కోవిడ్ పాజిటివ్ వచ్చిన వారికి చికిత్సతో పాటు ప్రతిరోజూ కౌన్సిలింగ్ ఇవ్వాలని జిల్లా కలెక్టరు వి.వినయ్ చంద్ వైద్యాధికారులను ఆదేశించారు.  ఆదివారం కలెక్టరు కార్యాలయ సమావేశ మందిరంలో నిర్వహించిన సమీక్షా సమావేశంలో ఆయన నోడల్ అధికారులు, వైద్యాధికారులతో జిల్లాలో కరోనా పరీక్షలు, చికిత్సలను గూర్చి క్షుణ్ణంగా సమీక్షించారు.  కరోనా పరీక్షలు మరింత ఎక్కువగా చేయాలన్నారు.  కోవిడ్ పాజిటివ్ వచ్చిన వారికి ఫోన్ చేసి తెలియజేయాలని, వారి ఆరోగ్య పరిస్థతిని గూర్చి తెలుసుకోవాలన్నారు.  వారి పరిస్థితిని బట్టి వెంటనే కంటంన్మెంట్ మేనేజ్ మెంట్ అధికారులకు, వైద్యాధికారులకు ఫోన్ చేసి వారిని కోవిడ్ కేర్ సెంటర్ ఆసుపత్రికి తరలించాలన్నారు.  పాజిటివ్ వచ్చిన వారి వివరాలను విశాఖ నగరానికి సంబంధించి జివియంసి కమిషనర్ జి.సృజన, డాక్టర్ దేవీ మాధవి, రూరల్ జిల్లాకు సబంధిరి జిల్లా పరిషత్ సిఈవో నాగార్జున సాగర్ ఆధ్వర్యంలో చర్యలు చేపట్టాలన్నారు.   ఐటిడిఎ పి.వో., సబ్ కలెక్టరు, ఆర్డీవోలు,  జోనల్ కమిషనర్లు, ఎంపిడివోల సహాయంతో వారిని దగ్గరలో నున్న కోవిడ్ కేర్ సెంటర్, పిహెచ్ సి, సిహెచ్ సి, యుహెచ్ సి లలో చేర్పించాలన్నారు. ఇంటిలో ఐసొలేషన్ లో వున్న వారికి  ప్రతి రోజూ ఫోన్ ద్వారా వారి పరిస్థతిని తెలుసుకోవాలని, వారిలో మనోధైర్యం నింపాలన్నారు. రోగుల కాంటాక్ట్ వ్యక్తులకు పరీక్షలు నిర్వహణ బాధ్యతలను గ్రామ, వార్డు సెక్రటరీలు చూసుకోవాలన్నారు.  

ఆక్సిజన్ లభ్యతను ప్రతిరోజూ తెలియజేయాలి

ఆసుపత్రులలో ఆక్సిజన్ కొరతరాకూడదని, అవసరాలకు మించి ఆక్సిజన్ నిల్వ వుండేలా చర్యలు తీసుకోవాలని ఎపిఎమ్ఐడిసి ఈ.ఈ.  నాయడును ఆదేశించారు.  అవసరమయ్యే ఆక్సిజన్, సంబంధిత పరికరాల కొరత వుండకూడదని, అవసరమైన ప్రతిపాదనలను వెంటనే సిద్దం చేయాలన్నారు. 

ఎంపానెల్డ్  ఆసుపత్రులను తనిఖీ చేయాలి

నగరంలో గల ఎంపానెల్డ్ ఆసుపత్రులను వెంటనే తనిఖీచేసి వాటి సంసిద్దత, సేవల తీరుపై నివేదిక ఇవ్వాలని జిల్లా వైద్యఆరోగ్య శాఖాధికారి, ఆరోగ్యశ్రీ కోఆర్డినేటర్ లను కలెక్టరు ఆదేశించారు. ఆరోగ్యశ్రీలో ఏయే సేవలు అందస్తున్నారు. ఆసుపత్రులలో చికిత్సా విధానం, పడకల సదుపాయాలు, మొదలైన వివరాలతో నివేదికను పంపించాలని ఆదేశించారు. 

ఈ సమావేశంలో జివియంసి కమిషనర్ జి.సృజన, జాయింట్ కలెక్టరు పి.అరుణ్ బాబు, ఆంధ్ర వైద్య కళాశాల ప్రిన్సిపాల్ డాక్టర్ పి.వి.సుధాకర్, జెడ్.పి. సిఈవో నాగార్జున సాగర్, పిడి డిఆర్ డిఎ విశ్వేశ్వరరావు, డిఎంఅండ్ హెచ్ వో డాక్టర్ సూర్యనారాయణ, ఆరోగ్య శ్రీ కోఆర్డినేటర్లు డాక్టర్ భాస్కర్, డాక్టర్ రాజేష్, డాక్టర్ దేవీమాధవీ , డాక్టర్ విజయలక్ష్మి, డాక్టర్ ఉమావతి తదితరులు పాల్గొన్నారు. 

కోవిడ్ పోజిటివ్ వచ్చిన  ఏ ఒక్కరూ భయాందోళనలకు గురి కావద్దని జిల్లా కలెక్టర్ డా. ఎం. హరి జవహర్ లాల్  తెలిపారు.  కుటుంభం లో ఒకరికి పోజిటివ్ వస్తే ఆ కుటుంభం అంతా పోజిటివ్ గానే భావించి జాగ్రత్తలు తీసుకోవాలన్నారు.  ఆదివారం కోవిడ్ పై  ప్రత్యేకాధికారి  సత్యనారాయణ ఆధ్వర్యం లో సంయుక్త కలెక్టర్లు, వైద్య  పోలీస్ శాఖల అధికారులతో కలెక్టర్ కోవిడ్ పరిస్థితులు, పరీక్షలు, ఆసుపత్రుల సన్నద్దత,  వాక్సినేషన్ తదితర అంశాల పై సమీక్షించారు.  ఈ సందర్భంగా మాట్లాడుతూ పోజిటివ్ వచ్చిన  వారు ఆసుపత్రులకు వెళ్లి ఆక్సిజన్ , ఇంజక్షన్  కావాలని ఆందోళన చెందవలసిన అవసరం లేదని,  ఎలాంటి కేసు కు ఏ రకమైన ట్రీట్మెంట్ చేయాలో వైద్యులు నిర్ణయిస్తారని తెలిపారు. మానసిక  ధైర్యంగా ఉండాలని,  ఆత్మ స్థైర్యాన్ని పెంచుకొని మందులు వాడితే వ్యాధి పోతుందని అన్నారు. ఎలాంటి దీర్ఘ కాలిక వ్యాధులు లేని వారైతే హోం ఇసోలేషణ్ లోనే ఉండి  మంచి ఆహారాన్ని తీసుకొని, యోగా, ధ్యానం లాంటివి చేస్తూ, కుటుంభ సభ్యులతో కలవకుండా  భౌతిక దూరాన్ని   పాటిస్తే సరిపోతుందని అన్నారు. కుటుంభ సభ్యులెవ్వరు కూడా బయట తిరగరాదని స్పష్టం చేసారు.  ఈ విషయం పై గ్రామాల్లో,  మున్సిపాలిటీ పరిధి లో విస్తృతంగా అవగాహన కల్పించాలని, ఇందుకోసం సర్పంచ్ లు, వార్డ్ సభ్యులతో సమావేశాలు ఏర్పాటు చేయాలనీ  అధికారులకు సూచించారు. 

 ప్రభుత్వ, ప్రైవేటు  ఆసుపత్రులలో రోజు వారి బెడ్స్ అందుబాటు పై మీడియా లో బులిటెన్ ప్రతి రోజు ఇవ్వాలని కలెక్టర్ సూచించారు.  ప్రతి రోజు ఎంత మంది  పేషెంట్స్ జాయిన్ అయ్యారు, ఎంత మంది డిస్చార్జ్  అయ్యారు, ఎన్ని బెడ్స్  ఖాళీ  గా ఉన్నాయో వివరాలను ప్రతి ఆసుపత్రి ముందు డిస్ప్లే చేయాలనీ, ఆ సమాచారాన్ని కమాండ్ కంట్రోల్ రూమ్ కు, మీడియా కు అందజేయాలని సూచించారు.   వ్యాధి లక్షణాలు ఉన్న వారికీ, దీర్ఘ కాలిక వ్యాధులు ఉన్నవారికి మాత్రమే పరీక్షలు నిర్వహించాలని, శాంపిల్ కలెక్షన్ ,  ఫలితాల వెల్లడి, ఆన్లైన్  నమోదు  వేగంగా జరిగేలా  చూడాలని అన్నారు.  

 కోవిడ్ వైద్యం కోసం ప్రైవేటు ఆసుపత్రుల్లో అధిక ధరలు వసూలు చేస్తున్నట్లు ఫిర్యాదులు అందితే వారి పై క్రిమినల్ చర్యలు తీసుకోవడం జరుగుతుందని హెచ్చరించారు.  ధరల వివరాలను ఆసుపత్రుల్లో డిస్ప్లే చేయాలనీ సూచించారు. మే నెలలో  శుభ కార్యాలు ఎక్కువగా  జరిగే అవకాశం ఉన్నందున  కళ్యాణ మండపాలకు అనుమతుల విషయం లో రెవిన్యూ, పోలీస్ శాఖ ల వారు జాగ్రత్తగా వ్యవహరించాలన్నారు.  కోవిడ్ కారణంగా ఫంక్షన్ హాల్స్  ధరలు పెంచినట్లయితే వారి పై చర్యలు తీసుకోవాలని అధికారులకు ఆదేశించారు.   కరోనా విధులకు, పారిశుధ్యం, అవగాహన తదితర విధులలో సచివాలయ సిబ్బందిని వినియోగించుకునేలా చర్యలు చేపట్టాలని జిల్లా పరిషత్ సి.ఈ.ఓ వెంకటేశ్వర రావు కు  సూచించారు. 

సోమవారం నుండి  జిల్లాలో మరో 30 వేల మందికి కోవీ షీల్డ్ వాక్సిన్ వేయనున్నట్లు కలెక్టర్ తెలిపారు.  ఈ వాక్సిన్  మొదటి, రెండవ డోస్ లకు వేస్తారని,  ప్రతి సి.హెచ్.సి, , ఫై. హెచ్.సి ల పరిధి లోను అందుబాటు లో ఉంటుందని తెలిపారు.  45 ఏళ్ళు నిండిన వారు ఈ వాక్సిన్  వేయించుకోవాలని తెలిపారు.  ఈ సమావేశం లో సంయుక్త కలెక్టర్లు  డా. జి.సి.కిషోర్ కుమార్,  డా. మహేష్ కుమార్, జిల్లా రెవిన్యూ అధికారి గణపతి రావు,  జిల్లా వైద్య ఆరోగ్య శాఖ అధికారి డా. ఎస్.వి. రమణ కుమారి,  అదనపు ఎస్.పి సత్యనారాయణ, ఆసుపత్రుల సమన్వయా ధికారి  డా. నాగభూషణ, సూపరింటెండెంట్ డా. గౌరీ శంకర్ తదితరులు పాల్గొన్నారు.

ప్రభుత్వ రంగ సంస్థ, ప్రజలకు ప్రాణవాయునిచ్చే విశాఖ స్టీల్ ప్లాంట్ ను ప్రైవేటీకరించే యోచన విడనాడాలని ఆంధ్రప్రదేశ్ గ్రామ సచివాలయ ఉద్యోగుల సంఘం గౌరవాధ్యక్షులు, ఏపీ కాంట్రాక్టు ఉద్యోగుల సంఘం జేఏసి చైర్మన్ ఏవీ నాగేశ్వర్రావు డిమాండ్ చేశారు. శనివారం విశాఖలోని కూర్మన్నపాలెం స్టీలు ప్లాంట్ గేటువద్ద స్టీలు ఉద్యోగులు ఏర్పాటు చేసిన  పాల్గొని స్టీలు ప్రైవేటీకరణకు వ్యతిరేకంగా నినాదాలు చేశారు. ఈ సందర్భంగా ఆయన మాట్లాడుతూ, ఎంతోమంది ప్రాణాలు దారపోసి విశాఖ ఉక్కు-ఆంధ్రుల హక్కు నినాదంలో సాధించుకున్న స్టీలు ప్లాంటును కేంద్రం ఇపుడు ప్రైవేటీకరిస్తే చూస్తూ ఊరుకునేది లేదన్నారు. కేంద్రం తన ప్రైవేకరణ నిర్ణయాన్ని వెనక్కి తీసుకోకపోతే ఆందోళన మరింత ఉద్రుతం చేస్తామని హెచ్చరించారు. విశాఖ సెంటిమెంట్ విశాఖ ఉక్కు అనే విషయాన్ని కేంద్ర ప్రభుత్వం గుర్తించాలన్నారు. అభివ్రుద్ధి చేయడానికి ఎంతో అవకాశం వున్న ఈ సంస్థను ఖాయాలపడిన కేంద్ర సంస్థగా గుర్తించడం చాలా దారుణమన్నారు. ఈ కార్యక్రమంలో కాంట్రాక్ట్ స్టాఫ్ నర్స్ సంఘం రాష్ట్ర అధ్యక్షురాలు డి.దయామణి, యునైటెడ్ మెడికల్ అండ్ హెల్త్ ఎంప్లాయిస్ యూనియన్ కార్యదర్శి కె.జగన్మోహనరావు, ఏపీ యునైటెడ్ విలేజ్ హెల్త్  సెక్రటేరియట్ అసోసియేషన్ ప్రతినిధులు మోహిని, రాజ్యలక్ష్మి, నాగమణి, రాణి, విజయకుమారి   తదితరులు పాల్గొన్నారు.

కోవిడ్ వ్యాప్తి నివారణకు సహకరించాలని రెవెన్యూ డివిజనల్ అధికారి ఐ.కిషోర్ అన్నారు. శ్రీకాకుళం నగర వర్తకులతో జిల్లా పరిషత్ సమావేశ మందిరంలో బుధవారం సమావేశం జరిగింది. ఈ సందర్భంగా ఆయన మాట్లాడుతూ ఇటీవల కాలంలో కేసులు అధికంగా పెరుగుతున్నాయని అన్నారు. బుధవారం ఉదయం నివేదిక ప్రకారం 1,444 కేసులు జిల్లాలో నమోదు అయ్యాయని తెలిపారు. సెకండ్ వేవ్ మ్యుటేషన్ విభిన్నంగా ఉందని ఆయన చెప్పారు. అత్యవసర పరిస్థితుల్లో ఏ విధమైన చర్యలు చేపట్టాలి అని ప్రతి ఒక్కరూ ఆలోచించాల్సిన అవసరం ఉందని ఆయన పేర్కొన్నారు. వర్తక, వాణిజ్య రంగాలు సహకరించి కేసుల తగ్గుదలకు ప్రయత్నం చేయాలని కోరారు. వ్యాపార కార్యకలాపాలు నిర్వహించుటకు సమయాన్ని నియంత్రించేందుకు కృషి చేయాలని అన్నారు. మీ ఆరోగ్యం, మీ కుటుంబ సభ్యుల ఆరోగ్యం గూర్చి ఆలోచించాలని ఆర్.డి.ఓ పేర్కొన్నారు. దుకాణాలకు వచ్చే వినియోగదారులు విధిగా మాస్కు ధరించాలని ఆయన స్పష్టం చేసారు. కోవిడ్ నిబంధనలు ప్రతి దుకాణం విధిగా పాటించాలని ఆయన పేర్కొన్నారు. నిర్దేశించిన సమయం ప్రతి రంగానికి వర్తిస్తుందని ఆయన స్పష్టం చేసారు. గురువారం జిల్లా కలెక్టర్ ఆధ్వర్యంలో ఉదయం10.30 గంటలకు జిల్లా పరిషత్ సమావేశ మందిరంలో వ్యాపార వర్గాలతో సమావేశం ఏర్పాటు చేయడం జరిగిందని ఆయన తెలిపారు. 

డిఎస్పీ ఎం.మహేంద్ర మాట్లాడుతూ వ్యాపార వర్గాలు మనస్ఫూర్తిగా సహకరించాలని కోరారు. అందరూ ఒకే మాటపై ఉండాలని సూచించారు. నగర పాలక సంస్థ కమీషనర్ కె.శివప్రసాద్ మాట్లాడుతూ గత వారం రోజుల్లో వెయ్యి కేసులు నమోదయ్యాయని తెలిపారు. మార్చి 1 నుండి నగరంలో 16 వందల కేసులు నమోదు అయ్యాయని ఆయన చెప్పారు. మంగళవారం 297 కేసులు నమోదయ్యాయని చెప్పారు. జిల్లాలో ఎక్కువ కేసులు శ్రీకాకుళం నగరంలో వస్తున్నాయని ఆయన వివరించారు. ఓబిఎస్ మార్కెట్ ను 80 ఫీట్ రోడ్ లోకి మార్చడం జరిగిందని, లక్ష్మీ టాకీస్ వద్ద మార్కెట్ ను కోడి రామమూర్తి స్టేడియంలోకి మార్చడం జరిగిందని ఆయన వివరించారు. ఇతర మార్కెట్లను మార్పు చేయుటకు చర్యలు చేపట్టడం జరిగిందని తెలిపారు. వ్యాపార వర్గాల ప్రతినిధులు పి.వి.రమణ, కోరాడ రమేష్, కోరాడ హరగోపాల్ మాట్లాడుతూ వ్యాపార వర్గాలు సహకరించుటకు సిద్ధంగా ఉన్నాయని తెలిపారు. ఉదయం 6 గంటల నుంచి సాయంత్రం 6 గంటల వరకు వ్యాపార కార్యకలాపాలు నిర్వహించుటకు అవకాశం కల్పించాలని కోరారు. మార్కెట్లు విశాల ప్రాంతాల్లోకి మార్చునపుడు అచ్చట సౌకర్యాలు కల్పించాలని కోరారు. ఈ సమావేశంలో పోలీసు ఇన్స్పెక్టర్ అంబేద్కర్, ఎస్.ఐ లు విజయ్ కుమార్, సిద్దార్థ కుమార్ , వ్యాపార వర్గాలు తదితరులు పాల్గొన్నారు.

కోవిడ్ వ్యాక్సిన్ రెండవ డోసు తీసుకోవలసిన వ్యక్తుల కోసం రేపు అనగా గురువారం జిల్లా అంతటా ప్రత్యేక డ్రైవ్  నిర్వహిస్తున్నట్లు జిల్లా కలెక్టరు వి.వినయ్  చంద్ తెలిపారు. బుధవారం కలెక్టరేట్ లో మీడియాతో మాట్లాడారు. ఈ సందర్భంగా కలెక్టర్ మాట్లాడుతూ  జిల్లాలో కోవిడ్  వ్యాక్సిన్ రెండవ డోసు తీసుకోవలసిన వ్యక్తులు 39,111 మంది వున్నారని తెలిపారు.  వీరిలో కోవీ షీల్డ్ రెండవ డోసు తీసుకోవలసిన వారు 32,352 మంది వున్నారని తెలిపారు.  కో వ్యాక్సిన్ రెండవ డోసు తీసుకోవలసిన వారు 6,759 మంది వున్నారని తెలిపారు. కోవీ షీల్డ్ వ్యాక్సిన్ మొదటి డోసు తీసుకున్న 6 నుంచి 8 వారాల మధ్య రెండవ డోసు తీసుకోవలసి వుంటుందన్నారు.  కో వ్యాక్సిన్ మొదటి డోసు తీసుకున్న 4 వారాల తరువాత రెండవ డోసు తీసుకోవలసి వుంటుందన్నారు.  అందువలన రేపు ఉదయం 7.30 నుంచి రెండవ డోసు వేయడానికి ప్రత్యేక డ్రైవ్ నిర్వహిస్తున్నామని తెలిపారు.  కాబట్టి మొదటి డోసు వేసుకొని నిర్ణీత సమయం పూర్తి అయిన వ్యక్తులు గురువారం నాడు అదే వ్యాక్సిన్ రెండవ డోసు జిల్లాలో ఎక్కడైనా వేసుకోవచ్చునని వివరించారు.  మొదటి డోసు ఏ వ్యాక్సిన్ వేసుకుంటే,  రెండవ డోసు కూడా అదే వ్యాక్సిన్ వేసుకోవాలని, ప్రజలందరూ ఇది గమనించాలని తెలిపారు. కొవీ షీల్డ్  వ్యాక్సిన్ నగరంలోని కె.జి.హెచ్., ఛాతీ ఆసుపత్రి, మానసిక వైద్య శాల, ఘోషా ఆసుపత్రి, జి.వి.యం.సి. పరిధిలోని 72 ప్రాధమిక ఆరోగ్య కేంద్రాలలో, నర్సీపట్నం మున్సిపాలిటిలోని 3 అర్బన్ ప్రాధమిక ఆరోగ్య కేంద్రాలలో, యలమంచిలి మున్సిపాలిటి లోని 2 అర్బన్ ప్రాధమిక ఆరోగ్య కేంద్రాలలో, గ్రామీణ  ప్రాంతంలోని 47 ప్రాధమిక ఆరోగ్య కేంద్రాలలో,  ఏజెన్సీ లోని 36 ప్రాధమిక ఆరోగ్య కేంద్రాలలో, ఇంకా జిల్లా అంతటా వున్న 16  వైద్య విధాన పరిషత్ ఆసుపత్రులలో  వేస్తారు.

కో వ్యాక్సిన్ ను నగరంలోని ప్రాంతీయ కంటి ఆసుపత్రి, చెవి ముక్కు గొంతు ఆసుపత్రులలో, కె.జీ.హెచ్. లోని సూపర్ స్పెషాలిటీ బ్లాక్  లో, స్వర్ణ భారతీ ఇండోర్ స్టేడియంలో, అనకాపల్లిలోని అర్బన్ ఫ్యామిలీ వెల్ఫేర్ సెంటర్ లో , నర్సీపట్నంలోని  టిబి కంట్రోల్ సెంటర్ లో , పాడేరులోని జిల్లా ఆసుపత్రిలో వేస్తారు. నగరంలోని కె.జి.హెచ్. ఆసుపత్రిలో విడివిడిగా ప్రత్యేక బ్లాకులలో రెండు రకాల వ్యాక్సిన్ లు కోవీ షీల్డ్, కో వ్యాక్సిన్  వేస్తారని తెలిపారు. కాబట్టి  వ్యాక్సిన్ మొదటి డోసు  వేసుకున్న ప్రతీ ఒక్కరూ రేపు రెండవ డోసు తప్పని సరిగా వేసుకోవాలని విజ్ఞప్తి చేశారు. వ్యాక్సిన్ వేసుకోవడానికి  వెళ్లేటప్పుడు తమ అధార్ కార్డ్  ను వెంట తీసుకొని వెళ్లాలని కోరారు. జిల్లాలో ప్రస్తుతం 60 వేల డోసులు అందుబాటులో వున్నాయని, ఇంకా అదనంగా డోసులు రానున్నాయని తెలిపారు. కోవిడ్ ఇన్ఫెక్షన్ సోకి రికవరీ అయి 28 రోజులు గడిచిన వ్యక్తులు బ్లడ్, ప్లాస్మా దానం  చేయవచ్చునని, కాబట్టి అలాంటి వారు స్వఛ్చందంగా ముందుకు వచ్చి బ్లడ్, ప్లాస్మాను దానం చేసి, ఇతరుల ప్రాణాలను కాపాడాలని జిల్లా కలెక్టరు విజ్ఞప్తి చేసారు. ఈ కార్యక్రమం లో జాయింట్  కలెక్టర్  పి.అరుణ్ బాబు, జి.వి.యం.సి. కమీషనర్ డా. జి.సృజన, జిల్లా వైద్య ఆరోగ్య శాఖాధికారి డా.సూర్యనారాయణ,  ఆంధ్రా మెడికల్ కాలేజ్ ప్రిన్సిపల్ డా.పి.వి.సుధాకర్ ఇతర అధికారులు పాల్గొన్నారు.