భారత రాజ్యాంగ నిర్మాత, భారతరత్న డాక్టర్ బాబాసాహెబ్ అంబేద్కర్ ఆలోచనా విధానాన్ని తమవంతు సేవ రూపంలో దళిత ఐక్యవేదిక సేవాసంఘం ఆదివారం తమవంతు సహాయాన్ని అందించింది.  శంకవరం మండల కేంద్రంలోని దళితవాడలో కంది కట్ల సుశీలకు చెందిన ఒంటరి మహిళ ఇల్లు 4 నెలల కిందట విద్యుత్ తీగలు తగిలి కాలి బూడిదైపోయింది. అప్పటి నుంచి ఎలాంటి ఆసరా లేని ఆమెకు శంఖవరం దళితవాడ అంబేద్కర్ యూత్, దళిత ప్రజా ఐక్యవేదిక సేవా సంఘం  కమిటీ సభ్యులు చేయూనందించారు. నిలువ నీడలేని పేదరాలికి రేకుల షెడ్డు నిర్మించి అండగా నిలిచారు. ఈ సందర్భంగా బాధితురాలు సుశీల మాట్లాడుతూ, నా అన్న వారే పట్టించుకోని ఈరోజుల్లో  అంబేద్కర్ పేరుతో సహాయ సహకారాలు అందించిన కమిటీ సభ్యుల సహాయాన్ని తాను ఎన్నటికీ మరిపోనని అన్నారు. సంఘం సభ్యులు మాట్లాడుతూ, సంఘటన జరిగిన సమయంలో వీఆర్వో సందర్శించి 25 కేజీల బియ్యం అందజేశారు. రూ.75 వేలు నష్టాన్ని అంచనా వేశారు తప్పితే నేటి వరకూ నష్ట పరిహారం ప్రభుత్వం నుంచి రాలేదని ఆరోపించారు. తక్షణమే ప్రభుత్వం, స్థానిక తహశీల్దార్ స్పందించి ఒంటరి మహిళ సుశీలను ప్రభుత్వ పరంగా ఆదుకోవాలని కోరారు. ఈ కార్యక్రమంలో బందిలి లక్ష్మణరావు, గుణపర్తిఅప్పలస్వామి(అపురూప్), పులి కిషోర్, కొంగు రమేష్, భూర్తి దుర్గాప్రసాద్, బత్తిన తాతాజీ, గుణపర్తి కొండలరావు, కొంకిపూడి అప్పారావు, పులి అంబేద్కర్, అంగులూరి రాజేష్, తదితరులు పాల్గొన్నారు.

 గ్రామ సచివాలయాల నిర్వహణతీరును మరింతగా మెరుగుపర్చాలని జిల్లా కలెక్టరు డి. మురళీధర్‌ రెడ్డి గ్రామ సచివాలయ సిబ్బందిని ఆదేశించారు. గురువారం రామంద్రాపురం మండల పరిధిలోని ఓదూరు, నరసాపురపుపేట గ్రామాలలోని   గ్రామ సచివాలయాలను ఆకస్మికంగా సందర్శించి పనితీరును పర్యవేక్షించారు. ఈ సందర్బంగా ఆయన మాట్లాడుతూ గ్రామ సచివాలయాలలో నవరత్నాలు వివిధ సంక్షేమ పధకాలకు సంబందించిన గోడ పత్రికలు, ప్రదర్శన బోర్డులులో  ఏవిధంగా ఆయా పధకాలను వినియోగించుకోవాలన్న వివరాలు స్పష్టంగా ఉండేలా తగు చర్యలు తీసుకోవాలన్నారు. అన్ని పధకాలకు సంబందించిన వివరాలు ప్రదర్శింపజేయాలని ఆదేశించారు. సర్వీసు రిక్వస్టులు గడువు దాటకుండా నిర్దేశిత కాలవ్యవధిలోని పరిష్కరించాలని ఆదేశించారు. ఆయన తనఖీలో కొన్ని సర్వీసులు పెండిరగు ఉండటాన్ని గమనించి వెంటనే వాటిపరిష్కారానికై ఆయా శాఖలకు నివేదించి పరిష్కరించాలని సిబ్బందిని ఆదేశించారు. ప్రతి అర్జీని క్రమపద్దతిలో తీసుకోవడంతోపాటుగా వాటి పరిష్కారానికి అదేవిధంగా సకాలములో చర్యలు తీసుకుంటూ విధేయతతో పనిచేస్తూ  ప్రభుత్వ పనితీరు పట్ల విశ్వసనీయతను పెంపొందించాలని ఆయన  సూచించారు. గ్రామాబివృద్దిని సాధించడానికి ప్రజల జీవన విధానాలను పెంపొందించడానికి ప్రతి కుటుంబానికి సంక్షేమ పధకాల లబ్దిని  చేకూర్చేందుకు రాష్ట్ర ప్రభుత్వం సచివాలయ వ్యవస్దను అందుబాటులోనికి తెచ్చిందని  ప్రభుత్వ పాలనను ప్రజలకు చేర్చేందుకు సచివాలయాలు ఆవిర్బవించాయన్నారు. గాంధీ కలల సాకారమే రాష్ట్ర ప్రభుత్వ సంకల్పమని ఆదిశగా ఆవిర్బవించినవే గ్రామ, వార్డు సచివాలయాలు అన్నారు. గ్రామ సచివాలయ వ్యవస్ద ప్రజలకు చేరువగా ఉంటూ ప్రజావసరాలను సమస్యలను తెలుసుకుంటూ కావాల్సిన కనీస సేవలను అందించి వారి అభ్యున్నతికి పాటుపడాలని సూచించారు.  ఈ కార్యక్రమంలో ఆర్‌.డి.ఓ కుమారి పి. సింధు సుబ్రహ్మణ్యం, మండల తాహసిల్దారు పి. తేజోశ్వరరావు, మండల పరిషత్‌ అభివృద్ది అధికారి నాగేశ్వర శర్మ తదితరులు పాల్గొన్నారు.  

విశాఖజిల్లాలోని సబ్బవరం తవ్వవానిపాలెంలో పొనిపిరెడ్డి సత్యన్నారాయణ మాస్టారు ఉద్యోగ విరమణ కార్యక్రమం ఘనంగా నిర్వహించారు. ఈ సందర్భంగా సహచర ఉపాధ్యాయులు మాట్లాడుతూ, సత్య మాస్టారి సేవలు విద్యార్థులు, ఉపాధ్యాయులు ఎన్నటికీ మరిచిపోలేరని అన్నారు. ఉపాధ్యాయులు మాట్లాడుతూ,  దేశ అభివృద్ధికి  విద్య ఎంతో అవసరమని భావించి ఎంతోమంది విద్యార్థులు భావిభారత పౌరులుగా తీర్చి దిద్దిన ఘనత మాస్టారికే దక్కుతుందన్నారు.1996 వా సంవత్సరంలో  ప్రభుత్వ  ఉపాధ్యాయు వృత్తిని చేపట్టి ఎంతో మందికి విద్యాబుద్ధులు నేర్పారని కొనియాడారు.   అంతే కాకుండా మాస్టారు  విద్యార్థులకు,  వయోజనులకు ఉచిత యోగా శిక్షణ కేంద్రాన్ని స్థాపించి తద్వారా వారి ఆరోగ్యానికి బాటలు వేస్తున్నారన్నారు. ఈ కార్యక్రమంలో ఉపాధ్యాయులు, మాస్టారి కుటుంబ సభ్యులు, విద్యార్ధులు పాల్గొన్నారు.

తూర్పుగోదావరి జిల్లాలో దిశ యాప్ రిజిస్ట్రేషన్లలో శంఖవరం మొదటిస్థానంలో నిలబ డేవిధంగా వాలంటీర్లంతా దిశ యాప్ అందరి మొబైల్స్ లో రిజిస్ట్రేషన్ చేయించాలని వైఎస్సార్సీపీ నియకులు, ఉప సర్పంచ్ కుమార్ పిలుపునిచ్చారు. గురువారం గ్రామ సచివాలయం-1లో మూడు సచివాలయాల పరిధిలోని వాలంటీర్లు, సచివాలయ సిబ్బందితో సమావేశం నిర్వహించారు. ఈ సందర్భంగా ఉపసర్పంచ్ మాట్లాడుతూ, రాష్ట్రప్రభుత్వం మహిళల రక్షణ కోసం ప్రవేశ పెట్టిన దిశ యాప్ ఆగ, మగ తారతమ్యం లేకుండా అందరూ రిజిస్ట్రేషన్ చేసుకోవాలన్నారు. ముఖ్యంగా మహిళల ఫోన్లలో ఈ యాప్ రిజిస్ట్రేషన్ చేసుకోవడం వలన ఎంతో భద్రత వుంటుందన్నారు. యాప్ ఇనిస్టాల్స్ విషయంలో ఇప్పటికే ఎమ్మెల్యే పర్వత పూర్ణచంద్ర ప్రసాద్ ప్రత్యేక సూచనలు చేశారన్నారు.  ఆయన ఆదేశాలను తూచా తప్పకుండా పాటిస్తూ గ్రామవాలంటీర్లు దిశ యాప్ కార్యక్రమాన్ని ఒక ఉద్యమం చేపట్టాలన్నారు. త్వరలోనే మండల కేంద్రంలో అన్నవరం స్టేషన్ ఎస్ఐ ఆధ్వర్యంలో ప్రత్యేక కార్యక్రమం కూడా నిర్వహించనున్నట్టు చెప్పారు. ఈ కార్యక్రమంలో ఈ కార్యక్రమంలో మూడు సచివాలయాల కార్యదర్శిలు రాంబాబు, శంకరాచార్యులు, సత్య, మహిళాపోలీస్ జిఎన్ఎస్ శిరీష, జూనియర్ సహాయకులు రమణమూర్తి, వైఎస్సార్సీపి నాయకులు పడాల సతీష్, పడాల భాషా, సచివాలయాల సిబ్బంది, వాలంటీర్లు పాల్గొన్నారు.

విశాఖ ఏజెన్సీలోని తహశీల్దార్ కార్యాలయాలకు వచ్చిన స్పందన దరఖాస్తులను తక్షణమే పరిష్కరించాలని సబ్ కలెక్టర్ వి.అభిషేక్ తహశీల్దార్ జయప్రకాష్ నుఆదేశించారు. గురువారం సబ్ కలెక్టర్ డుంబ్రిగుడ ఎమ్మార్వో తాహశీల్దార్ కార్యాలయాన్ని సందర్శించారు. ఈ సందర్భంగా కార్యాలయంలోని పలు రికార్డులను తనిఖీ చేశారు. అనంతరం ఆయన మాట్లాడుతూ, మీసేవ సర్వీసులు, సచివాలయ సర్వీస్ రిక్వెస్టులు, స్పందన ,

పిఓఎల్ఆర్ , రెవెన్యూ పెండింగ్ విషయాలపై చర్చించి పలు వివరాలు అడిగి తెలుసుకున్నారు. అనంతరం డుంబ్రిగుడలం  పంటలచింత  గ్రామంలో   జాతీయ రహదారి 516 (NH-516) పనులను పరిశీలించారు.ఈ కార్యక్రమంలో తాహశీల్దార్ తోపాటు సర్వేయర్ చిరంజీవి, రెవెన్యూ ఇన్స్పెక్టర్ రామ్మూర్తి, జెఇ (NH)రమేష్  తదితరులు పాల్గొన్నారు.

శంఖవరం ప్రాధమిక ఆరోగ్యం పరిధిలోని సచివాలయంలో 176 మందికి కరోనా టీకాలు వేసినట్టు సచివాలయం-2 కార్యదర్శి శంకరాచార్యులు తెలియజేశారు. మంగళవారం ఆయన మీడియాతో మాట్లాడారు. ప్రభుత్వం మంజూరు చేసిన 300 కోవీషీల్డ్ వైల్స్ ను శంఖవరం మండల కేంద్రంలో వైష్ణవమాన్యం ప్రాంతంతో పాటు మూడు చోట్ల క్యాంపులు నిర్వహించి అక్కడ రెండవ డోసు పూర్తిచేశామన్నారు. గతంలో ఒకే కేంద్రంలో వేక్సినేషన్ చేసేవారని ఇపుడు మండల కేంద్రంలో పలు ప్రాంతాల్లో వేక్సినేషన్ కేంద్రాలు ఏర్పాటు చేసి ఈ కరోనా వేక్సినేషన్ సరఫరా చేస్తున్నామన్నారు. ఈరోజు ముఖ్యంగా రెండవ డోసు వేసుకునేవారికే అత్యధిక ప్రాధాన్యత ఇచ్చినట్టు సచివాలయ కార్యదర్శి తెలియజేశారు.

గ్రామ సచివాలయంలోని సిబ్బంది, వాలంటీర్లు పనితీరును మెరుగుపరుచుకోవాలని జిల్లా కలెక్టర్ ప్రవీణ్ కుమార్ ఆదేశించారు. మంగళవారం దోర్నాల మండలంలోని దోర్నాల 2, 3 సచివాలయాలను ఆయన మంగళవారం ఆకస్మికంగా తనిఖీ చేశారు. ఆ రెండు సచివాలయాలలో సిబ్బంది హాజరు పట్టిక వాలంటీర్ల హాజరు పట్టికలో ఆయన నిశితంగా పరిశీలించారు. దోర్నాల-2 సచివాలయంలో రెండు నెలల నుంచి వాలంటీర్లు హాజరు పట్టికలో హాజరు నమోదు చేయకపోవడంపై కలెక్టర్ ఆగ్రహం వ్యక్తం చేశారు.  వాలంటీర్లు సక్రమంగా విధులకు హాజరు కావడం లేదని ఆయన గుర్తించి విచారించాలని ఎం పీ డీ వో ను కలెక్టర్ ఆదేశించారు. విధి నిర్వహణలో లోపాలు ఉండడంపై సంబంధిత సచివాలయం పంచాయతీ కార్యదర్శికి షోకాజ్ నోటీసు ఇవ్వాలని ఆయన చెప్పారు. సచివాలయంలోని సిబ్బంది, వాలంటీర్లు పనితీరు మెరుగుపరుచుకోకపోతే క్రమశిక్షణ చర్యలు తప్పవని కలెక్టర్ హెచ్చరించారు. సచివాలయం సిబ్బంది కూడా సగంమంది సచివాలయంలో లేకపోవడంతో ఆయన అసహనం వ్యక్తం చేశారు. హాజరు పట్టికలో సంతకాలు చేసిన తదుపరి ఎందుకు వెళ్తున్నారని సిబ్బందిని ఆరా తీశారు. సరిగా నిర్వహించక పోవడంపై చర్యలు తీసుకుంటామని ఆయన హెచ్చరించారు. ప్రజలు మాస్క్ ధరించకుండా దోర్నాల మండలంలో సంచరిస్తుంటే కనీసం అవగాహన కార్యక్రమాలు చేపట్టడంలేదని ఆయన అసహనం వ్యక్తం చేశారు. హాజరు పట్టికలో సంతకాలు లేకుండా విధులు నిర్వహిస్తున్నామని తెలిపే వాలంటీర్లకు వేతనాలు ఇచ్చేది లేదని కలెక్టర్ చెప్పారు. అధికారులు నిరంతరం సచివాలయాల ను తనిఖీ చేయాలని ఆర్డిఓ ఎంపీడీవోలను కలెక్టర్  ఆదేశించారు.

        కోవిడ్ నిబంధనలు పాటించేలా ప్రజలను చైతన్య పరచాలని జిల్లా కలెక్టర్ చెప్పారు. దోర్నాల మండలం యడవల్లి గ్రామాన్ని సచివాలయాన్ని, పెద్దారవీడు దేవరాజు గట్టు గ్రామ సచివాలయాలను ఆయన ఆకస్మికంగా తనిఖీ చేశారు. సిబ్బంది, వాలంటీర్ల హాజరు పట్టికలు, అనుబంధ దస్త్రాలను ఆయన పరిశీలించారు. వాలంటీర్ వాలంటీర్ ల పనితీరు సిబ్బంది పనితీరు పై వివరాలు అడిగి తెలుసుకున్నారు. ప్రజలకు నిత్యం అందుబాటులో ఉండాలని ఆయన పలు సూచనలు చేశారు. ముఖ్యంగా సచివాలయాలు, రైతు భరోసా కేంద్రాలు, వై ఎస్ ఆర్ హెల్త్ క్లినిక్ ల భవన నిర్మాణాలు పరిశీలించాలని ఆయన చెప్పారు. వేగంగా పూర్తయ్యేలా నిరంతర పరిశీలన ఉండాలని ఆయన తెలిపారు. ఆయన వెంట మార్కాపురం ఆర్ డి వో లక్ష్మిశివజ్యోతి, దోర్నాల ఎంపీడీవో మౌలాలి, తదితరులు ఉన్నారు.