిన తేదీల కు అనుగుణంగా క్రమం తప్ప కుండా అందిస్తూ  కరోనా కాలం లో ప్రభుత్వం అండగా నిలిచిందన్నారు.  ఈ కార్యక్రమం లో సంయుక్త కలెక్టర్  జే. వెంకట రావు,  పరిశ్రమల జనరల్ మేనేజర్ జి.ఎం. శ్రీధర్ , ఎ.డి సీతారాం , ఐ.పి.ఓ లు పాల్గొన్నారు. 

  

రాష్ట్ర జిడిపి వృద్థికి ఎంఎస్ంఇలు దోహదపడతాయని రాష్ట్ర శాసన సభాపతి తమ్మినేని సీతారం పేర్కొన్నారు.  శుక్రవారం ఎంఎస్ఎంఇ, హేండ్లూమ్స్, స్పిన్నింగ్ మిల్స్ లకు ముఖ్యమంత్రి వీడియో కాన్ఫరెన్స్ లో ఇన్సెంటివ్స్ విడుదల కార్యక్రమంలో పాల్గొన్న ఆయన మాట్లాడుతూ చిన్న చిన్న పరిశ్రమలకు ప్రభుత్వం సహకారం అవసరమన్నారు.  ముఖ్యమంత్రి పెద్దమనసుతో ఎంఎస్ఎంఇలకు ఇప్పటి వరకు 2086.42 కోట్లు ప్రోత్సాకాలు ఇచ్చినట్లు చెప్పారు.  22, మే 2020 నెలలో ఎంఎస్ఎంఇలకు రీ స్టార్ట్ ప్యాకేజి కింద 450.27 కోట్లు, 29 జూన్, 2020లో ఎంఎస్ఎంఇలకు రీ స్టార్ట్ ప్యాకేజి కింద 453.64 కోట్లు,  29, జూన్, 2020న  ఫుడ్ ప్రోసెసింగ్ యూనిట్లకు 58.51 కోట్లు, 3, సెప్టెంబరు 2021న ఎంఎస్ఎంఇలకు  440 కోట్లు, 3, సెప్టెంబరు 2021న టెక్స్ టైల్స్ / స్పిన్నింగ్ మిల్స్ కు 684 కోట్ల రూపాయలు ఇచ్చినట్లు వివరించారు.  పరిశ్రమల్లో స్థానికులకు 75 శాతం ఉపాధి అవకాశాలు కల్పించే విధంగా చట్టం తీసుకువచ్చినట్లు పేర్కొన్నారు.  చిన్న చిన్న పరిశ్రమలు ఇప్పటికే తమ ఉత్పత్తిని ప్రారంభించినట్లు తెలిపారు.  ఈ సమావేశంలో పాలకొండ శాసన సభ్యురాలు వి. కళావతి, తదితరులు పాల్గొన్నారు.

తూర్పుగోదావరి జిల్లాలోని 64 మండలాల్లాల్లో 50,693.90 మెట్రిక్ టన్నుల ఎరువులు సిద్దంగా ఉన్నాయని వ్యవసాయశాఖ జాయింట్ డైరెక్టర్ ఎన్.విజయ్ కుమార్ తెలియజేశారు. శుక్రవారం ఈమేరకు కాకినాడ తన కార్యాలయంలో మీడియాతో మాట్లాడారు. ప్రభుత్వం ఈ ఖరీఫ్ సీజన్ కు ఎరువులును సమ్రుద్ధిగా మంజూరు చేసిందన్నారు. వీటిని అన్ని మండలాలకు సరఫరా చేసినట్టు ఆయన వివరించారు. రైతులు వినియోగాన్ని బట్టీ గ్రామసచివాలయ పరిధిలోని రైతు భరోసా కేంద్రాల నుంచి వీటిని కొనుగోలు చేసుకోవచ్చునని ఆయన తెలియజేశారు. రైతులకు నకిలీ ఎరువుల వినియోగించకుండా ప్రభుత్వమే నాణ్యమైన ఎరువులను సిద్దం చేసిందని ఆయన పేర్కొన్నారు. ప్రస్తుతం వచ్చిన ఎరువలన్నీ అగ్రిల్యాబ్ ద్వారా టెస్టింగ్ లో నాణ్యత పరిశీలించి వచ్చివేనని  జాయింట్ డైరెక్టర్ వివరించారు.

తూర్పుగోదావరి జిల్లాలో సెప్టెంబరు 15 నుంచి వ్యవసాయాధారిత వ్యాపారాలకు సంబంధించి ఈ-పర్మిట్ విధానాన్ని అమలు చేస్తున్నట్టు మార్కెటింగ్ శాఖ అదనపు సంచాలకులు సూర్యప్రకాశ్ రెడ్డి తెలియజేశారు. శుక్రవారం ఈ మేరకు కాకినాడలో మీడియాకి ప్రకటన విడుదల చేశారు. ఇప్పటి వ్యాపారస్తులను సాధారణ పద్దతిలో అనుమతులు మంజూరు చేసేవారమని, ఇక నుంచి ఆన్ లైన్ ద్వారా పర్మిట్లు మంజూరు చేయడానికి ఏర్పాట్లు పూర్తి అయ్యాయని పేర్కొన్నారు. తద్వారా వ్యాపారస్తులకు ఇబ్బందులు తగ్గుతాయని పేర్కొన్నారు. ఈ మేరకు జిల్లాలోని 22 మార్కెట్ కమిటీలకు సమాచారం అందించినట్టు ఏడి  ఆ ప్రకటనలో తెలియజేశారు.