మరింత మెరుగైన సేవలు అందించండి..

కోవిడ్ సమయంలో బాగా పనిచేశారని కృష్ణా జిల్లాకు బదిలీ పై వెళుతున్న కలెక్టర్ జె. నివాస్ పేర్కొన్నారు.  మంగళవారం రిమ్స్ ఆసుపత్రిలో ఏర్పాటు చేసిన వీడ్కోలు సభలో రిమ్స్ ఆసుపత్రి డైరెక్టర్, ప్రొఫెసర్లు, అసిస్టెంట్ ప్రొఫెసర్లు, తదితరులు ఘనంగా సన్మానించి వీడ్కోలు పలికారు. ఈ సందర్భంగా ఆయన మాట్లాడుతూ కరోనా సమయంలో  వైద్యులు, వైద్య సిబ్బంది వారి ప్రాణాలను సైతం లెక్క చేయకుండా చాలా బాగా పనిచేసారన్నారు.  అందరి సమిష్టి కృషితో కరోనా రెండవ దశను అరికట్టగలిగామని అన్నారు. మరింత మెరుగైన వైద్య సేవలు అందించి  ఆసుపత్రికి మంచి పేరు తీసుకురావాలన్నారు. ఎవరినైనా నొప్పించి మాట్లాడితే వాటిని మనసులో ఉంచుకోవద్దని చెప్పారు.  డైరెక్టర్ కృష్ణవేణి మాట్లాడుతూ ప్రజలు ప్రభుత్వ ఆసుపత్రికి రావడానికి భయపడుతున్న సమయంలో జిల్లా కలెక్టర్ గా మీరు తీసుకునే సాహసోపేతమైన  నిర్ణయాలు ఎంతో అధ్భుతమైనవన్నారు.  ఆసుపత్రికి ఆక్సిజన్ ప్లాంట్ లు, సిటి స్కాన్ ,ఎంఆర్ఐ స్కాన్ వంటివి తెప్పించి శ్రీకాకుళం రిమ్స్ హాస్పిటల్ లో చాలా మంది ప్రాణాలు కాపాడారని కొనియాడారు.  ప్రజల్లో సుస్థిరమైన స్థానం సంపాదించారని పేర్కొన్నారు. ఈ కార్యక్రమంలో సూపరింటెండెంట్  కృష్ణ మూర్తి, డాక్టర్ చలమయ్య, ప్రొఫెసర్లు, అసిస్టెంట్ ప్రొఫెసర్లు, స్టాఫ్ నర్సులు, వైద్య సిబ్బంది, తదితరులు పాల్గొన్నారు.

యుద్ధ‌ప్రాతిప‌దిక‌న లెవెలింగ్ ప‌నులు..

న‌వ‌ర‌త్నాలు-పేద‌లంద‌రికీ ఇళ్లు ప‌థ‌కానికి సంబంధించిన లేఅవుట్ల‌లో పెండింగ్‌లో ఉన్న ఇళ్ల స్థ‌లాల లెవెలింగ్ ప‌నుల‌ను యుద్ధ ప్రాతిప‌దిక‌న పూర్తిచేయాల‌ని క్షేత్ర‌స్థాయి అధికారుల‌ను జిల్లా జాయింట్ క‌లెక్ట‌ర్ (రెవెన్యూ) డా. జి.ల‌క్ష్మీశ ఆదేశించారు. మంగ‌ళ‌వారం కాకినాడ క‌లెక్ట‌రేట్ నుంచి జాయింట్ క‌లెక్ట‌ర్‌.. డివిజ‌న‌ల్‌, మండ‌ల స్థాయి అధికారుల‌తో లేఅవుట్ల ప‌నుల‌పై వ‌ర్చువ‌ల్ విధానంలో స‌మీక్షా స‌మావేశం నిర్వ‌హించారు. ఈ సంద‌ర్భంగా జేసీ మాట్లాడుతూ వైఎస్సార్ జ‌గ‌న‌న్న కాల‌నీల్లో ఇళ్ల నిర్మాణాల‌కు పెద్ద ఎత్తున శంకుస్థాప‌నలు జ‌రుగుతున్న నేప‌థ్యంలో ఇంకా ఏవైనా లేఅవుట్ల‌లో లెవెలింగ్ ప‌నులు పూర్తికావాల్సి ఉంటే, వారం ప‌ది రోజుల్లో పూర్తిచేయాల‌ని స్ప‌ష్టం చేశారు. ప్రధానంగా రామచంద్రాపురం, అమలాపురం డివిజన్లు పెండింగ్ పనులపై దృష్టి సారించి, పనులను పూర్తి చేయాలన్నారు. స‌బ్ క‌లెక్ట‌ర్లు, త‌హ‌సీల్దార్లు ఎంపీడీవోల‌తో స‌మ‌న్వ‌యం చేసుకుంటూ ఎప్ప‌టిక‌ప్పుడు ప్ర‌త్య‌క్ష ప‌ర్య‌వేక్ష‌ణ‌తో ప‌నులు పూర్త‌య్యేలా చూడాల‌న్నారు. లెవెలింగ్ చేయ‌డానికి ఉప‌యోగించే మ‌ట్టి ఎట్టి ప‌రిస్థితుల్లోనూ ప‌క్క‌దారి ప‌ట్టేందుకు వీల్లేద‌ని స్ప‌ష్టం చేశారు. లేఅవుట్ల‌లో లెవెలింగ్ ప‌నులకు ఎవ‌రైనా ఆటంకం క‌లిగిస్తే వారిపై క్రిమినల్ కేసులు న‌మోదు చేస్తామ‌ని జాయింట్ క‌లెక్ట‌ర్ డా. జి.ల‌క్ష్మీశ హెచ్చ‌రించారు.

భైరవస్వామికి ఏకాంతంగానే పూజలు..

విశాఖలోని సింహాచలం  శ్రీశ్రీశ్రీ వరాహ లక్ష్మీ నృసింహస్వామివారి అనుబంధ ఆలయం బైరవకోన బైరవస్వామికి అమావాస్య రోజు ఏకాంతంగా పూజలు నిర్వహిస్తున్నట్టు ఈఓ ఎంవీ సూర్యకళ తెలియజేశారు. మంగళవారం ఈ మేరకు దేవస్థానంలో ఆమె మీడియాతో మాట్లాడారు. ప్రభుత్వ కోవిడ్ నిబంధనలను అనుసరించి 10వ తేదిన అమావాస్య రోజు స్వామి ఆలయంలో భక్తులకు ప్రవేశం లేదన్నారు. స్వామికి పూజలన్నీ ఏకాంతంగానే జరుగుతాయన్నారు. అమావాస్య రోజు భక్తుల తాడికి అధికంగావుంటుందని ముందుగా ప్రభుత్వం ఈ చర్యలు తీసుకుందని వివరించారు.  భక్తులు గుర్తుంచుకొని దేవస్థాన అధికారులకు సహకరించాలన్నారు. స్వామి ఆలయానికి ఎప్పుడు భక్తులను అనుమతించేది త్వరలోనే తెలియజేస్తామని వివరించారు. 

శ్రీకాకుళం జిల్లాకు రూ.16.69కోట్ల లబ్ధి..

చిరువ్యాపారులకు ఆర్థిక సహాయం జగనన్నతోడని రాష్ట్ర ఉప ముఖ్యమంత్రి ,రెవెన్యూ శాఖ మంత్రి ధర్మాన కృష్ణదాస్ పేర్కొన్నారు.  మంగళవారం వీడియోకాన్ఫరెన్స్ ద్వారా లాంఛనంగా ప్రారంభించిన అనంతరం ఆయన విలేఖరులతో మాట్లాడుతూ జగనన్నతోడు కింద జిల్లాలో 16 వేల 690 మందికి లబ్ది చేకూరుతుందని, వీరికి 16 కోట్ల 69 లక్షల రుపాయలు లబ్దిదారుల ఖాతాలలో ముఖ్యమంత్రి జమ చేసినట్లు చెప్పారు.  చిరు వ్యాపారులు వడ్డీ వ్యాపారులు, బ్యాంకుల వద్ద వడ్డీలకు తీసుకొని వ్యాపారం చేసుకొనే వారని చెప్పారు.  ముఖ్యమంత్రి వైయస్. జగన్ మోహన్ రెడ్డి పాతయాత్రలో వారి కష్టాలను కనులార చూసి వారికి  జగనన్నతోడు పథకం కింద ఒక్కొక్కరికి వడ్డీ లేకుండా 10 వేల రూపాయలు ఆర్థిక సహాయంగా  అందించారని పేర్కొన్నారు.  పార్టీలకు అతీతంగా ప్రభుత్వ పథకాలు అమలు చేస్తున్నట్లు తెలిపారు.  ముందు చూపుతో వ్యవసాయం, విద్య, వైద్య రంగాలకు అధిక ప్రాధాన్యత ఇస్తున్నట్లు వివరించారు. రాష్ట్రంలో 14 మెడికల్ కళాశాలలకు శంకు స్థాపన చేసారని, పేద వారికి కార్పొరేట్ ఆసుపత్రుల్లో వైద్యం పొందేందకు ఆరోగ్య శ్రీ పథకం వంటి వాటిని అమలు చేస్తున్నట్లు చెప్పారు.  కేరళ రాష్ట్ర వలే అక్షరాస్యత శాతం పెంచేందుకు కృషి జరుగుతుందన్నారు. రైతులకు రైతు భరోసా, మహిళలకు దిశ చట్టం ఏర్పాటు చేసినట్లు తెలిపారు.  ఉత్తరాంధ్ర అభివృద్థికి అందరూ కలసికట్టు రావలసినదిగా ఆయన పిలుపు నిచ్చారు.  ఆయనతో పాటు శాసన మండలి సభ్యులు దువ్వాడ శ్రీనివాస్, రాజాం శాసనసభ్యులు కంబాల జోగులు, కళింగకోమటి కార్పొరేషన్ ఛైర్మన్ అంధవరపు సూరిబాబు, కాపు కార్పొరేషన్ ఛైర్మన్ మామిడి శ్రీకాంత్ తదితరులు పాల్గొన్నారు.

ఆక్వారైతుల సహాయం రూ.2.97లక్షలు..

కోవిడ్ రెండోద‌శ ఉద్ధృతి నేప‌థ్యంలో బాధితుల‌కు అండ‌గా ఉండాల‌నే ఉద్దేశంతో శ్రీ ఉమా రామ‌లింగేశ్వ‌ర స్వామి ఆక్వా రైతుల సంక్షేమ సొసైటీ (చెయ్యేరు) రూ.2,79,116 గోడితిప్ప ఆక్వా రైతులు రూ.61 వేలును జిల్లా కోవిడ్ స‌హాయ నిధికి విరాళంగా అందించారు. ఈ మేర‌కు రైతుల ప్ర‌తినిధులు మంగ‌ళ‌వారం క‌లెక్ట‌రేట్‌లో క‌లెక్ట‌ర్ డి.ముర‌ళీధ‌ర్‌రెడ్డికి చెక్కులు అంద‌జేశారు. సామాజిక బాధ్య‌త‌తో కోవిడ్ స‌హాయ నిధికి త‌మ వంతు స‌హాయాన్ని అందించిన ఆక్వా రైతుల‌కు క‌లెక్ట‌ర్ ఈ సంద‌ర్భంగా అభినంద‌న‌లు తెలియ‌జేశారు. కార్య‌క్ర‌మంలో డీఆర్‌వో సీహెచ్ స‌త్తిబాబు, మ‌త్స్య శాఖ జేడీ పీవీ స‌త్య‌నారాయ‌ణ, సంక్షేమ సొసైటీ ప్రెసిడెంట్ టి.నాగ‌భూష‌ణం, వైస్ ప్రెసిడెంట్ బి.శ్రీనివాస‌రావు; గోడితిప్ప ఆక్వా రైతుల ప్ర‌తినిధులు ఎం.బాబులు, శంక‌ర‌రావు త‌దిత‌రులు పాల్గొన్నారు.

నిరుపేదలకు భరోసా జగనన్నతోడు..

జగనన్న తోడు పథకం కింద రెండవ విడతలో  రాష్ట్రవ్యాప్తంగా 3.70 లక్షల మంది చిరువ్యాపారుల ఖాతాలలో  రూ. 10వేల చొప్పున రూ. 370 కోట్లను  విడుదల చేసినట్లు   ముఖ్యమంత్రి  వై ఎస్ జగన్ మోహన్ రెడ్డి తెలిపారు.  మంగళవారం నాడు  ఆయన  తాడేపల్లి క్యాంపు కార్యాలయం నుంచి  వీడియో కాన్ఫరెన్స్  నిర్వహించి  కంప్యూటర్ బటన్ నొక్కి  నేరుగా  లబ్దిదారుల ఖాతాలలో  నగదు జమ చేసారు.  ఈ సందర్భంగా  ఆయన మాట్లాడుతూ  తోపుడు బండ్లపై, బుట్టల్లో  సరుకులు  అమ్మేవారు,  పుట్ పాత్ లపై  వ్యాపారుల చేసేవారు , సైకిల్ , వాహనాలపై  వస్తువులు  అమ్మేవారు , కొండపల్లి, ఏటికొప్పాక కొయ్యబొమ్మల లాంటి  సాంప్రదాయ హస్తకళలపై  ఆధార పడే వారికి  రూ. 10వేల వరకు  వడ్డీ లేని రుణం ఇస్తున్నామని  పేర్కొన్నారు.   గత ఏడాది  జగనన్న తోడు ద్వారా 5.35 లక్షల మంది  రుణ సౌకర్యం పొందారని  అన్నారు.  అర్హత ఉన్నవారందరికి సహాయం చేస్తున్నామని  సకాలంలో వడ్డీ చెల్లించే వారికి  తిరిగి వారి ఖాతాలలోకి  వడ్డీ జమ చేస్తామని తెలిపారు. విశాఖపట్నం నుంచి  రాష్ట్ర పర్యాటక శాఖ మంత్రి ముత్తం శెట్టి శ్రీనివాసరావు , జిల్లా కలెక్టర్ వి.వినయ్ చంద్, నగర మేయర్ గొలగాని  హరి వెంకట కుమారి,  పార్లమెంట్ సభ్యులు  జి.మాధవి, శాసన సభ్యులు  జి. అమర్ నాథ్, జాయింట్ కలెక్టర్ పి. అరుణ్ బాబు, జి.వి.ఎం .సి కమిషనర్ జి.సృజన, జాయింట్ కలెక్టర్ ఆర్. గోవిందరావు,  అసిస్టెంట్ కలెక్టర్  అదితి సింగ్, డి ఆర్ డి ఎ పిడి విశ్వేశ్వరరావు, యుసిడిపిడి  వై. శ్రీనివాసరావు, ఇతర అధికారులు పాల్గొన్నారు. 

వీడియో కాన్ఫరెన్స్ అనంతరం రాష్ట్ర పర్యాటక శాఖ మంత్రి ముత్తం శెట్టి శ్రీనివాసరావు  మాట్లాడుతూ, చిరువ్యాపారులు మరియు సాంప్రదాయ వృత్తిదారుల  జీవితాల్లో మరిన్ని కాంతులు తీసుకురావాలని,  వారి వ్యాపార, జీవనోపాధి కార్యక్రమాలకు  ఈ డబ్బును వినియోగించుకొని  ఆర్ధికంగా అభివృద్ది చెందాలని ఈ పథకాన్ని   అమలు చేస్తున్నామన్నారు. జిల్లాలో  మొదటి దశలో గత ఏడాది 54,277 మంది లబ్దిదారులకు రూ. 54.28 కోట్లు  సహాయం చేసామని  తెలిపారు.  ప్రస్తుతం  రెండవ దశలో   35,186 మంది లబ్దిదారులకు రూ. 35.19 కోట్లు సహాయం చేస్తున్నామని  తెలిపారు. ఇందులో  గ్రామీణ ప్రాంతంలో  22,370 మంది  లబ్దిదారు లున్నారని,  జి.వి.ఎం సి పరిధిలో  9,320 మంది లబ్దిదారులున్నారని , నర్సీపట్నం మున్సిపాలిటి పరిధిలో  2,487 మంది  లబ్దిదారులున్నారని , ఎలమంచిలి  మున్సిపాలిటి పరిధిలో 1,009 మంది లబ్దిదారులున్నారని  తెలిపారు. 

ఆటో డ్రైవర్లకు అండగా వాహన మిత్ర..

కోవిడ్ విపత్తులో ఆటో డ్రైవర్లకు వాహన మిత్ర అండగా నిలుస్తోందని .నగర మేయర్ మహమ్మద్ వసీం పేర్కొన్నారు. నగరంలోని 20 వ డివిజన్ లో జరుగుతున్న వాహన మిత్ర సర్వేలో మంగళవారం నగర మేయర్ మహమ్మద్ వసీం పాల్గొన్నారు. స్థానిక కార్పొరేటర్ సాకే చంద్రలేఖ తో కలసి డివిజన్ పరిధిలో ఆర్వ్హత ఉన్న ఆటో డ్రైవర్లనుండి వాహన మిత్ర దరఖాస్తులు స్వీకరించారు. ఈ సందర్భంగా మేయర్ వసీం మాట్లాడుతూ గతంలో ఆటోలు రిపేరిలు వస్తే రిపేరీ ల కోసం  వడ్డీ వ్యాపారులతో అధిక వడ్డీకి తీసుకునే పరిస్థితి ఉండేదన్నారు..వచ్చిన ఆదాయం వడ్డీ వ్యాపారులకు సరిపోయేదని కుటుంబ పోషణ కు ఇబ్బందులు పడే పరిస్థితి ఏర్పడిందన్నారు ఇలాంటి పరిస్థితుల్లో ముఖ్యమంత్రి వైఎస్ జగన్ మోహన్ రెడ్డి గారు ఆటోల మైంటెనెన్స్ కోసం వాహన మిత్ర ప్రవేశ పెట్టి ప్రతియేటా 10వేల రూపాయలు అందిస్తుండటం ఆటో డ్రైవర్లకు వరంగా మారిందన్నారు ఈ అవకాశాన్ని  ఆటో డ్రైవర్లు సద్వినియోగం చేసుకోవాలని ఆయన సూచించారు.కోవిడ్ సమయంలో అన్ని వర్గాలకు అండగా నిలుస్తున్న ఏకైక ముఖ్యమంత్రి వైఎస్ జగన్ మోహన్ రెడ్డి గారు మాత్రమేనని ఈ సందర్భంగా మేయర్ కొనియాడారు. కార్యక్రమంలో వైఎస్సార్సీపీ నాయకులు కుళ్లయిస్వామి, కొర్రపాడు హుస్సేన్ పిరా తదితరులు పాల్గొన్నారు.

జిల్లా సర్వతోముఖాభివృద్ధికి కృషి..

శ్రీకాకుళం జిల్లాలో ఇరిగేషన్ ప్రోజెక్టులు చాలావరకు ఉన్నాయని వాటికి ప్రాధాన్యతను ఇస్తామని, అలాగే అధికారుల సహకారంతో ప్రభుత్వ పథకాలను సమర్ధవంతంగా అమలుచేస్తూ జిల్లా  సర్వతోముఖాభివృద్ధికి కృషిచేస్తానని జిల్లా కలెక్టర్ శ్రీకేశ్ బి.లాఠకర్ పేర్కొన్నారు. మంగళవారం ఉదయం కలెక్టర్ ఛాంబరులో నూతన జిల్లా కలెక్టర్ గా విధుల్లోకి చేరారు. అనంతరం మీడియాతో మాట్లాడుతూ ఉత్తరాంధ్రతో తనకు చాలా అనుభవం , అనుబంధం ఉందని, తాను విజయనగరం జిల్లాలో దాదాపు మూడేళ్ల  పాటు పనిచేసినట్లు  చెప్పారు.జిల్లాలో గత మూడు మాసాలుగా కోవిడ్ సెకెండ్ వేవ్ నియంత్రణకై జిల్లా యంత్రాంగం,  జిల్లా అధికారులు చాలా కష్టపడి పనిచేసారని,  ప్రస్తుతం జిల్లాలో కరోనా కేసులు తగ్గుముఖం పట్టాయన్నారు. మరో నెలరోజుల పాటు కరోనా సెకెండ్ వేవ్ ఉండే అవకాశం ఉన్నందున కరోనా  నియంత్రణకు ప్రాధాన్యతను ఇస్తూ అందరి అధికారుల సహకారంతో కోవిడ్ ను  పూర్తిగా నియంత్రించేందుకు కృషిచేస్తామని తెలిపారు. కరోనాపై రాష్ట్ర ముఖ్యమంత్రి వారంలో రెండు, మూడు సార్లు వీడియోకాన్ఫరెన్సులను నిర్వహిస్తున్నారని, అలాగే జిల్లా కలెక్టర్లు అధికారులతో ప్రతీ రోజూ సమావేశాలను ఏర్పాటుచేస్తున్న సంగతిని కలెక్టర్ గుర్తుచేసారు. రాష్ట్ర ముఖ్యమంత్రి ఆశయాలు, ఆదేశాల మేరకు ప్రభుత్వం ప్రవేశపెట్టిన నవరత్నాలు కార్యక్రమాలపై ప్రత్యేక దృష్టి సారించి జిల్లాలో విజయవంతంగా నిర్వహించేందుకు ముందుకు సాగుతామని కలెక్టర్ హామీ ఇచ్చారు.  వ్యవసాయపరంగా జూన్ మొదటివారంలో ఖరీఫ్ సీజన్ కూడా ప్రారంభం అయినందున , జిల్లాలో అన్ని చోట్ల సాగు ప్రారంభం అవుతున్నందన వ్యవసాయానికి కూడా ప్రాధాన్యతను ఇవ్వనున్నట్లు కలెక్టర్ తెలిపారు. రాష్ట్ర ప్రభుత్వం నిర్మిస్తున్న 30 లక్షల గృహనిర్మాణాల కొరకు ప్రత్యేకంగా సంయుక్త కలెక్టర్(హౌసింగ్) ను ప్రభుత్వం ఇటీవల నియమించడం జరిగిందని, జిల్లాలో గృహపట్టాలు పొందిన లబ్ధిదారులకు గృహాలను నిర్మించి అప్పగించడం పెద్ద టాస్క్ అని, దాన్ని రాష్ట్ర ప్రభుత్వ ఆదేశాల మేరకు జిల్లాలో త్వరితగతిన పూర్తిచేసేందుకు కృషిచేస్తామని కలెక్టర్ వివరించారు.

శ్రీకాకుళం జిల్లాకు రావడం తనకు ఆనందంగా ఉందని, ఇక్కడ చాలా మంచి అధికారులు పనిచేసారని, మంచి అధికారులు కూడా ఉన్నారని వారందరి సహకారంతో దేశ, రాష్ట్ర, జిల్లా సర్వతోముఖాభివృద్ధికి తన వంతు కృషిచేస్తానని కలెక్టర్ హామీ ఇచ్చారు. తొలుత సంయుక్త కలెక్టర్లు డా. కె.శ్రీనివాసులు, ఆర్.శ్రీరాములునాయుడు, జిల్లా రెవిన్యూ అధికారి బలివాడ దయానిధి నూతన కలెక్టర్ కు పుష్పగుచ్ఛాలను ఇచ్చి ఘన స్వాగతం పలికారు.  అనంతరం   శ్రీ సూర్యనారాయణ స్వామి దేవస్థానం వేదపండితులు మంత్రోచ్ఛారణలతో ఆశీర్వచనం పలుకగా, ఆలయ కార్యనిర్వహణ అధికారి వి.హరిసూర్యప్రకాశ్ పుష్పగుచ్ఛం, దుశ్శాలువతో నూతన కలెక్టర్ కు సత్కరించి స్వామి వారి ప్రసాదాలను అందించారు. 

రాయల్ యూత్ సొసైటీకి ఉత్తమ అవార్డు..

సమాజం అభివృద్ధిలో యువత పాత్ర చాలా కీలకమని జిల్లా కలెక్టర్ గంధం చంద్రుడు పేర్కొన్నారు. మంగళవారం స్థానిక కలెక్టరేట్ లోని వీసీ హాలు నందు ముఖ్యమంత్రి వైయస్ జగన్మోహన్ రెడ్డి వీడియో కాన్ఫరెన్స్ అనంతరం నెహ్రూ యువ కేంద్రం ఆధ్వర్యంలో ప్రతి ఏటా జిల్లా స్థాయి ఉత్తమ యువజన సంఘం అవార్డు ప్రదానం లో భాగంగా 2019- 20 సంవత్సరానికి గాను రాయల్ యూత్ సొసైటీని జిల్లా ఉత్తమ యువజన సంఘంగా జిల్లా కలెక్టర్ అధ్యక్షతన ఏర్పడిన కమిటీ ఎంపిక చేయడం జరిగింది. జిల్లా కలెక్టర్ గంధం చంద్రుడు, జాయింట్ కలెక్టర్ డా.ఏ. సిరి లు సొసైటీ అధ్యక్షుడు రమేష్ కు సుంకర అవార్డును అందజేశారు. ఈ సందర్భంగా జిల్లా కలెక్టర్ మాట్లాడుతూ" నేటి యువత సామాజిక సేవా కార్యక్రమాల్లో ముందుండాలని దేశ అభివృద్ధిలో భాగస్వాములు కావాలని పిలుపునిచ్చారు. భవిష్యత్తులో మరిన్ని సేవా కార్యక్రమాలు చేపట్టి జిల్లాకు మంచి పేరు తీసుకురావాలన్నారు. ఉత్తమ యువ సంఘం రాహుల్ యూత్ సొసైటీ ప్రతినిధులను ప్రత్యేకంగా అభినందించారు. ఈ కార్యక్రమంలో  నెహ్రూ యువ కేంద్ర డీడీవో శ్రీనివాసులు ,రాష్ట్రపతి అవార్డు గ్రహీత బిసతి భరత్ ,తోట నాగరాజ్ , జగ్గా రఘు, ధనుంజయ, సునీల్, గంగాద్రి తదితరులు పాల్గొన్నారు.

పేదలకు ఆసరా జగనన్న తోడు..

జగనన్న తోడు పథకం ద్వారా అర్హులైన ప్రతి ఒక్కరికి వడ్డీలేని రుణాలను కరోనా కష్టకాలంలో కూడా పేదలకు ఆసరా గా ముఖ్యమంత్రి వైయస్ జగన్ మోహన్ రెడ్డి ప్రభుత్వం నిలుస్తున్నదని రాష్ట్ర రోడ్లు, భవనాల శాఖ మంత్రి శంకరనారాయణ పేర్కొన్నారు. మంగళవారం స్థానిక కలెక్టరేట్లోని  వీడియో కాన్ఫరెన్స్ హాలు నందు ఏర్పాటు చేసిన జగనన్న తొ డు పై ఏర్పాటు చేసిన కార్యక్రమంలో  ముఖ్యమంత్రి వైయస్ జగన్మోహన్ రెడ్డి వీడియో కాన్ఫరెన్స్ అనంతరం  రాష్ట్ర రోడ్లు భవనాల శాఖ మంత్రి వర్యులు మాల గుండ్ల శంకర  నారాయణ మీడియా ప్రతినిధులతో మాట్లాడుతూ.. రాష్ట్రంలోని చిరు వ్యాపారు లకు తోడుగా నిలవాలని వారి జీవన విధానాన్ని మార్చాలని అంతేగాక వారందరినీ ఆర్థికంగా ముందుకు తీసుకెళ్లి వారి జీవితాల్లో వెలుగు నింపాలని ఒక మంచి ఆలోచనా విధానంతో జగనన్న తోడు పథకానికి ముఖ్యమంత్రి శ్రీకారం చుట్టారన్నారు. చిరు వ్యాపారులు అధిక వడ్డీలు తీసుకొని పెట్టుబడులు పెట్టి ఎంతో నష్టపోతున్నారని గుర్తించి పూర్తి వడ్డీ భారాన్ని ప్రభుత్వమే భరించే విధంగా ముఖ్యమంత్రి విప్లవాత్మక నిర్ణయం తీసుకొని ఒక్కొక్కరికి ప్రతి సంవత్సరం రూ.10 వేల రూపాయల చొప్పున వడ్డీ లేని రుణాలను అందిస్తున్నట్లు మంత్రి తెలిపారు. గత  సంవత్సరం నవంబర్ 25న రాష్ట్ర వ్యాప్తంగా సుమారు 5.35 లక్షల మంది లబ్ధిదారులకు  సున్నా వడ్డీ కింద రూ. 10,000 చొప్పున రుణాలను అందించడం జరిగిందన్నారు. ప్రస్తుతం రెండవ విడతగా జగనన్న తోడు పథకం ద్వారా 3.70 లక్షల మంది తో కలిపి మొత్తం 9.05 మంది చిరు వ్యాపారులకు రూ 9 .05 కోట్లు అందిస్తున్న ఘనత   ముఖ్యమంత్రి వైఎస్ జగన్మోహన్ రెడ్డి కే దక్కుతుందన్నారు . ఇలాంటి కార్యక్రమాలు ప్రస్తుత కరోనా కష్టకాలంలో దేశంలో ఏ రాష్ట్ర ముఖ్యమంత్రులు అమలు చేయని విధంగా ఈ రాష్ట్ర ప్రజానీకం ఇబ్బందులు పడకుండా ప్రభుత్వం అన్ని చర్యలు తీసుకుంటుందని పేర్కొన్నారు.  అలాగే విధుల్లో తిరుగుతూ చిరు వ్యాపారులను ఆదుకోవడమే ధ్యేయంగా ప్రభుత్వం లబ్ధిదారుల బ్యాంకు ఖాతాలో నేరుగా వడ్డీ లేని రుణాలు జమ చేస్తున్నదని తెలిపారు.  అంతేగాక ప్రభుత్వ పథకాలను ఒక నిర్దిష్టమైన సమయంలో అమలు చేసేందుకు ప్రణాళిక బద్దంగా ముఖ్యమంత్రి సంక్షేమ క్యాలెండర్ ను విడుదల చేసి క్రమం తప్పకుండా తేదీల మేరకు అర్హులైన వారికి లబ్ధి చేకూర్చడం జరుగుతోందన్నారు. తన పాదయాత్రలో ప్రజలకిచ్చిన మాట ప్రకారం ముఖ్యమంత్రి హామీలను దశలవారీగా వారిగా నెరవేరు స్తున్నారని మంత్రి శంకర నారాయణ తెలిపారు.

ఆక్సిజన్ కాన్సంట్రేటర్లు వితరణ..

కాకినాడ జేఎన్‌టీయూలోని కోవిడ్ కేర్ కేంద్రంలో రోగుల‌ కోసం రూ.6 ల‌క్ష‌లతో కొనుగోలు చేసిన ఆక్సిజ‌న్ కాన్సంట్రేట‌ర్లు, వైద్య ప‌రిక‌రాల‌ను జేఎన్‌టీయూ అడ్మిష‌న్స్ డైరెక్ట‌ర్ ప్రొఫెస‌ర్ కేవీ ర‌మ‌ణ‌.. మంగ‌ళ‌వారం వ‌ర్సిటీలో జ‌రిగిన కార్య‌క్ర‌మంలో క‌లెక్ట‌ర్ డి.ముర‌ళీధ‌ర్‌రెడ్డి, జాయింట్ క‌లెక్ట‌ర్ (అభివృద్ధి) కీర్తి చేకూరికి అందించారు. సామాజిక బాధ్య‌త‌గా కోవిడ్ రోగుల‌కు చికిత్స‌లో అవ‌స‌ర‌మ‌య్యే ఆక్సిజ‌న్ కాన్సంట్రేట‌ర్లు, వైద్య ప‌రిక‌రాల‌ను అందించిన ప్రొఫెస‌ర్ కేవీ ర‌మ‌ణ‌ను క‌లెక్ట‌ర్, జేసీ అభినందించారు. ఇప్ప‌టికే ప్రొఫెస‌ర్ ర‌మ‌ణ రూ.5 ల‌క్ష‌ల విలువైన ఆక్సిజ‌న్ కాన్సంట్రేట‌ర్లు అందించార‌ని తెలిపారు. తాను సొంతంగా రూ.ల‌క్షా 25 వేలు, యూసీఈకేలో 1984లో ఇంజ‌నీరింగ్ పూర్తిచేసుకున్న స‌హ‌చరుల ద్వారా రూ.10 ల‌క్ష‌లు విరాళాలు సేక‌రించి.. ఆక్సిజ‌న్ కాన్సంట్రేట‌ర్లు, ప‌ల్స్ ఆక్సీమీట‌ర్లు, డ‌యాబెటిక్ టెస్టింగ్ కిట్లు వంటివాటిని జిల్లాకు అంద‌జేసిన‌ట్లు ప్రొఫెస‌ర్ కేవీ ర‌మ‌ణ తెలిపారు. కోవిడ్ బారిన‌ప‌డి త‌ల్లిదండ్రుల‌ను కోల్పోయిన విద్యార్థులకు అవ‌స‌ర‌మైన పుస్త‌కాలు కూడా అంద‌జేయ‌నున్న‌ట్లు వెల్ల‌డించారు. కార్య‌క్ర‌మంలో అసిస్టెంట్ క‌లెక్ట‌ర్ గీతాంజ‌లి శ‌ర్మ‌,  సీసీసీ ఆర్ఎంవో డా. ఆర్‌.సుద‌ర్శ‌న్‌బాబు త‌దిత‌రులు పాల్గొన్నారు.

తూ.గో.జి. కి రూ.33.45 కోట్లు లబ్ది..

జ‌గ‌న‌న్న తోడు ప‌థ‌కం ద్వారా తూర్పుగోదావ‌రి జిల్లాలో రెండోవిడ‌త‌లో మొత్తం 33,445 మంది ల‌బ్ధిదారుల‌కు రూ.33.45 కోట్ల మేర ల‌బ్ధి చేకూరిన‌ట్లు జిల్లా క‌లెక్ట‌ర్ డి.ముర‌ళీధ‌ర్‌రెడ్డి ముఖ్య‌మంత్రి వైఎస్ జ‌గ‌న్‌మోహ‌న్‌రెడ్డికి తెలిపారు. మంగ‌ళ‌వారం తాడేప‌ల్లి క్యాంపు కార్యాల‌యం నుంచి ముఖ్య‌మంత్రి వైఎస్ జ‌గ‌న్‌మోహ‌న్‌రెడ్డి జ‌గ‌న‌న్న తోడు ప‌థ‌కం కింద రెండో విడ‌త‌లో 3,70,458 మందికి ల‌బ్ధిదారుల ఖాతాల్లో రూ.10 వేలు చొప్పున మొత్తం రూ.370 కోట్ల వ‌డ్డీలేని రుణాల‌ను బ‌ట‌న్ నొక్కి నేరుగా ఖాతాల్లో జ‌మ‌చేసే కార్య‌క్ర‌మాన్ని వీడియో కాన్ఫ‌రెన్స్ ద్వారా ప్రారంభించారు. ఈ కార్య‌క్ర‌మానికి క‌లెక్ట‌రేట్‌లోని వివేకానంద స‌మావేశ మందిరం నుంచి రాష్ట్ర వ్య‌వ‌సాయ శాఖా మంత్రి కుర‌సాల క‌న్న‌బాబు, బీసీ సంక్షేమ శాఖా మంత్రి చెల్లుబోయిన శ్రీనివాస వేణుగోపాల‌కృష్ణ‌; ఎంపీలు పిల్లి సుభాష్ చంద్ర‌బోస్‌, వంగా గీత‌, ఎమ్మెల్సీ పండుల రవీంద్ర‌బాబు, క‌లెక్ట‌ర్ డి.ముర‌ళీధ‌ర్‌రెడ్డి; జాయింట్ క‌లెక్ట‌ర్లు డా. జి.ల‌క్ష్మీశ‌, కీర్తి చేకూరి, జి.రాజ‌కుమారి త‌దిత‌రులు హాజ‌ర‌య్యారు. కార్య‌క్ర‌మంలో జ‌గ‌న‌న్న తోడు కింద ఇప్ప‌టికే ల‌బ్ధిపొంది విజ‌య‌వంతంగా చిరువ్యాపారాలు నిర్వ‌హిస్తున్న వివిధ ప్రాంతాల‌కు చెందిన లబ్ధిదారులు పండూరు ప‌చ్చ‌ళ్లు, ఉప్పాడ చీర‌లు, వెదురు ఉత్ప‌త్తులు వంటి వాటిని ప్ర‌ద‌ర్శించారు.  ఈ సంద‌ర్భంగా జిల్లాలో ప‌థ‌కం అమ‌లుతీరు వివ‌రాల‌ను క‌లెక్ట‌ర్ డి.ముర‌ళీధ‌ర్‌రెడ్డి ముఖ్య‌మంత్రి వైఎస్ జ‌గ‌న్‌మోహ‌న్‌రెడ్డికి వివ‌రించారు.

 గ్రామీణ‌ప్రాంతాల్లో డీఆర్‌డీఏ ఆధ్వ‌ర్యంలో స్త్రీనిధి ద్వారా మొత్తం 23,241 మంది ల‌బ్ధిదారుల‌కు రూ.23 కోట్ల 24 ల‌క్ష‌ల ప‌దివేల రూపాయ‌లు, ప‌ట్ట‌ణ ప్రాంతాల్లో మెప్మా ఆధ్వ‌ర్యంలో పీఎం స్వ‌నిధితో డీసీసీబీ ద్వారా 10,204 మంది ల‌బ్ధిదారుల‌కు రూ.10 కోట్ల 20 ల‌క్ష‌ల 40 వేల రూపాయ‌లు ల‌బ్ధి చేకూరిన‌ట్లు వెల్ల‌డించారు. ఎస్‌సీ కేట‌గిరీలో 7,375 మంది, ఎస్‌టీ కేట‌గిరీలో 1,388 మంది, బీసీ కేటగిరీలో 14,044 మంది, ఓసీ కేట‌గిరీలో 9,978 మంది, మైనారిటీ కేట‌గిరీలో 660 మంది ల‌బ్ధిపొందిన‌ట్లు తెలిపారు. జ‌గ‌న‌న్న తోడు ప‌థ‌కం ద్వారా ఎలాంటి పూచీక‌త్తు లేకుండా రూ.10 వేల చొప్పున బ్యాంకు ద్వారా అందుతున్న వ‌డ్డీ లేని రుణాలు చిరు వ్యాపారులు, సంప్ర‌దాయ వృత్తిదారులకు పెద్ద ప్ర‌యోజ‌నం క‌లిగిస్తున్నాయ‌ని క‌లెక్ట‌ర్ వెల్ల‌డించారు. ఈ కార్య‌క్ర‌మంలో డీఆర్‌వో సీహెచ్ స‌త్తిబాబు, డీఆర్‌డీఏ పీడీ వై.హ‌రిహ‌ర‌నాథ్‌, మెప్మా పీడీ కె.శ్రీర‌మ‌ణి, కాకినాడ న‌గ‌ర‌పాల‌క సంస్థ అద‌న‌పు క‌మిష‌న‌ర్ సీహెచ్ నాగ‌న‌ర‌సింహారావు, డీసీసీబీ సీఈవో పి.ప్ర‌వీణ్‌కుమార్‌, స్త్రీనిధి ఏజీఎం ఎం.ధ‌ర్మేంద్ర‌, వివిధ ప్రాంతాల‌కు చెందిన ల‌బ్ధిదారులు, అధికారులు హాజ‌ర‌య్యారు.

జగనన్నతోడు తో చిరు వ్యాపారులకు ప్రోత్సాహం..

జగనన్న తోడు తో జిల్లాలోని చిరువ్యా పారులకు, సంప్రదాయ, చేతి వృత్తి కళాకారులకు ప్రోత్సాహం లభిస్తుందని జిల్లా కలెక్టర్ డా. ఎం. హరి జవాహర్ లాల్ తెలిపారు. జగనన్న తోడు రెండవ విడత  కార్యక్రమాన్ని రాష్ట్ర ముఖ్యమంత్రి వై.ఎస్.జగన్ మోహన్ రెడ్డి మంగళవారం వెలగ పూడి నుండి వీడియో కాన్ఫరెన్స్ ద్వారా ప్రారంభించారు. ఈ కార్యక్రమం లో జిల్లా కలెక్టర్ మాట్లాడుతూ  తోడు క్రింద మొదటి విడత లో  స్త్రీ నిధి, స్వా నిధి క్రింద మొత్తం  23,961 మందికి 23.96 కోట్ల రూపాయల లబ్ధి అందగా రెండవ విడత క్రింద 22,086 మంది  లబ్ధి దారులకు 22.08 కోట్ల రూపాయలు  రుణాలుగా అందజేయడం జరిగిందన్నారు.  ఈ కార్యక్రమానికి జిల్లా నుండి ఇంచార్జ్ మంత్రి వెల్లంపల్లి శ్రీనివాస రావు, మున్సిపల్ , పట్టణాభివృద్ధి శాఖా మంత్రి బొత్స సత్యనారాయణ, పార్లమెంట్ సభ్యులు బెల్లాన చంద్ర శేఖర్,  శాసన మండలి సభ్యులు డా. సురేశ్ బాబు, శాసన సభ్యులు బొత్స అప్పల నరసయ్య, బడ్డు కొండ అప్పల నాయుడు, శంబంగి వెంకట చిన్న అప్పల  నాయుడు, అలజంగి జోగా రావు,  సంయుక్త కలెక్టర్ డా. మహేశ్ కుమార్ తదితరులు పాల్గొన్నారు. వి.సి. అనంతరం జిల్లా లబ్ధి దారులకు చెక్కును, గుర్తింపు కార్డులను  అందజేశారు. 

పాద యాత్రలో చెప్పినవన్నీ గుర్తు పెట్టుకొని చేస్తున్నారు:   జగనన్న తోడు లబ్ధిదారు గడి జ్యోతి 

పాదయాత్ర లో తమ వెంట పాల్గొన్నాను, మీరు ఇచ్చిన హామీలన్నీ చేయడం అసాధ్యం అనుకున్నాను.. కానీ అన్నిటిని గుర్తు పెట్టుకుని  మీరు చేసి చూపిస్తున్నారు.. లబ్ధి దారులకు జల్లెడ పట్టి, గుర్తించి, సంక్షేమ పథకాలను అందిస్తున్నారని భావోద్వేగం తో చెప్పారు గడి జ్యోతి.    ఎస్.కోట మండలం భవాని నగర్ కు చెందిన ఈమె ముఖ్యమంత్రి తో  వీడియొ కాన్ఫరెన్స్ లో మాట్లాడారు.   తను కూరగాయల వ్యాపారం చేస్తోందని, 100 రూపాయలు వాడితే వడ్డీ తో కలిపి  150 రూపాయలు సాయంత్రానికి కట్టవలసి వచ్చేదని,   తన లాంటి వాళ్ళకు వడ్డీ భారం లేకుండా తోడు అమలు చేసి మంచి పని చేశారని ముఖ్యమంత్రిని కొనియాడారు.  ముఖ్యమంత్రి తండ్రి గారు స్వర్గీయ రాజ శేఖర్ రెడ్డి గారు పావలా  వడ్డీకి ఇచ్చిన రుణాలను తీసుకున్నామని, ఇప్పుడు సున్నా వడ్డీ ని అందజేసి తండ్రిని మించిన తనయునిగా పేరు తెచ్చుకున్నారని అన్నారు. గ్రామాల్లో ఏర్పాటు చేసిన సచివాలయ వ్యవస్థ ద్వారా అన్ని  పనులు సుళువుగా జరుగుతున్నాయని, గతం లో ఎం.ఆర్.ఓ కార్యాలయాల చుట్టూ పనుల కోసం తిరిగే వాళ్ళమని తెలిపారు.  వై.ఎస్.ఆర్ పెన్షన్, ఆసరా, ఇళ్ల స్థలం, అమ్మ వొడి,  ఇలా అనేక పధకాలతో తాను ఒక్క సంవత్సరం లో 84 వేల రూపాయల  లబ్ధి పొందినట్లు వివరించారు. కరోనా వలన  ప్రభుత్వానికి ఆదాయం లేకపోయిన  వెయ్యి రూపాయలతో పాటు  తమకు ఉచిత రేషన్  అందజేశారని, నాణ్యమైన బియ్యాన్ని అందించారని తెలిపారు. రెండేళ్లలో ఇన్ని కార్యక్రమాలు చేశారు,  ఐదేళ్లలో మరెంతో చేస్తారని ఆశిస్తున్నామని, మా తరానికే కాదు, మా పిల్లల తరానికి కూడా మీరే ముఖ్యమంత్రిగా రావాలని కోరుకుంటున్నామని  అన్నారు.

నిత్యకళ్యాణంలో దేదీప్యమానంగా అప్పన్న దర్శనం..!