సీజనల్ వ్యాధుల పట్ల అప్రమత్తంగా ఉండాలని సీతంపేట ఐటిడిఏ ప్రాజెక్టు అధికారి బి.నవ్య వైద్యులను ఆదేశించారు. పాలకొండ ఏరియా హాస్పిటల్ ని ఐటీడీఏ పీఒ నవ్య మంగళ వారం ఆకస్మికంగా తనిఖీ చేశారు. వైద్యం అందిస్తున్న తీరు ముఖ్యంగా పేదలకు వైద్యం అందుతున్న తీరును ఆరాతీశారు. సీజనల్ వ్యాధుల పట్ల అప్రమత్తంగా ఉండాలని వైద్యులకు ఆదేశించారు. మలేరియా, టైఫాయిడ్, అతిసార, డెంగ్యూ కేసులు అధికంగా వచ్చే ప్రమాదం ఉందని ఆమె పేర్కొన్నారు. సీజనల్ వ్యాధులకు చికిత్స అందించడం కోసం అవసరమగు మందులు సిద్ధం చేయాలని ఆమె సూచించారు. దోమలు వ్యాప్తి కాకుండా చర్యలు తీసుకోవాలని ఆమె ఆదేశించారు. దోమల నివారణకు స్ప్రేయింగ్ పక్కాగా జరగాలని, దోమ తెరలు వినియోగించాలని ఆమె పేర్కొన్నారు. మునిసిపాలిటి, గ్రామాల్లో పారిశుధ్య నిర్వహణ పక్కాగా ఉండాలని ఎటువంటి నిర్లక్ష్యం ఉండరాదని ఆమె ఆదేశించారు. తాగు నీటి వసతులను క్లోరినేషన్ చేయాలని సూచించారు.

 సచివాలయం సిబ్బంది తమ పరిధిలో పారిశుధ్యం, క్లోరినేషన్, దోమల నివారణ, త్రాగు నీరు, ఆహార పదార్థాల వినియోగం తదితర అంశాలపై దృష్టి సారించాలని ఆదేశించారు. రానున్న మూడు నెలలు అప్రమత్తంగా ఉండాలని పేర్కొన్నారు.  పాలకొండ నగర పంచాయతీ పరిధిలో లంబూరు జగనన్న హౌసింగ్ ఇళ్ళను ప్రాజెక్టు అధికారి పరిశీలించారు. నిర్మాణాలు వేగవంతం చేయాలని  పాలకొండ నగర పంచాయతీ కమిషనర్  రామారావును ఆదేశించారు. హౌసింగ్ బిల్లులు అందించాలని ఆదేశాలు జారీ జేశారు.  నగర పంచాయతీ కమిషనర్ రామారావు మాట్లాడుతూ  ప్రతి వార్డు లో పర్యటించి  ఇళ్ల నిర్మాణాలు  పూర్తి చేస్తామని తెలిపారు. ఈ కార్యక్రమంలో ఆసుపత్రి సూపరింటెండెంట్ జె. రవీంద్ర కుమార్, తదితరులు పాల్గొన్నారు

ఈ పునరావాస కేంద్రాల ఏర్పాట్లలో అధికారులతో పాటు ప్రజా ప్రతినిధులు, సచివాలయ వాలంటీర్ వ్యవస్థలు మెరుగైన పనితీరు చూపుతున్నారని మాధవీలత పేర్కొన్నారు. వరదల సమయంలో వాలంటీర్లు పనితీరును కలెక్టర్ ప్రశంసించడం జరిగింది. పునరావాస కేంద్రాలకు ప్రజలను తరలించడం, గోదావరి గట్లు తెగిపోకుండా చూడడంలో, సమాచార లోపం రాకుండా అధికారులతో సమన్వయం తో చక్కటి పనితీరు చూపినట్లు పేర్కొన్నారు. నిర్వాసితులతో కలెక్టర్ మాట్లాడుతూ పునరావాస కేంద్రాలలో అందుతున్న సౌకర్యాల పై ఆరా తీసి, వారితో కలిసి కలెక్టర్, రూడా చైర్ పర్సన్ లు  భోజనం చేశారు. ఏర్పాట్ల పట్ల నిర్వాసితులు సంతృప్తి వ్యక్తం చేశారు. ఈ సందర్భంగా జిల్లా కలెక్టర్ పునరావాస కేంద్రంలో ఉన్న నిర్వాసితులకు నిత్యవసర వస్తువులు నగదు పంపిణీ చేశారు. కలెక్టర్ వెంట ఎంపీడీఓ రత్నకుమారి, తదితరులు ఉన్నారు.

జిల్లా జాయింటు కలెక్టరు జె వి మురళి మాట్లాడుతూ అధికారులు, వరద బాధితులకు ప్రభుత్వం అందిస్తున్న సహాయం ప్రతి ఒక్క లబ్ధిదారులకు చేరే విధంగా చర్యలు చేపట్టామని తెలిపారు. అతి తక్కువ సమయంలో వారికి చేరుకుంటాయి అన్నారు. వీఆర్వోలు , పంచాయతీ సెక్రటరీ తది తర సిబ్బంది అందరూ గ్రామాల్లో ,పునరావాస కేంద్రాల్లో ఉండి ప్రజలను అప్రమత్తం చేస్తున్నారన్నారు.శానిటేషన్  ,డ్రింకింగ్ వాటర్ , వైద్యంపై ఎక్కువ దృష్టి పెట్టడం జరుగుతుందని ఆయన అన్నారు. మండలాలలో, గ్రామాలలో ఏదైనా సమస్య వచ్చినట్లయితే జిల్లా కేంద్రంలో ఏర్పాటు చేసిన కమాండ్ కంట్రోల్ నెంబరు 08816299189  కి ఫోన్ చేసి తెలియజేయాలని ఆయన కోరారు.గోదావరి ఏటు గట్లు బలహీనంగా ఉన్నవి గుర్తించి వాటిని పటిష్ట పరిచామని ఎవరూ భయంందోళన చెందనవసరం లేదని, ప్రజలంతా  అధికారులు సూచనలు సలహాలు పాటించాలని  జిల్లా జాయింటు కలెక్టరు జె వి మురళి కోరారు. ఈ పర్యటనలో నరసాపురం సబ్ కలెక్టరు సి. విష్ణు చరణ్, భీమవరం ఆర్ డి వో  దాసి రాజు, మున్సిపల్ చైర్పర్సన్  బర్రి. శ్రీవెంకట రమణ, తహశీల్దారు యస్ యం ఫాజిల్, కౌన్సిలరు సిర్రా.కాంతమ్మ, దొంగ మురళి కృష్ణ , తది తర వార్డు కౌన్సిలర్స్, తదితరులు పాల్గొన్నారు.

ఈ నాలుగు మండలాల్లోని  ప్రతి గ్రామంలో త్రాగునీరు ఏర్పాటు చేయడం  జరుగిందని పేర్కొన్నారు, అదేవిధంగా ప్రతి గ్రామంలో బోర్లు మరమ్మతులను  వెంటనే చేపట్టాలని సంబంధిత అధికారులను ప్రత్యేక అధికారి ఆదేశించారు.  ముంపునకు గురైన అన్ని గ్రామాలలో అంటువ్యాధులు ప్రబలకుండా  తగు చర్యలు తీసుకోవాలని,  మండల కేంద్రాల్లో 104 వాహనం ద్వారా వైద్య సేవలు అందించాలని ఆదేశించారు. అదేవిధంగా ముంపునకు గురైన అన్ని గ్రామా సచివాలయాలలో ఒక షెడ్యూల్ తయారుచేసి ఆ షెడ్యూల్ ప్రకారం వరద బాధితులకు వైద్య సేవలు అందించాలని సంబంధిత అధికారులను ప్రత్యేక అధికారి ఆదేశించారు. వరద పరివాహక ప్రాంతాలలో ఉన్న ప్రాథమిక ఆరోగ్య కేంద్రాలకు సంబంధించిన వైద్యాధికారులు అవసరమైన మందులను సిద్ధం చేసుకోవాలని  సంబంధిత అధికారులను ఆదేశించారు.  వరద ప్రాంతాల్లో ప్రత్యేక వైద్య సేవలు అందించేందుకు పదిమంది వైద్యాధికారులు అవసరం ఉందని డిఎంహెచ్ఓ  ప్రత్యేక అధికారి దృష్టికి తీసుకు వచ్చారు. వరద పరివాహ ప్రాంతాలలో ఎన్ని శాటిలైట్ ఫోన్లు ఉపయోగించుచున్నది ఆరా తీశారు. ఎన్ డి ఆర్ ఎఫ్, ఎస్డిఆర్ఎఫ్, ఫైర్ సర్వీస్ శాఖల ద్వారా  వరదలు తగ్గిన వెంటనే రాకపోకలకు ఇబ్బంది లేకుండా రోడ్లుఫై ఉన్న మట్టిని, బురదని, తొలగించే విధంగా చర్యలు తీసుకోవాలని సంబంధిత అధికారులను  ఆదేశించారు. అదేవిధంగా వరద బాధితులకు సహాయ సహకార అందించేందుకు వివిధ ప్రాంతాల నుంచి వచ్చే అధికారులకు గదికి 20 బెడ్లు చొప్పున ఏర్పాటు చేయాలని   ఆదేశించారు. 

    ఈ సమావేశంలో సూపరిండెంట్ ఆఫ్ పోలీస్ సతీష్  కుమార్, ప్రకాశం జిల్లా జాయింట్ కలెక్టర్ అభిషేక్ కిషోర్, చింతూరు ఐటిడిఎ ప్రాజెక్టు అధికారి, రామశేషు,  డిఆర్ఓ బి దయానిధి, జిల్లా పంచాయతీ అధికారులు టి కొండల రావు, కాకినాడ డిపిఓ నాగేశ్వరరావు నాయక్, అదనపు డిఎంహెచ్వో పుల్లయ్య, గ్రామీణ నీటిపారుదల శాఖ ఇంజనీర్లు, చింతూరు తాసిల్దార్ రాధాకృష్ణ, తదితరులు పాల్గొన్నారు.                                 

 వై ఎస్ ఆర్ సామాజిక భద్రత పెన్షన్ పథకం కింద జిల్లాలో కొత్తగా 12,997 మందిని గుర్తించి మంజూరు చెయ్యడం జరిగిందని తెలిపారు. అదేవిధంగా 479 మందికి సివిల్ సప్లై శాఖ ద్వారా బియ్యం  కార్డులను,  వై ఎస్ ఆర్ ఆరోగ్యశ్రీ కార్డులను  కొత్తగా ఇస్తున్నట్లు కలెక్టర్ తెలిపారు. జిల్లాలో కొత్తగా 1697 మంది తల్లులకు అమ్మఒడి మంజూరు చేశామన్నారు. జిల్లాలో జగనన్న తోడు, వై ఎస్ ఆర్ చేయూత, ఆసరా, సున్న వడ్డీ కింద సుమారు 19 వేలకు పైగా లబ్దిదారులకు ప్రయోజనం కలుగుతుందన్నారు. సాంకేతిక కారణాల వలన, తదితర కారణాల వల్ల అర్హులకు పథకాలు పొందకుండా ఉన్నట్లు గుర్తించామని తెలిపారు.  ఇంకా అర్హులు ఉండి సంక్షేమ పథకాలు, రేషన్ కార్డులు, తదితర పథకాలు రాకపోతే సంబంధించి వాలంటీర్ ద్వారా తిరిగి ధరఖాస్తు చేసుకోవాలని మాధవీలత సూచించారు. వారి సమస్యను పరిశీలించి, పరిష్కారం చేసి, ప్రతి ఆరునెలల కి ఒకసారి ఇస్తున్నట్లు చెప్పారు. కార్యక్రమంలో భాగంగా 12997 మందికి వై ఎస్ ఆర్ పెన్షన్ కానుకగా రూ 3,24,92,500/- మెప్మా ద్వారా బ్యాంకు రుణాలు 757 గ్రూపులకు రూ.29,91,796/-,  479 మందికి కొత్త రేషన్ కార్డులు అందచేశారు.                                    

తూర్పుగోదావరి జిల్లాలో కురుస్తున్న వర్షాలకు స్థానిక ఆర్యపురం, తుమ్మలావ వంటి లోతట్టు ప్రాంతాలు జలమయం అయిన ప్రాంతాల్లో కమీషనర్ కె.దినేష్ కుమార్ ,ఇంజినీరింగ్ అధికారులు సోమవారం ఉదయం పర్యటించారు. ఈ సమస్యకు పరిష్కారం దిశ గా యుద్ధప్రాతిపదికన నగరపాలక సంస్థ చర్యలు చేపట్టినట్టు కమీషనర్ కె. దినేష్ కుమార్ తెలిపారు. 250 హార్స్ పవర్ మోటార్ ను నల్లా ఛానెల్ వద్ద ఏర్పాటు చేసి ఎప్పటికప్పుడు మురుగు నీటిని పంపింగ్ చేయాలని అధికారులను ఆయన ఆదేశించారు. నల్లా ఛానెల్ దగ్గర లో ఉన్న ఎ. బి. నాగేశ్వర రావు పార్క్ ను అత్యవసర సమయం లో రిజర్వాయర్ గా ఉపయోగించాలని సూచించారు.  వరద నీరు తగ్గిన వెంటనే పేరుకుపోయిన బురద, మురుగు ను ఎప్పటికప్పుడు తొలగించాలన్నారు. అనంతరం అంటూ వ్యాధులు ప్రబలకుండా  శానిటేషన్ సిబ్బంది బ్లీచింగ్ చల్లాలని ఆదేశించారు. వరద ఉధృతి తగ్గే వరకూ ప్రత్యేక సిబ్బంది ని ఈ ప్రాంతంలో నియమిస్తున్నట్టు కమీషనర్ తెలిపారు. కమీషనర్ వెంట ఎస్ ఈ పాండు రంగారావు, ఎమ్ హెచ్ ఓ వినూత్న, ఇతర ఇంజినీరింగ్ అధికారులు, సిబ్బంది పాల్గొన్నారు.

వరదల వల్ల ధవలేశ్వరం దగ్గర 27 లక్షల క్యూసెక్కులు నీరు రావడం వల్ల పశ్చిమగోదావరి జిల్లా లో మూడు మండలాలలోని 28 గ్రామాలకు ప్రభావం చూపిందని ఈ గ్రామాలలోని ప్రజలను 30 పునరావాస కేంద్రాలు ఏర్పాటు చేసి పునరావాస కేంద్రాలకు తరలించడం జరిగిందని ఆంధ్ర ప్రదేశ్ ప్రభుత్వ  కమిషనర్ అండ్ డైరెక్టర్ మున్సిపల్ అడ్మినిస్ట్రేషన్ , వరద  ఉపశమనం పునరావాస ప్రత్యేక అధికారి  ప్రవీణ్ కుమార్  తెలిపారు.  సోమవారం నరసాపురం సబ్ కలెక్టర్ కార్యాలయంలో నిర్వహించిన పత్రికా విలేకరుల సమావేశంలో ఆయన మాట్లాడుతూ జిల్లాలో  వరద ప్రభావిత గ్రామాలలోని ప్రజల  కోసం 30 పునరావాస కేంద్రాలను ఏర్పాటు చేయడం జరిగిందని ,  పునరావాస కేంద్రాలకు ప్రజలను  తరలించడం జరిగిందని , పునరావాస కేంద్రాలకు రానివారందరికి  ఆ గ్రామాలలోని టిఫిన్ , మధ్యాహ్న భోజనం  ,రాత్రి భోజనం,  మంచినీరు ,  నిత్యవసర వస్తువులు 25 కేజీల బియ్యం , ఒక కేజీ కందిపప్పు ,  ఒక కేజీ ఆయిల్ , కేజీ టమాట , కేజీ ఉల్లిపాయలు అందించడం జరుగుతుందని ఆయన తెలిపారు.  ప్రస్తుతం వరద స్థాయి తగ్గుతున్నందున గ్రామాలలో అంటువ్యాధులు ప్రభలే అవకాశం ఉన్నందున వచ్చే 48 గంటల్లో ప్రత్యేకమైన  పరిశుద్య కార్యక్రమాలు , హెల్త్ క్యాంపులు నిర్వహించి గ్రామాలలోని మంచినీరు ట్యాంకులను శుభ్రం చేయడం , స్వచ్ఛమైన మంచినీరు అందించేందుకు ప్రణాళిక రూపొందించడం జరిగిందని ఆయన తెలిపారు. 

   వరద ప్రభావ ప్రాంతాలలోని ప్రతి కుటుంబానికి  రెండు వేల రూపాయలు చొప్పున వారి అకౌంట్లోకి జమ చేయడం జరుగుతుందని ఆయన తెలిపారు. జిల్లా యంత్రాంగం అంతా ఇక్కడే వరద ప్రభావాన్ని ఎదుర్కొనేందుకు నిమగ్నమై ఉన్నదని ఆయన తెలిపారు.  పునరావాస కేంద్రాలలో ఎటువంటి ఇబ్బంది లేకుండా అన్నీ వసతులు సమకూర్చడం జరిగిందని తెలిపారు.పొన్నపల్లి లో ఏటిగట్టు కోతకు గురవుతున్నందున  దానిని పటిష్ట పరిచేందుకు   ప్రణాళిక రూపొందించడం జరిగిందని , దానికి అంచనాలతో రూపొందించడం జరిగిందని ఆయన తెలిపారు. వాటర్ ట్యాంకులు కూడా పెట్రోలింగ్ చేయడం జరుగుతుందని, వచ్చే ఐదు రోజులు పునరావాస కార్యక్రమాలు ఏర్పాటు చేయడం జరుగుతుందని ఆయన తెలిపారు. రెండు , మూడు రోజులు ప్రజలు కూడా సహనంతో ఉండి జిల్లా యంత్రాంగానికి సహకరించాలని ఆయన కోరారు.  వరద పనులకు రాష్ట్ర ముఖ్యమంత్రి గారిని రెండు కోట్ల రూపాయలు అదనంగా కలెక్టర్ గారు అడిగారాని  వేను వెంటనే  ముఖ్య మంత్రి  రూ.  2 కోట్లు  మంజూరు ఉత్తర్వులు జారీ చేశారని ప్రవీణ్ కుమార్ తెలిపారు.

జిల్లా కలెక్టర్ శ్రీమతి పి. ప్రశాంతి మాట్లాడుతూ జిల్లాలోని యలమంచిలి, ఆచంట, నరసాపురం మండలంలోని 28 లంక గ్రామాల ప్రజలను పునరావాస కేంద్రాలను తరలించడం జరిగింది వారికి అవసరమైన పాలు ,  మంచినీరు , బిస్కెట్లు  భోజనం   ఇంటి వద్ద ఉన్న వారికి కూడా అందించడం జరుగుతుందని ఆమె తెలిపారు. జిల్లాలో 38 ప్రాంతాలలో గట్లు బలహీనంగా  ఉన్నట్లు గుర్తించి వాటిని పటిష్ఠం చేయడం జరిగిందని కలెక్టర్ తెలిపారు.అయా ప్రాంతాల్లో ఉన్న వారందరినీ పునరావాస కేంద్రాలకు తరలించడం జరిగిందని కలెక్టర్ అన్నారు. వీఆర్వోలు , పంచాయతీ సెక్రటరీ తది తర సిబ్బంది అందరూ గ్రామాల్లో ఉండి ప్రజలను అప్రమత్తం చేస్తూ  సమాచారం  జిల్లాలోని కంట్రోల్ రూమ్ కు తెలియజేయడం జరుగుతుందని, అక్కడ నుండి మానిటర్ చేసి అన్ని వసతులు సమకూర్చడం జరుగుతుందని ఆమె తెలిపారు. వచ్చే 48 గంటల్లో సానిటేషన్  ,డ్రింకింగ్ వాటర్ , వైద్యంపై ఎక్కువ దృష్టి పెట్టడం జరుగుతుందని కలెక్టర్ వివరించారు. మండలాలలో, గ్రామాలలో ఏదైనా సమస్య వచ్చినట్లయితే జిల్లా కేంద్రంలో ఏర్పాటు చేసిన కమాండ్ కంట్రోల్ నెంబరు 08816299189  కి ఫోన్ చేసి తెలియజేయాలని కలెక్టరు  పి.ప్రశాంతి తెలిపారు. ఈ పత్రిక విలేకరుల సమావేశంలో జిల్లా జాయింట్ కలెక్టరు జె వి మురళి తదితరులు పాల్గొన్నారు.

వీటితోపాటు పశువులకు మేతకు సంబంధించి ఆచంట మండలంలో 2,955 పశువులకు 33 టన్నుల పశుగ్రాసం, యలమంచిలి మండలంలో 2,606 పశువులకు 78.5 టన్నులు , నరసాపురం మండలంలో 116 పశువులకు  3.45 టన్నుల పశుగ్రాసం , పెనుగొండ మండలంలో 647 పశువులకు 18 టన్నుల పశుగ్రాసం పంపిణీ చేయడం జరిగిందని మొత్తం 6,324  పశువులకు 132.95 టన్నుల పశుగ్రాసం అందజేయడం జరిగిందని ఆమె తెలిపారు.  వరద ముంపు గ్రామాల ప్రజలను తరలించేందుకు 75 బోట్లను,134 మంది గజఈ తగాళ్లను సిద్దంగా ఉంచడం జరిగిందని, దీనిలో  యలమంచిలి మండలం కనకాల లంకలో 15 బోట్లు, 30 మంది గజ ఈ తగాళ్ళు,  పెదలంకలో 5 బోట్లు,  10 మంది గజ ఈతగాళ్ళు ,  ఎలమంచిలి లంకలో 7 బోట్లు 14 మంది గజఈతగాళ్లు ,  దొడ్డిపట్లలో 2 బోట్లు 4గజ ఈతగాళ్ళు ,  లక్ష్మీపాలెంలో 3  బోట్లు 6 గజఈతగాళ్ళు ,  గంగడ పాలెం లో 1 బోటు 2 గజఈతగాళ్ళు , వైబి లంక బడవలో 7 బోట్లు 14 మంది గజ ఈతగాళ్లు,  ఆచంట మండలంలోని బడ్డేవారి పేటలో  2 బోట్లు నలుగురు గజ ఈతగాళ్ళు,  పల్లెపాలెంలో 6 బోట్లు 12 మంది గజ ఈతగాళ్ళు , మర్రి మూల గ్రామంలో 3  బోట్లు 6 గజ ఈతగాళ్ళు, పుచ్చలంకలో 6 బోట్లు 12 మంది గజ ఈతగాళ్లు,  అయోధ్య లంకలో 6 బోట్లు 12 మంది గజ ఈతగాళ్ళు , కోడేరు లంక పల్లిపాలెంలో 2  బోట్లు, 4 గజ ఈతగాళ్లు ,  పెదమల్లం లంకలో 2 బోట్లు, 4 గజ ఈతగాళ్ళు ను ఏర్పాటు చేయడం జరిగిందని,  వీటితో పాటు మరో 8 బొట్లు అదనంగా అవసరమైనచోట్లకు పంపించేందుకు సిద్ధంగా ఉంచడం జరిగిందని కలెక్టర్ తెలిపారు. ప్రజలకు  ఎటువంటి ఇబ్బంది కలగకుండా అన్ని చర్యలు తీసుకున్నామని ఆమె వివరించారు.