తిరుపతి శ్రీ కోదండరామస్వామివారి ఆలయ పవిత్రోత్సవాలు జూలై 24 నుంచి 26వ తేదీ వరకు వైభవంగా జరుగనున్నాయి. జూలై 23న సాయంత్రం అంకురార్పణంతో ఈ  ఉత్సవాలు ప్రారంభమవుతాయి. యాత్రీకుల వల్లగానీ, సిబ్బంది వల్ల గానీ తెలియక  దోషాలు జరుగుతుంటాయి. ఇలాంటి వాటివల్ల ఆలయ పవిత్రతకు ఎలాంటి లోపం రాకుండా  నివారించేందుకు ప్రతి ఏడాది  మూడు రోజుల పాటు పవిత్రోత్సవాలు నిర్వహించడం ఆనవాయితీ. పవిత్రోత్సవాల్లో భాగంగా మొదటిరోజు యాగశాలలో పవిత్ర ప్రతిష్ఠ, శయనాధివాసం, రెండో రోజు పవిత్ర సమర్పణ, యాగశాలలో వైదిక కార్యక్రమాలు నిర్వహిస్తారు. మూడో రోజు యాగశాలలో వైదిక కార్యక్రమాలు, పూర్ణాహుతితో పవిత్రోత్సవాలు ముగియనున్నాయి. ప్రతిరోజూ ఉదయం స్నపనతిరుమంజనం, సాయంత్రం తిరువీధి ఉత్సవం నిర్వహిస్తారు. గృహస్తులు(ఇద్దరు) రూ.500/- చెల్లించి పవిత్రోత్సవాల్లో పాల్గొనవచ్చు. గృహస్తులకు ఒక ఉత్తరీయం, ఒక రవికె, చివరిరోజు ఒక పవిత్రం బహుమానంగా అందజేస్తారు. ఈ సందర్భంగా టీటీడీ హిందూ ధర్మప్రచార పరిషత్‌, అన్నమాచార్య ప్రాజెక్టు ఆధ్వర్యంలో ప్రతిరోజూ ఆధ్యాత్మిక, భక్తి సంగీత కార్యక్రమాలు నిర్వహిస్తారు.

యజమానులు రుణాలు తిరిగి చెల్లించడంలో ఒక్క. రోజు ఆలస్యమైనా బ్యాంకులు ఇబ్బందులకు. గురిచే స్తూన్నాయని ఈ విషయాన్ని ప్రభుత్వంలో మాట్లాడి వారికి కొంత వెసులు బాటు కల్పించాలని బాంబర్ ఆఫ్ కామర్స్ అధ్యక్షుడు సతీష్ కోరారు. దీనిపై మంత్రి అమర్ నాథ్ మాట్లాడుతూ ప్రజా ప్రతినిధులు,సంబంధిత వ్యక్తుల అభిప్రాయాలను పరిగణలోకి తీసుకోవలసిన అధికారులు. అందుకు భిన్నంగా వ్యవరించడం వలన ఇటువంటి సమస్యలు తలెత్తుతున్నాయని అన్నారు.   తన పరిధిలో ఉన్న సమస్యలను త్వరగా పరిష్కరిస్తానని అమర్ నాధ్  హామీ ఇచ్చారు. అధికారాన్ని తాను చాలా దగ్గరగా చూస్తున్నానని, అయితే అది శాశ్వతం కాదన్న విషయాన్ని ఎప్పుడు గుర్తుంచు కుoటానని అమర్ నాథ్ చెప్పారు.   తను అధికారంలో ఉన్నoతవరకూ వీలైనంత మందికి సహాయం అందించాలని కోరుకుంటూ వుoటానని అమరనాథ్ స్పష్టంచేశారు. ఇదిలా ఉండగా విశాఖలో త్వరలోనే ఎం.ఎస్. ఎంఈ.  పార్క్ ను ఏర్పాటు చేస్తామన మంత్రి అమరనాధ్ తెలియచేసారు. ప్రభుత్వ స్థలం అందుబటులోకి రాగానే పార్క్ నిర్మాణ పనులు ప్రారంభిస్తామని చెప్పారు.

రాష్ట్రంలో 1.25 లక్షల ఎం ఎస్ ఎంఈలు 15వేల కోట్ల రూపాయలతో ఏర్పాటు చేయనున్నామని, తద్వారా పెద్ద సంఖ్యలో ఉద్యోగాలు రానున్నాయ ని ఆయన చెప్పారు. కాగా విశాఖ లో ఈ ఏడాది నవంబర్ లేదా వచ్చే ఏడాది జనవరిలో .సి.ఇ.ఇ. సదస్సు  నిర్వహించి మరిన్ని పెట్టుబడులను రాష్ట్రానికి తీసుకు వస్తామని అమరనాద్ ఆ తెలియ చేశారు.

       తిరుమలలో మ్యూజియం అభివృద్ధి, అంజనాద్రి, వెంగమాంబ ధ్యాన మందిరం,  ఘాట్ రోడ్ల‌లో కొండ చరియ‌లు విరిగిపడకుండా తీసుకోవాల్సిన జాగ్ర‌త్త‌లు, ఈ- ఎం బుక్‌ అంశాలపై ఇంజనీరింగ్ అధికారులతో ఆయన సమీక్షించారు. అలాగే తిరుమలలో విద్యుత్తు పొదుపు కోసం మీటర్ల ఏర్పాటు తదిత‌ర‌ అంశాలను అధికారులు అడిగి తెలుసుకున్నారు. తిరుప‌తిలోని టీటీడీ పరిపాలన భవనం ఆధునీకరణలో భాగంగా వర్క్ స్టేషన్స్, ప్రధాన ద్వారం ఎలివేషన్ అత్యద్భుతంగా వచ్చేలా వైకుంఠ ఏకాదశి నాటికి పనులు పూర్తి చేయాలన్నారు. జమ్మూ, చెన్నైలో నిర్మిస్తున్న ఆలయాల నిర్మాణ పనులపై ఆయన సమీక్షించారు. గో శాలలో నిర్మిస్తున్న‌ ఫీడ్ మిక్సింగ్ ప్లాంటు, నెయ్యి త‌యారీ ప్లాంట్‌, గోశాల నిర్వహణ, దేశీయ గో జాతుల పిండోత్పత్తి విషయాలపై స‌మీక్షించారు.

       టిటిడి విద్యాలయాలకు సంబంధించి న్యాక్‌ గుర్తింపు, విద్యార్థుల వివరాలతో అప్లికేషన్ రూపొందించాల‌న్నారు. తిరుమల శేషాచ‌లం అట‌వీ ప్రాంతంలో అకేషియా చెట్ల తొలగింపునకు ప్రాధాన్యత ఇవ్వాలని ఆదేశించారు. రాష్ట్రంలో ఎంపిక చేసిన 28 నోడల్ గోశాలల నిర్వాహకులకు శిక్షణ గురించి అధికారులతో చర్చించారు. అదివో అల్లదివో కార్యక్రమం ఫైనల్ పోటీలను ఆగస్టు నెలలో పూర్తి చేయాలన్నారు. వేదాల సారాన్ని ప్రజలకు అందించేలా ఎస్వీబిసి కార్య‌క్ర‌మాలు రూపొందించాల‌న్నారు. అలిపిరిలో ట్రాఫిక్ క్రమబద్ధీకరణకు అవ‌స‌ర‌మైన నియ‌మావ‌ళిని సిద్ధం చేయాల‌న్నారు.  జెఈవోలు  సదా భార్గవి,  వీర‌బ్ర‌హ్మం,  సివిఎస్వో  నరసింహ కిషోర్, ఎఫ్ ఎసిఎవో  బాలాజి, ఎస్వీబిసి సీఈవో  షణ్ముఖ కుమార్,  సిఎవో  శేష శైలేంద్రతో పాటు పలువురు అధికారులు సమావేశంలో పాల్గొన్నారు.

ప్ర‌భుత్వ నిర్ణ‌యించిన ఎం.ఆర్‌.పి. ధ‌ర‌ల‌కే ఎరువుల‌ను విక్ర‌యించాల‌ని, అలా కాకుండా నిబంధ‌న‌లు అతిక్ర‌మించి అధిక ధ‌ర‌ల‌కు విక్ర‌యించిన‌ట్ల‌యితే క‌ఠిన చ‌ర్య‌లు త‌ప్ప‌వని జిల్లాలోని ఎరువుల డీల‌ర్ల‌ను జాయింట్ క‌లెక్ట‌ర్ మ‌యూర్ అశోక్ హెచ్చ‌రించారు. రైతుల‌కు నాణ్య‌మైన ఎరువుల‌ను అందించాల‌ని, వారితో స‌ఖ్య‌త‌గా మెల‌గాల‌ని సూచించారు. జిల్లాలోని వివిధ ప్రాంతాల నుంచి వ‌చ్చిన ఎరువుల‌ డీల‌ర్ల‌తో జేసీ శ‌నివారం క‌లెక్ట‌రేట్ ఆడిటోరియంలో స‌మావేశం నిర్వ‌హించారు. దీనిలో భాగంగా ముందుగా జిల్లా వ్య‌వ‌సాయ అధికారి వి.టి. రామారావు ఎరువుల విక్ర‌యంలో అనుస‌రించాల్సిన నిబంధ‌న‌లు, నియ‌మావ‌ళి గురించి ప‌వ‌ర్ పాయింట్ ప్ర‌జెంటేష‌న్ ద్వారా వివ‌రించారు. 

ఈ సంద‌ర్భంగా జాయింట్ క‌లెక్ట‌ర్ మాట్లాడుతూ రైతుల‌కు నాణ్య‌మైన ఎరువులను అందించాల్సిన బాధ్య‌త  ప్ర‌తి ఒక్క‌రిపైనా ఉంద‌ని పేర్కొన్నారు. అధిక లాభాపేక్ష‌కు పోకుండా రైతుల ప‌ట్ల‌ సేవా దృక్ప‌థాన్ని డీల‌ర్లు క‌న‌బ‌ర‌చాల‌ని జేసీ హిత‌వు ప‌లికారు. ఎరువుల కృత్రిమ కొత‌ర సృష్టించ‌టం, నిబంధ‌న‌లు అతిక్ర‌మించ‌టం లాంటి చ‌ర్య‌ల‌కు పాల్ప‌డ‌వ‌ద్ద‌ని సూచించారు. 

రాష్ట్ర ప్ర‌భుత్వం రైతుల‌కు మంచి చేయాల‌నే దృక్ఫ‌థంతో ముందుకు వెళ్తోంద‌ని దానికి అనుగుణంగా మ‌నంద‌రం న‌డుచుకోవాల‌ని పేర్కొన్నారు. క‌ల్తీ ఎరువులు విక్ర‌యించినా.. అధిక ధ‌ర‌ వ‌సూలు చేసినా క‌ఠిన చ‌ర్య‌లు త‌ప్ప‌వ‌ని ఈ సంద‌ర్భంగా హెచ్చ‌రించారు. రైతు భ‌రోసా కేంద్రాలు, ఎరువుల దుకాణాల వ‌ద్ద ఎం.ఆర్‌.పి. ధ‌ర‌లు వేస్తూ ధ‌ర‌ల ప‌ట్టిక‌ను ఏర్పాటు చేయాల‌ని వ్య‌వ‌సాయ శాఖ అధికారుల‌ను, డీల‌ర్ల‌ను జేసీ ఆదేశించారు. రైతుల నుంచి ఫిర్యాదులు స్వీక‌రించేందుకు వీలుగా టోల్ ఫ్రీ నంబ‌ర్‌ను అందుబాటులో ఉంచాల‌ని వ్య‌వ‌సాయ శాఖ అధికారుల‌ను ఆదేశించారు. నానో యూరియా, పొటాస్ ప్ర‌యోజ‌నాల‌ను రైతుల‌కు తెలియజేయాల‌ని, వాటి వినియోగాన్ని పెంచాల‌ని డీల‌ర్ల‌కు సూచించారు. ఏ రోజుకా రోజు ఎరువుల విక్ర‌యానికి సంబంధించిన నివేదిక‌ను ఆన్‌లైన్‌లో న‌మోదు చేయాల‌ని, బిల్లుల పుస్త‌కాల‌ను, స్టాక్ రిజిస్ట‌ర్ల‌ను మెయింటైన్ చేయాల‌ని సూచించారు. స‌మావేశంలో జిల్లా వ్యవ‌సాయ అధికారి వి.టి. రామారావు, ఏడీ అన్న‌పూర్ణ‌, ప‌రిశోధ‌క‌ అధికారి ప్ర‌కాశ్‌, మండ‌ల వ్యవ‌సాయ అధికారులు, అధిక సంఖ్య‌లో డీల‌ర్లు త‌దిత‌రులు పాల్గొన్నారు.

విశాఖలోని సింహాచలం లక్ష్మీ నరసింహస్వామి(సింహాద్రి అప్పన్న)ని రాష్ట్ర ఆర్ధిక శాఖ మంత్రి బుగ్గన రాజేంద్రనాధ్ రెడ్డి శనివారం దర్శించుకున్నారు. ఈ సందర్భంగా  పూర్ణకుంభంతో ఈఓ, అర్చక స్వాముల తో కలిసి సంప్రదాయంగా స్వాగతం పలికారు. అంతరాలయంలో అర్చకులు మంత్రి పేరున ప్రత్యేక పూజలు చేశారు. కప్పస్తంభం ఆలింగనం చేసుకున్న మంత్రి గోదాదేవి సన్నిధిలో అర్చకుల మంగళహారతులు స్వీకరించారు. బేడామండపమలో మంత్రిని అర్చకులు ఆశీర్వదించారు స్వామివారి చిత్రపటం, శేషవస్త్రాలు, ప్రసాదాలను మంత్రి కి ఈవో అందించారు. ఈ కార్యక్రమంలో దేవస్థానం అధికారులు, సిబ్బంది, వైఎస్సార్సీపీ నాయకులు పాల్గొన్నారు.