పాడేరు నియోజకవర్గం జి.మాడుగుల మండలం వంజరి గ్రామంలో  ఇదేం కర్మ - మన రాష్ట్రానికి కార్యక్రమం మాజీ మంత్రి మత్యరాస మణి కుమారి ఆధ్వర్యంలో నిర్వహించారు. ఈ సందర్భంగ ఆమె మాట్లాడుతూ, వైఎస్సార్సీపీ పాలనలో రాష్ట్రం 20ఏళ్లు వెనక్కి వెళ్లిపోయింద న్నారు.  ఆంధ్రప్రదేశ్ రాష్ట్ర గిరిజన సహకార సంస్థ మాజీ చైర్మన్ యం వి వి ప్రసాద్ మాట్లాడుతూ, యువతకు ఉద్యోగాలు లేవని, కూలీలకు పనులు కూడా లేకుండా చేసిన ఘనత వైఎస్సార్సీపీ పార్టీదేనని ఆగ్రహం వ్యక్తం చేశారు. అనంతరం ఇంటింటికీ తిరిగి వైఎస్సార్సీపీ వైఫల్యాలను ప్రజలకు వివరించారు. ఈ కార్యక్రమంలో  టిడిపి రాష్ట్ర కార్యదర్శి  బొర్రా నాగరాజు, జిల్లా పరిషత్ మాజీ చైర్మన్ వంజంగి కాంతమ్మ, జిల్లా మాజీ అధికార ప్రతినిధి కొట్టగుళ్ళి సుబ్బారావు , మహిళా ప్రధాన కార్యదర్శి  బొర్రా విజయరాణి , బొడ్డేటి వరలక్ష్మీ, ఉల్లి లక్ష్మయ్య, పొత్తురు రామారావు, శ్యాం సుందర్, చిరంజీవి, పరశ్ రాము  అధిక సంఖ్యలో కార్యకర్తలు పాల్గొన్నారు.

పాడేరు మండలం మినుములూరు పీహెచ్సీ  పరిధిలోని  ప్రభుత్వ గిరిజన సంక్షేమ ఆశ్రమ  పాఠశాల (బాలిక) శ్రీకృష్ణ పురం లో చదువుతున్న  విద్యార్థినులకు ఆరోగ్య పరీక్షలు  నిర్వహించినట్టు పాడేరు అదనపు జిల్లా   వైద్య ఆరోగ్య శాఖ అధికారి డా. కె లీలాప్రసాద్ తెలియజేసా రు.   జిల్లా ఆసుపత్రి వైద్యాధికారులు, ప్రాధమిక ఆరోగ్య కేంద్రం మినుములూరు సిబ్బంది 617 మంది విద్యార్థినులలో 603 మందికి వైద్య పరీక్షలు నిర్వహించారు.  వీరిలో 32 మంది రక్తహీనత, చర్మ వ్యాధులు, దగ్గు, తక్కువబరువు, కంటి చూపు మరియు చెవి, దంత సమస్యలు  మున్నగు వ్యాధులతో బాధపడుతున్న వారికి పరీక్షించి ఉచితంగా మందులు ఇవ్వడం జరిగిందని 4 మంది విద్యార్థినులకు ఇతర పరీక్షల కొరకు జిల్లా ఆసుపత్రి పాడేరులో తరలించి తదుపరి పరీక్షలు చేయనున్నట్లు తెలిపారు. అనుమానిత సికిల్ సెల్ అనీమియా కేసులను గుర్తించి తదుపరి పరీక్షల కొరకు జిల్లా ఆసుపత్రి పాడేరు తరలించి తదుపరి నిర్ధారణ పరిక్షలు జరిపించాలని సూచించారు.  వైద్యాధికారులు  క్షేత్ర స్ధాయి  సిబ్బంది శిబిరాల్లో పాల్గొనాలన్నారు. అనంతరం కిచెన్ గదిని పరిశీలించి విద్యార్థులకు అందిస్తున్న ఆహారాన్ని పరిశీలించారు. శిబిరంలో జిల్లా లెప్రసి, ఎయిడ్స్ మరియు టి.బి అధికారి డా. టి.విశ్వేశ్వరరావు గారు,   వైద్యాధికారి డా. కె బాబ్జి, పాడేరు జిల్లా ఆసుపత్రి ఆర్.బి.ఎస్.కె మేనేజర్ కిషోర్,  ఫిజియోథెరిపిస్టు మౌనిక, పాడేరు పి.ఓ డి.టి.టి కార్యాలయ ఆరోగ్య విస్తరణ అధికారి బి లక్ష్మణ్ ,  ప్రభుత్వ గిరిజన సంక్షేమ ఆశ్రమ  (బాలికల) పాఠశాల శ్రీకృష్ణ పురం  ఉపాధ్యాయినులు, ఇతర వైద్య సిబ్బంది  పాల్గొన్నారు.

         పురాణాల ప్ర‌కారం శ్రీ అనంతాళ్వారు సాక్షాత్తు ఆదిశేషుని రూపంగా మరో శ్రీవైష్ణవ భక్తాగ్రేశ్వరుడు శ్రీరామానుజాచార్యులతో కలిసి అవిర్భవించినట్లు తెలుస్తోంది. అంతేకాకుండా రామానుజాచార్యుని అభిమతానుసారమే శిష్యుడైన అనంతాళ్వారు తిరుమలకు వేంచేసి స్వామివారి పుష్ప కైంకర్యానికి శ్రీకారం చుట్టినట్లు పురాణ‌ కథనాలు ఉన్నాయి. అందులో భాగంగానే ఒకనాడు అనంతాళ్వారు నిండు గర్భిణియైన తన భార్యతో కలిసి స్వామివారి ఆలయం చెంత ఒక పూలతోటను ఏర్పాటు చేస్తుండగా బాలుని రూపంలో సాక్షాత్తు వేంకటేశ్వరస్వామి ప్రత్యక్షమయ్యాడు. తాను కాదన్నా తన భార్యకు పనులలో చేదోడువాదోడుగా ఉద్యానవన నిర్మాణంలో సహకరించాడన్న కోపంతో అనంతాళ్వారు ఆ బాలునిపై తన చేతిలో ఉన్న గునపాన్ని విసిరాడు. 

మరునాడు స్వామివారి మూలవిరాట్టు చుబుకం నుండి రక్తస్రావం చూసి తాను చేసిన పొరపాటుకు పశ్చాత్తాపం చెందాడు. వెంటనే స్వామివారి గాయానికి కర్పూరపు ముద్దను అంటించి తన అపారభక్తిని చాటుకున్నాడు. తద్వారా శ్రీవేంకటేశ్వరస్వామివారి కృపకు పాత్రుడయ్యాడు. నేటికీ స్వామివారి చుబుకానికి కర్పూరాన్ని అంటించడం అనంతాళ్వారు దివ్యగాథను స్ఫురింపచేస్తుంది. అదే విధంగా నేటికీ మహాద్వారం చెంత అనంతాళ్వారు స్వామివారిపై విసిరిన గునపం కూడా భక్తులకు దర్శనమిస్తోంది.