తూర్పుగోదావరి జిల్లాలోని కొవ్వూరు మండలం మద్దూరులంక గ్రామంలో శనివారం ఉదయం  పునరావాస చర్యలు ప్రత్యేక అధికారి హెచ్. అరుణ్ కుమార్, జిల్లా కలెక్టర్ డా. కె. మాధవీలత లు పర్యటించారు. ఈ సందర్భంగా ప్రత్యేక అధికారి హెచ్ అరుణ్ కుమార్ గ్రామస్థులతో మాట్లాడుతూ, 1986 నాటి వరదల పరిస్థితి, ప్రస్తుతం వస్తున్న వరదల పరిస్థితి లో చాలా వ్యత్యాసం ఉందన్నారు. అప్పుడు గోదావరి నదికి రక్షణ గట్లు లేవని, అందువల్ల వొచ్చిన వరదనీరు విస్తరించడం వలన ఎత్తు పెరిగిన సందర్భం చూడలేదని తెలిపారు. ఇప్పుడు నదికి బండ్ల ఏర్పాటు చెయ్యడం తో వరద నీరు వొచ్చే దిశాలో మార్పు వచ్చిందని తెలిపారు. ఇందువల్ల గ్రామంలోకి వరదనీరు వొచ్చే అవకాశం ఉందని తెలుస్తోందన్నారు.  ఈ కారణాలను ద్రుష్టిలో పెట్టుకుని వరద బాధిత ప్రాంతాల ప్రజలు తప్పకుండా పునరావాస కేంద్రాలకు తరలి వెళ్ళాలని కోరారు. జిల్లా కలెక్టర్ మాధవీలత మాట్లాడుతూ నిన్నటి రోజున మద్దూరులంక గ్రామంలో పర్యటించి ప్రజలను పునరావాస కేంద్రాలకు తరలి రావాలని కోరినా స్పందన రావడం లేదని తెలిపారు. ఈ సందర్భంగా బోట్ ద్వారా ఇంటింటికీ వెళుతూ  మీరు పునరావాస కేంద్రాలకు రావాలని ప్రజకు విజ్ఞప్తి చేశారు. సాయంత్రానికి మరో నాలుగు అడుగులు నీటి మట్టం పెరిగి మీ ఇంటిలోకి వొచ్చే అవకాశం ఉందని తెలిపారు. వరద నీటిని తక్కువ అంచనా వెయ్యవద్దని, తప్పనిసరిగా పునరావాస కేంద్రాలకు వొచ్చి తగిన భద్రత పొందాలని సూచించారు. 

పునరావాస కేంద్రాలలో భోజన వసతి, దుప్పట్లు, ఇతర మౌలిక సదుపాయాలు అందుబాటులో ఉన్నాయని అన్నారు. పై రాష్ట్రల నుంచి, పై ప్రాంతాల నుంచి పోలవరం ప్రాజెక్టును, అక్కడి మన ప్రాంతానికి వరద నీరు చేరడంతో నానాటికీ పరిస్థితి కొంత ఆందోళన కలిగించేలా ఉందన్నారు. ఎప్పటి కప్పుడు వరద నీరు విడుదలచేస్తున్నట్ట్టూ తెలిపారు. ప్రత్యేక అధికారి హెచ్.అరుణ్ కుమార్, జిల్లా కలెక్టర్ మాధవీలత బోట్ లో ప్రయాణం చేసి మద్దూరులంక గ్రామ ప్రజలు పునరావస కేంద్రాలకు తరలిరావాలని  విజ్ఞప్తి చేశారు.

అన్ని స్థాయిల పాఠశాలల్లో ఫీజు వివరాలు ముఖ్యంగా సామాన్య ప్రజానీకానికి తెలియజేయాల్సిన ఆవశ్యకత,భాధ్యత ఆయా పాఠశాలల యాజమాన్యాలపై ఉందని అన్నారు, జిల్లాలోని అన్ని పాఠశాలలను తక్షణమే తనిఖీలు చేపట్టి ఫీజుల వివరాలు అతికించేలా విద్యా శాఖాధికారి చర్యలు చేపట్టాలని సూచించారు, పాఠశాలల్లో సదుపాయాలు కల్పనకు ఆయా యాజమాన్యాలు చేపడుతున్న చర్యలపై తమ కమిషన్ కు నివేదిక సమర్పించాలని ఆదేశించారు, ప్రైవేటు,కార్పొరేటు స్కూళ్ళు,కాలేజీలపై వచ్చే అన్ని రకాల ఫిర్యాదులపై కమిషన్ చైర్ పర్సన్ కేసలి అప్పారావు సారథ్యంలో స్పందించి ఆయా జిల్లాల అధికార యంత్రాంగాల నుండి పూర్తి సమాచారం సేకరిస్తుందని అన్నారు, ఇటువంటి వాటిపై  ప్రతికూల నివేదికలు అందితే ఆయా పాఠశాలల,కళాశాలల అనుమతులు రద్దు చేయించేందుకు,బాలల హక్కుల పరిరక్షణ చట్టాలకు అనుగుణంగా వివిధ సెక్షన్ల ద్వారా కేసులు నమోదు చేసేలా సంభందిత శాఖల అధికారులకు ఆదేశాలు జారీ చేసేందుకు సిద్ధంగా ఉన్నామని స్పష్టం చేశారు,అంతిమంగా బాలలు,వారి తల్లిదండ్రులే  విజయం సాధించడంలో కమిషన్ చట్టబద్ధమైన కీలక పాత్ర పోషిస్తుందని అన్నారు.

జిల్లా పోలీసు ఎస్పీ జి.ఆర్.రాధికతో  బాలల హక్కుల పరిరక్షణ కమిషన్ సభ్యులు సీతారాం ఆమె కార్యాలయంలో భేటీ అయ్యారు,చైల్డ్ మిస్సింగ్ కేసులు,బాలల అక్రమ రవాణా బాల్యవివాహాలు,పోక్సో కేసులపైన చర్చించారు,బాలల చట్టాలపై పోలీసు సిబ్బందికి తరచూ సదస్సులు సమావేశాలు నిర్వహించాలని సూచించారు,జిల్లాను శత శాతం బాలల హక్కుల పరిరక్షణ జిల్లాగా తీర్చిదిద్దేందుకు పోలీసు శాఖ పూర్తి స్థాయిలో సహకరించాలని సూచించారు. జిల్లా జాయింట్ కలెక్టర్ విజయ సునీతతో బాలల హక్కుల పరిరక్షణ కమిషన్ సభ్యులు సీతారాం, జిల్లా విద్యాశాఖాధికారి జి. పగాడాలమ్మ , ఐ సి డిఎస్ పి డి అనంతలక్ష్మి,జిల్లా చైల్డ్ వెల్ఫేర్ కమిటీ ఛైర్మెన్ యు. శ్రీలక్ష్మి,సభ్యులు రమణ మూర్తి,గన్నెప్పడు,జిల్లా బాలల సంరక్షణ అధికారి రమణ లు భేటీ అయ్యారు,జిల్లాలో బాలల ప్రత్యేక హోమ్ ఏర్పాటుకు చర్యలు చేపట్టాలని కోరారు.అలాగే జిల్లాలో విద్యార్థులు,బాలలు ఎదుర్కొంటున్న వివిధ సమస్యలపై చర్చించారు, నూతన శకానికి ఉపాధ్యాయులు నాంది పలకాలని కమిషన్ సభ్యులు సీతారాం అన్నారు,ఇందిరానగర్ కోలనిలోని సర్వశిక్షా అభియాన్ కార్యాలయం లో జిల్లా విద్యాశాఖాధికారి జి. పగడాలమ్మ ఆధ్వర్యంలో 30 మండలాల విద్యాశాఖాధికారులు సమావేశం నిర్వహించారు. ఈ కార్యక్రమంలో పాల్గొన్న సీతారాం మాట్లాడుతూ కొత్త ప్రైవేటు పాఠశాలలు ఏర్పాటు చేసేటపుడు నూటికి నూరుశాతం అన్ని ధ్రువీకరణలు ఉంటేనే అనుమతులు జారీచేయాలని అన్నారు,అలాగే నిత్యం పాఠశాలలను తనిఖీ చేస్తూ ఫీజులు వివరాలు,ఇతర సదుపాయాలు కల్పించేందుకు  పర్యవేక్షణాధికారులు బాధ్యతగా వ్యవహరించాలని సూచించారు.

కాకినాడ సర్పవరం జంక్షన్ లోని ఫ్రెండ్స్ హెల్పింగ్ హాండ్స్ ఆధ్వర్యంలో అవసరాల సుబ్బారావు -కమల దంపతుల సౌజన్యంతో దివ్యాంగునికి మూడు చక్రాల బండి పంపిణీ జరిగింది. ఈ సందర్భంగా సంస్థ అధ్యక్షురాలు పివి రాజేశ్వరి మాట్లాడుతూ వైకల్యం అనేది శారీరకమైన, మానసికమైన, పరిసరాలు అవరోధాలు అనే బాహ్య కారణాల వలన వస్తుందన్నారు. కుమారపురం గ్రామానికి చెందిన గొల్లపల్లి చంటి రోడ్డు ప్రమాదంలో ఒక కాలు కోల్పోవడంతో దాతల సౌజన్యంతో మూడు చక్రాల బండిని అందజేశామన్నారు. మంచి మనసున్న దాతల ద్వారా ఎందరో నిరుపేదలకు, అభాగ్యులకు సేవలు అందతున్నాయన్నారు. ప్రతీ ఒక్కరూ తమవంతుగా సామాజిక సేవలో పాలుపంచుకోవాలని ఈ సందర్భంగా ఆమె పిలుపునిచ్చారు. ఈ కార్యక్రమంలో గిరిజా నీలిమ, లక్ష్మి, మహేష్, మల్లేష్, సునీల్, మానస, స్వర్ణలత, అడబాల రత్న ప్రసాద్ ,రవిశంకర్ పట్నాయక్, రాజా, రాఘవరావు తదితరులు పాల్గొన్నారు.

జిల్లా కలెక్టర్ పి ప్రశాంతి మాట్లాడుతూ వరద తాకిడికి గురయ్యే ప్రాంతాల్లో విధులను కేటాయించిన అధికారులు ప్రజలకు అందుబాటులో ఉండాలన్నారు.  నిత్యవసర వస్తువులతో పాటు అవసరమైన మందులను కూడా సిద్ధంగా ఉంచాలన్నారు. ఈ పర్యటనలో భీమవరం ఆర్డీవో దాసిరాజు, నీటిపారుదల శాఖ డ్రైనేజీ ఈ ఈ పి.నాగార్జునరావు, తహసిల్దార్ ఫాజిల్, ఎంపీడీవో ఎన్ వి ఎస్ ప్రసాద్ యాదవ్, మున్సిపల్ చైర్ పర్సన్ బర్రె శ్రీ వెంకటరమణ, పురపాలక సంఘ కమిషనర్ సి హెచ్ శ్రీనివాస్,  వివిధ శాఖలు అధికారులు, కౌన్సిలర్స్, సర్పంచులు, తదితరులు వున్నారు.

మానవాళి మనుగడకి ఆహార నియమాలు పాటించడం తప్పనిసరి అని పరమహంస పరివ్రాజకాచార్యులు త్రిదండి దేవనాథ జీయర్ స్వామి తెలియచేసారు. విశాఖపట్నం- భీమిలి బీచ్ రోడ్ లోని మంగమారిపేటలో గల చిన్నజీయర్ స్వామి వేదపాఠశాల ప్రాంగణం (వారిజ ఆశ్రమం) లో చాతుర్మాస్య దీక్ష నిర్వహిస్తున్నారు. ఈ సందర్బంగా గురువారం  భక్తులనుద్దేశించి అనుగ్రహ భాషణం చేసారు. స్వామి మాట్లాడుతూ సాధారణంగా చాతుర్మాస్య దీక్ష ప్రతి ఒక్కరూ నిర్వహించవచ్చని అయితే ప్రస్తుత కాలానుగుణంగా కేవలం యతీశ్వరులు సన్యాసులు పీఠాధిపతులు మాత్రం తప్పకుండా ఈ దీక్షను ఆచరిస్తున్నారన్నారు. వర్షాకాలం కారణంగా జీవచరాలు ఇబ్బంది పడకుండా ఉండేందుకు సంధ్యా సమయం తర్వాత పాదయాత్ర కానీ పర్యటనలు గాని చెయ్యరాదన్నారు. ఆహార నియమాలతో పాటు గ్రంథం పఠనం జరుగుతుందన్నారు. వర్షాకాలంలో వాతావరణ  ప్రభావంతో మనిషి  సాధారణ ఆహారాన్నీ తీసుకోలేడని, తిన్న ఆహారం  జీర్ణం  కావడానికి పరిస్థితి అనుకూలించదన్నారు. ఈ సమయంలో ఆహారపు అలవాట్లను మార్చుకోవడంతో పాటు, నిర్ణీత  సమయంలోనే ఆహారం తీసుకోవడం  అలవాటు  చేసుకోవాలన్నారు.  అలవాటు మారితే ఆలోచనా విధానం కూడా మారుతుందని, తద్వారా మంచి ఆలోచన చేయగలుగుతాడన్నారు. అందుకే ఈ సమయంలో చాతుర్మాస్య   దీక్ష 

లో సైతం  ఒక్కో నెలలో ఒక్క విధమైన ఆహారాన్ని  తీసుకుంటారని పేర్కొన్నారు.  ప్రస్తుత కాలంలో యాంత్రీక  జీవనం వల్ల యువత రాత్రివేళల్లో సరైన నిద్ర లేక, ఉదయం వేళల్లో సరైన ఆహారం లేక చిన్న  వయసులోనే పలు అనారోగ్య సమస్యలతో సతమతమవుతున్నారన్నారు. ఉన్న  సమయంలోనే ఆహారపు అలవాటును సరిదిద్దుకోవాలని స్వామి సూచించారు.