దేశంలోనే ప్రప్రధమంగా కరోనా బారిన పడిన స్టేట్ బ్యాంక్  వినియోగదారులకు కరోనా కవచ్ పేరిట వ్యక్తిగత రుణాలను మంజూరుచేస్తున్నట్లు విశాఖపట్నం యస్.బి.ఐ మాడ్యుల్ డెప్యూటీ జనరల్ మేనేజర్ రంగరాజన్ పేర్కొన్నారు. ఈ మేరకు ఆయన బుధవారం ఒక ప్రకటన జారీచేసారు. 2021 ఏప్రిల్ 1 తరువాత కరోనా బారిన పడిన స్టేట్ బ్యాంక్ వినియోగదారులతో పాటు వారి కుటుంబసభ్యులు కూడా కరోనా కవచ్ వ్యక్తిగత రుణాలను పొందవచ్చని చెప్పారు. ఈ రుణాన్ని అన్ని స్టేట్ బ్యాంకు బ్రాంచులలో పొందవచ్చని స్పష్టం చేసారు. కావున కరోనా బారిన పడిన వినియోగదారులు, కుటుంబసభ్యులు ఈ అవకాశాన్ని సద్వినియోగం చేసుకోవాలని ఆయన ఆ ప్రకటనలో తెలిపారు. 

 కలెక్టరేట్ వీడియో కాన్ఫరెన్స్ హాల్ లో జిల్లా  కలెక్టర్ ఎం. హరి జవహర్ లాల్,  జాయింట్ కలెక్టర్లు   డాక్టర్  జి.సి కిషోర్ కుమార్,  డా.మహేష్ కుమార్,  మయూర్ అశోక్,   జె.వెంకట రావు జిల్లా  రెవిన్యూ అధికారి గణపతి రావు, జిల్లా  అధికారులు పాల్గొన్నారు.

అట‌వీభూములను సాగుచేసుకుంటున్న గిరిజ‌నుల‌కు ప‌ట్టాల‌తోపాటు, వారు పంట‌లు సాగు చేసేందుకు ప్ర‌భుత్వ ప‌రంగా సాయం అందించాల‌ని జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ కోరారు. క‌లెక్ట‌ర్ ఛాంబ‌ర్‌లో బుధ‌వారం జ‌రిగిన జిల్లా స్థాయి క‌మిటీ స‌మావేశంలో 1,016 మంది గిరిజ‌నుల‌కు సుమారు 1,928.87 ఎక‌రాల భూమికి సంబంధించి ఆర్ఓఎఫ్ఆర్ ప‌ట్టాల పంపిణీకి ఆమోదం తెలిపారు. ఈ సంద‌ర్భంగా క‌లెక్ట‌ర్ మాట్లాడుతూ, గిరిజనుల‌కు కేవ‌లం ప‌ట్టాల‌ను పంపిణీ చేసి వ‌దిలేయ‌కుండా, వివిధ ప్ర‌భుత్వ ప‌థ‌కాల ద్వారా ఉద్యాన‌, వ్య‌వ‌సాయ పంట‌ల సాగుకు సాయం అందించాల‌ని సూచించారు. పార్వ‌తీపురం ఐటిడిఏ పిఓ ఆర్‌.కూర్మ‌నాధ్ మాట్లాడుతూ, ఈ విడ‌త‌లో కొమరాడ మండ‌లంలో 120 మంది గిరిజనుల‌కు 317.68 ఎక‌రాలు, కురుపాంలో 485 మందికి 965.16 ఎక‌రాలు, పార్వ‌తీపురంలో 171 మందికి 200.2 ఎక‌రాలు, పాచిపెంట‌లో 72 మందికి 69.85 ఎక‌రాలు, జిఎల్‌పురంలో 168 మందికి 375.98 ఎక‌రాల అట‌వీభూముల‌కు సంబంధించి సాగుహ‌క్కు క‌ల్పించ‌డం జ‌రుగుతోంద‌న్నారు. వీరికి త్వ‌ర‌లో ప‌ట్టాల‌ను అంద‌జేస్తామ‌ని చెప్పారు. ఇప్ప‌టివ‌ర‌కు జిల్లాలో సుమారు 80వేల ఎక‌రాల‌కు ఆర్ఓఎఫ్ఆర్ ప‌ట్టాల‌ను జారీ చేయ‌డం జ‌రిగింద‌ని చెప్పారు. ఈ స‌మావేశంలో జిల్లా అట‌వీశాఖాధికారి స‌చిన్ గుప్త‌, పార్వ‌తీపురం ఆర్‌డిఓ ఎస్‌.వెంక‌టేశ్వ‌ర్లు, ఇత‌ర అట‌వీశాఖాధికారులు పాల్గొన్నారు.

బుధవారం సింహాద్రి నాధుడు ని దర్శించుకున్న అనంతరం ఆయన పాత్రికేయులతో మాట్లాడుతూ, చందన సమర్పణ లో భాగస్వాములు కావడం దాతలు,భక్తులు పూర్వజన్మ సుకృతంగా భావించాలన్నారు,

అర కేజీ చందన సమర్పణకు 10,116 లు కేజీ చందన సమర్పణకు 20,116 స్వామి దేవస్థానం కు విరాళాలు సమర్పించి చందన ప్రసాదం స్వీకరించాల్సిందిగా శ్రీనుబాబు కోరారు,,ఇప్పటికే రెండు చందన సమర్పణ లు పూర్తి అయ్యాయని,వచ్చే జేష్ఠ పౌర్ణమి, తదుపరి వచ్చే ఆషాడ పౌర్ణమిలలో స్వామికి మూడేసి మణుగుల చొప్పున చందన సమర్పణ గావిస్తారన్నారు, కావున అరుదైన ఈ అవకాశాన్ని భక్తులు,దాతలు సద్వినియోగం చేసుకోవాల్సిందిగా ఆయన కోరారు,, దీంతో  పాటు గతంలో చేపట్టిన శా0డ్ బ్లాస్టింగ్ పనులు వల్ల ఆలయంలో వర్షం నీరు కారుతుందని కాబట్టి వాటికి మరమ్మతులు చేపట్టేందుకు దాతల సహకారం తీసుకోవాల్సిందిగా ఇప్పటికే తాను ఆలయ ఈఓ ఎంవీ సూర్య కళ ను కోరడం జరిగిందన్నారు,, ఐతే ఆయా పనులు  పూర్తిస్థాయిలోచేపట్టెందుకు ప్రాజెక్టు సవివర నివేదిక ను ఈఓ సిద్ధం చేయించారన్నారు..

శ్రీకాకుళం  జిల్లాలోని వంశధార-నాగావళి నదుల అనుసంధానం పనులు త్వరిత గతిన పూర్తి చేయాలని డిప్యూటీ సీఎం ధర్మాన కృష్ణదాస్ ఆదేశించారు.  శ్రీకాకుళం-విజయనగరం జిల్లాలో ఉన్న వేలాది ఎకరాలకు అవసరమైన సాగునీరు అందించే అనుసంధాన ప్రక్రియ పూర్తి కావాలని ఆకాంక్షించారు.   మంగళవారం డిప్యూటీ సీఎం ధర్మాన కృష్ణదాస్ తో జిల్లా కలెక్టర్ శ్రీకేశ్ లాఠకర్, వంశధార ప్రాజెక్టు కార్యనిర్వాహక ఇంజనీర్ డోల తిరుమలరావులు భేటీ అయ్యారు. ప్రస్తుత ఖరీఫ్ సీజన్లో సాగునీటి ప్రాజెక్టుల కాలువల ద్వారా నీటి విడుదల తదితర అంశాలపై చర్చించారు. ఇందుకుగాను ఈనెల 19న శనివారం సాయంత్రం నాలుగు గంటలకు జిల్లా కలెక్టరేట్ సమావేశమందిరంలో సాగునీటి ప్రాజెక్టుల సలహాసంఘ సమావేశాన్ని నిర్వహిస్తున్నారు. ఈ సమావేశంలో సలహాసంఘ ప్రతినిధులైన డుమా పీడి, వ్యవసాయశాఖ జాయింట్ డైరెక్టర్, శాసనసభ్యులు, ఇతర అధికారులు పాల్గొననున్నారు. జూలై నెలలో వంశధార కాలువల ద్వారా సాగునీటి విడుదలకు ఈ సమావేశంలో తేదీని ఖరారు చేస్తారు. ప్రస్తుతం సాగునీటి కాలువల్లో గుర్రపుడెక్క బాగా పెరిగిపోయినందున అది నీటి పారుదలకు ప్రధాన అవరోధం కాగలదని వంశధార ఎస్ఇ డోల తిరుమలరావు తెలిపారు. దీనిపై డిప్యూటీ సీఎం ధర్మాన కృష్ణదాస్ స్పందిస్తూ ఉపాధిహామీ ద్వారా గుర్రపుడెక్కని తొలిగించే పనులు చేపట్టాలని జిల్లా కలెక్టర్ శ్రీకేశ్ లాఠకర్ కు సూచించారు.

శిధిలావస్థకు చేరిన షట్టర్లను మరమ్మత్తులు చేయడం, కొత్తవి మార్చడం వంటి పనులకు గతంలో బయటపడిన షట్టర్ల కుంభకోణం ప్రతిబంధకంగా మారిందని, ఈ స్కామ్ పై దర్యాప్తు జరిగినా, చర్యలు  పెండింగ్ లో ఉండడం వల్ల వీటికి సంబంధించి ఏ పనీ జరగడం లేదని డోల తిరుమలరావు తెలిపారు. దీనిపై డిప్యూటీ సీఎం ధర్మాన కృష్ణదాస్ మాట్లాడుతూ ఉన్నతస్థాయిలో అధికారులతో మాట్లాడి తగిన క్లియరెన్స్ తీసుకురావడానికి కృషి చేస్తామన్నారు. ఈ ఏడాదిలోగా వంశధార ప్రాజెక్టు పనులు పూర్తి చేయాలని సూచించారు. ఈ ప్రాజెక్టులో 88, 87 ప్యాకేజీల పనులు, హిరమండలం రిజర్వాయర్ పని చివరిదశకు వచ్చేశాయని ఎస్ఐ తెలిపారు. హిరమండలం రిజర్వాయర్ నుంచి కాలువల ద్వారా నారాయణపురం ఆనకట్టకు వంశధార జలాలను తీసుకువెళ్లడం.. అక్కడి నుంచి వాటిని నాగావళితో అనుసంధానం చేయడం వంటి పనులు త్వరితగతిన పూర్తిచేయాలని చర్చించారు. ఆఫ్షోర్ ప్రాజెక్టు, వంశధార ఎడమ ప్రధానకాలువలను పటిష్టపర్చడానికి తగిన నిధులు మంజూరుకై పంచాయతీరాజ్ కమిషనర్ కె గిరిజాశంకరు లేఖరాయాలని జిల్లా కలెక్టర్ శ్రీకేశ్ లాఠకర్ కి డిప్యూటీ సీఎం ధర్మాన సూచించారు. కాలువలను మరమ్మతు చేయడం, కాలువల పనులు వెంటనే పూర్తి చేయడానికి దీనివల్ల తగిన అవకాశం ఉంటుందని ఆయన తెలిపారు. శనివారం జరిగే సాగునీటి సలహా సంఘ సమావేశంలో వీటితో పాటు సాగునీటికి సంబంధించిన పలు అంశాలను చర్చించి తగిన నిర్ణయాన్ని తీసుకోనున్నారు.

గంగపుత్రులు కడుపునింపేలా మత్స్యసంపద దొరికేలా దీవించాలంటూ విశాఖ దక్షిణ నియోజకవర్గ ఎమ్మెల్యే వాసుపల్లి గణేష్ కుమార్ గంగమ్మ తల్లికి ప్రత్యేకంగా పూజలు చేశారు. చేపల వేట విరామం అనంతరం గంగమ్మతల్లికి పూజలు చేసిన తరువాత మత్స్యకారులు మళ్లీ చేపల వేటను ప్రారంభింస్తారు. ఈ సందర్భంగా మంగళవారం ఫిషింగ్ హార్బర్ లోని గంగమ్మతల్లి ఆలయంలో నిర్వహించిన పండుగ కార్యక్రమంలో పాల్గొని తల్లికి పూజలు చేశారు. అనంతరం జాలర్లకు శుభాకాంక్షలు తెలియజేసి, మత్స్యసంపదలో అభివ్రుద్ధి చెందాలని ఆకాంక్షించారు. కరోనా వైరస్ కేసులు ఉద్రుతంగా ఉన్న నేపథ్యంలో ప్రభుత్వ సూచనలు, నిబంధనలు కూడా పాటించాలని మత్స్యకారులకు ఎమ్మెల్యే సూచించారు. ఈ కార్యక్రమంలో ఎమ్మెల్యే పాటు 37వార్డ్ కార్పొరేటర్ చెన్నా జానకిరామ్, ఫిషింగ్ బోట్ అసోసియేషన్ సభ్యులు పి.సి అప్పారావు, నర్సింగ్, బుజ్జి, కొండబాబు, ఎల్లాజి, అమ్మోరు, రామరాజు, బాలాజీ తదితరులు పాల్గొన్నారు.